#جديد 🔥🔥🔥
قصيدة لام البنين ع 🧿🔥 اخر ساعات الاحتظار 💔😭😭.
عنوان القصيدة ((تعرضلي صورهم))💔💔
تعرضلي صورهم //وانازع بالمنيه
واصيح بصوت مبحوح//يمه الحگ عليه
شبحةعيني عالباب
واريد اليوم الأحباب
تعرضلي صورهم. تعرضلي صورهم
تعرضلي الصور من تغمض العين
واگلل للعين ابقي ولاتفتحين
اصيح افيش من انظر للحسين
ويعرضلي الگمر من غير چفين
هله بيكم يالاطياب
شبحة عيني عالباب
تعرضلي. صورهم //تعرضلي صورهم
تعرضلي صورهم واحجي بهداي
يملك الموت ريض واسمع مناي
انه تمنيت ولدي تكعد احذاي
تغمضلي العيون وتعدل اغطاي
تحرك ياهوه الهاب
شبحة عيني عالباب
تعرضلي صورهم. //تعرضلي صورهم
تحرك ياهوه واخذ العتب روح
طرشلي لاسباع التشفي الجروح
خيلحگون خافن تطلع الروح
عيوني امفتحه والحيل مطروح
حيلي الصاير اتراب
شبحة عيني عالباب
تعرضلي صورهم. //تعرضلي صورهم
حيلي اتراب صاير من هجركم
الثواني الباقيه مروها امكم
تجوني بساعتي لو اجي يمكم
خلص عمر المتانه وجايه الكم
اجيكم انه بعتاب
شبحة عيني عالباب
تعرضلي صورهم. //تعرضلي صورهم
خلص عمر المتانه وخلص وياه
الدمعه وونتي والصرخه واحااه
تدرون اليفارگ ذايبه اچلاااه
تطيح الدمعه بس للروح تهواه
تسون الگلب ذاب
شبحة عيني عالباب
تعرضلي صورهم //تعرضلي صورهم
اسلم للمنيه واسد عيني
واودع كل عتابي وكل ونيني
وايس يابو فاضل ماتجيني
شيل اجنازتي ومدد اديني
عندك صاير امصاب
شبحة عيني عالباب
تعرضلي صورهم تعرضلي. صورهم
تمت بعون الله وتوفيقه 🧿
#الشاعرة_إسراء_اللامي_✍️
غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع
العمل مهدات لصاحب الزمان ((عج))
🥀🥀🥀🥀🥀🥀🥀🥀🥀🥀🥀
قصيده لمولاتي السيده ام البنين عليها السلام
~~~
فاتحة الحنينه اليوم منصوبه
ودمعات الحزن عالوجه مصبوبه
•───✧◐◐✧──•───✧◐◐✧──
نصب ادموعنه ونواسي احسين
اعله ام الوفه الربت ميامين
ننادي وسفه شالت قرت العين
واعله اولادها الحره متعوبه
