ولادة نبينا محمد ص وامامنا الصادق ع
نورين هالمسيـــه ـــــ يتلالن سويه
جمعتنـــــا ـــــــــــ فرحتنـــــــــا
صــوت الفرح يتعالـــه ـــــ بفرحنه
انهنــــي الرسول و آلـه ـــــ بفرحنه
نوريـــن هـــل تتلالــــه ـــــ بفرحنه
يحلـــه الحفل موالــــه ــــ بفرحنه
قداح ورياحين ـــــ تنثر عالمحبيـن
جمعتنـــــــا ــــــــــــــ. فرحتنـــــــــا
عــــم السعد بالوسعه ــــ هلا بي
انهني البتوله البضعـه ــــ هلا بي
احبابه هــل مجتمعـه ــــ هلا بي
للهادي صوت اترفعـه ــــ هلا بي
أصوات الزغاريد ــــ تصدح بالمواليد
جمعتنـــــــــا ــــــــــــــ فرحتنـــــــــا
ازهر جمال الصــــادق ــــ سطع نور
چن نوره مثل الشارق ــــ سطع نور
يا محله وجهــا البارق ــــ سطع نور
أشرق ابليـــل الغاسـق ــــ سطع نور
هامت بيه الگلوب ــ احله واغله محبوب
جمعتنـــــــــا ــــــــــــــ فرحتنــــــــــا
عدنــــا ابربيع الاول ــــ نسم فـاح
مولـــد نبينا المرسل ــــ نسم فاح
حفـل الولاده اتكمـل ــــ نسم فاح
بالصادق اكثر اجمـل ــــ نسم فاح
تتغنى العصافير ــــــــ تمرح عالازاهير
جمعتنــــــــــا ـــــــــــــ فرحتنـــــــــا
الله يــــــا محلاهـــــا ـــــ هلفراح
نحييهـــا مـا ننساهــا ـــــ هلفراح
تنعـــــــاد نتمنـاهـــــا ـــــ هلفراح
كل عام واحنه وياها ـــــ هلفراح
عشاگ ومجانيــن ــــــ للعتره موالين
جمعتنــــــــــا ـــــــــــــ فرحتنــــــــــا
بيوم الفرح نادينـا ـــــ يمهـدي
يمتــه تهل اعلينــا ـــــ يمهـدي
نترجى من بارينــا ـــــ يمهـدي
يگرب ظهورك لينا ـــــ يمهـدي
الفرحه الچبيره ـــــــ ابساعة ظهوره
جمعتنــــــــا ــــــــــــ فرحتنـــــــــــا
كلمات عمار الراشدي
💐💐💐💐💐💐💐💐💐💐
شعر النبي محمد صلى الله عليه وسلم
انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل حلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
