قصيده للحسين ع {شكد حنينات البنات}
من سبي الكوفه لسبي شـام البعيده
للبنــــــــات اعله الذبح تنعئ حميده
نعاوي مال امضيعات
شكد حنيــنات البنات
من سبي الكوفه لسبي شام البعيده
❥❥❥❥ـــــــــــــ❁❁ـــــــــــــ❥❥❥❥
تنعئ بآهات ** اعله الذبح مكسور خاطرها الزغيره
صعبه صاحت ** من تشوف الغالي ينلم بحصيره
خطيه بنته ** ماتت امها وهسه ابوها ومو جبيره
ازغيره لا ام لا ابو يمها رقيه
وبالجره ماتدري ويلي شكد خطيه
يالعيون امورمات
شكد حنينات البنات
من سبي الكوفه لسبي شام البعيده
❥❥❥❥ـــــــــــــ❁❁ـــــــــــــ❥❥❥❥
امورمه العيون ** امضيعات وكلشي بيهن يصرخ اشتاگ
كلهن ازغار ** وينهن وين اليتم اووين الفراگ
الهوئ ليهن ** من بعد كل المشوا للريه خناگ
يا حميده بالنعاوي تذكرت الشال
طاري العزاز من اجه يالدمع همال
ياهظم الملوعات
شكد حنينات البنات
من سبي الكوفة لسبي شام البعيده
❥❥❥❥ـــــــــــــ❁❁ـــــــــــــ❥❥❥❥
يااا هظيمه ** ابو ماعدهن يسكت دمع العيون
كسر الجناح ** مو سهل آه ياليتامه بيهن اشلون
ابو مامش ** يجيب مرهم للبنيه حگ المتون
حسين عافاهن وتجري ادموم الجروح
مات عطشان وويلي بسيف مذبوح
قبل يمه امدللات
شكد حنينات البنات
من سبي لكوفه لسبي شام البعيده
❥❥❥❥ـــــــــــــ❁❁ـــــــــــــ❥❥❥❥
سمعت ام عون ** صوت النعاوي وبچت ويه بجيهن
صاحت آحاه ** والله من ليل اهدعش انحب عليهن
ازغار ياناس ** بس يهد اجبال ونهن وي حجيهن
انه من ليل اهدعش مقهوره وانحب
من اشوف سكينه وي ارقيه تعتب
من الفراگ اموجعات
شكد حنينات البنات
من سبي الكوفة لسبي شام البعيده
❥❥❥❥ـــــــــــــ❁❁ـــــــــــــ❥❥❥❥
الفگد والصار ** حيل يقهر ياخلگ بس الله يدري
روحي تعبت ** كون ميته ولا اعيش بهظم عمري
كلشي جتال ** وهسه اول امنياتي امشي كبري
الموت اهون من قهر الايام ياناس
لا ابو لا ام بقه لا يفز عباس
هظيمه والله اميتمات
شكد حنينات البنات
من سبي الكوفة لسبي شام البعيده
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
لاتنسون التصويت +متابعة حسابي
