السيدة سكينة عليه السلام
وكأني بها وهي في تلك الحالة تتذكر مصائب كربلاء
وكأني بها في ساعة الاحتضار بعد ما أوصت بوصاياها والعلويات قد أحطن بها وهن ينادين
وا سيدتاه فاستقبلت القبلة وتوجهت بالتسليم على صاحب السكينة وساكن المدينة ولسان الحال يقول
عالقبلة ممدودة سكينة
واتودّع ديار المدينة
ترحل اولكنها حزينة
تذكر أبوها اموذرينه
خلوه عالغبرة رهينه
اوراسه على خطي شايلينه
طول العمر تذكر محنها
ما تهدى ويغمّض جفنها
شالوا أهلها بيوم عنها
اوظلت غريبة في وطنها
بعد المحن هالليلة بتموت
ما ينسمع من عدها أي صوت
منهو الذي يحمل التابوت
من اخوانها خليانة البيوت
(🖌ام حسين العوض )
وبعد أن توجهت نحو القبلة وتشهدت الشهادتين عرق جبينها وسكن أنينها ومدت يديها وأسبلت رجليها وفاضت روحها الطاهرة
🏴🏴🏴🏴🏴🏴🏴🏴🏴
وفاة السيدة سكينة بنت الحسين عليهما السلام
يا والينـــه ــ يا والينه
انظر حالي ــ يا والينه
آنه اسكينه واشــرح هضمـي
واجرع چاس دموعي وهمي
يـا بويــــه اتمنيتــــك يمـــي
يحسيـــن وريــت اتحامينــه
يا والينـــه ــ يا والينه
انظر حالي ــ يا والينه
دارو بينــه اولايــه اولايــه
نتستــــر بجنــــاح الرايــــه
وجدمي امن النار امچوايه
من حرگــو خيمتنه اعلينـه
يا والينـــه ــ يا والينه
انظر حالي ــ يا والينه
يابويــه الخِــــدَّر يسروهــــا
بسيــاط الظالـــــم ضربوهـا
بنتــك يــا بويـــه يشتموهـا
يا دهــري الجايـر بسنينـــه
يا والينـــه ــ يا والينه
انظر حالي ــ يا والينه
چتالـــك يحسيـــن گبالــــي
راســك بيده برمحـه العالـي
شصبــر اكثـر بويـــه الغالـي
بهالموقـــف تالـــي اتخلينـه
يا والينـــه ــ يا والينه
انظر حالي ــ يا والينه
مــا اگــــدر اتصبــّـــر اكثــر
بـدروب الآجـــــال اتعثــــر
ويــن القاسـم ويـن الاكبــر
چاوينــه الگطعــو چفينـــه
يا والينـــه ــ يا والينه
انظر حالي ــ يا والينه
سجّــادك بس ظــل اويانــه
واطفــال وخـــدر عطشانـه
شتظـــن نصبر يــا مولانــه
مــا نگــدر نصبــر تدرينـــه
يا والينـــه ــ يا والينه
انظر حالي ــ يا والينه
تدري بحالـــي لـو مـــا داري
ملــك الموت اليـــوم ابداري
يقبض روحي وتطفه انواري
إحضر بنتــك يابــو سكينــه
يا والينـــه ــ يا والينه
انظر حالي ــ يا والينه
كلمات عمار الراشدي
🏴🏴🏴🏴🏴🏴🏴🏴🏴
وفاة السيدة سكينة بنت الحسين عليهما السلام
يا كربله ــ آنـه مــا أنسـه جرح
يا كربله ــ راس ابويه المنذبح
وابآخر اوداع ــ ضاع العمر ضاع
يا كربله ــ يا كربله
آنه سكنه مـن نسـل بيت الرسالــه
آنه بنـت اللي رســـول الله بچالــه
آنه بنت حسيــن مصبــاح العدالـه
الظل عله الغبره وسف محد دناله
ما چَفِّنوه ــ ظل ثلاثــه عالترب
ما غَسّلوه ــ شَحّو اعليه العذب
من طاح الشراع ــ ضاع العمر ضاع
ياكربله ــ يا كربله
صورة الماضي تظل جرح بدليلي
بعيني أشباح السهر من يمر ليلي
والسياط الظــل أثرهـــا تعتنيلي
وبعد صوره للرضيع اترد عويلي
حَــز الحِبـــال ــ باقي بچفوفي أثـر
وجدم الجمال ــ تمشي نوبه واتعثر
كل طيحه بالگاع ــ ضاع العمر ضاع
يا كربله ــ يا كربله
ضاعت احلام العمر منّك زمانـي
بديرِتي أسكن لچن بالغربــه آني
والبِنيته راح مــن عندي بثوانـي
بعــد إلمن عايشه وإلمــن اتانــي
بعيونــي خوف ــ مانست نار الخيــم
وگطع الچفوف ــ من زند راعي العلم
يملاوي السباع ــ ضاع العمر ضاع
يا كربله ــ يا كربله
ذكريـاتـــي كلهـــــا آلام ومــآســــي
ودّعــت بالغاضريـــه اغلـــه ناســي
خيول حزني ولوعِتي تدوي براسي
والزمـن مارحــم بيّــه غدره قاسـي
دمـــع العِيــون ــ عَبَّد ادروب السبي
يحدي الظعون ــ چم لئيم وناصبي
وابدرب الاوجـــاع ــ ضاع العمر ضـاع
يا كربله ــ يا كربله
ابقه ابقه شامخه رغــم الجراحات
للنصر طول الدهر مرفوعـه رايات
للمدينــه رجعــت الخدر مصونات
لاچن آلام الحــزن مِتوَطِنـه الذات
گلبـــي حزيـن ــ لحد ما موتي دنه
فراگ الحسين ــ والدي اليوم ابسنه
فارگته شبساع ــ ضاع العمر ضاع
يا كربله ــ يا كربله
كلمــن ايواسي مصابــي بهالرزيـه
واللي يجري دمعــة احزانه عليّــه
وصوتــه ناده يا ذبيــح الغاضريـه
أجلــي عَنّــه كــل ملمـات المِنِيـّــه
يوم الحِســاب ــ أشفع الحال المحب
واهل المصاب ــ منهــا مغفور الذنب
صوت الجرح ذاع ــ ضاع العمر ضاع
يا كربله ــ يا كربله
لاتنسون التصويت +متابعة حسابي
