قصائد متنوعه

قصائد الامام الحسن ع.

قصيدة للحسن  ع {تذكرت سهري} كاني بالزهراء جالسه امام قبر الحسن في الليل وتنعئ له ...

تذكرت سهري واجيت
ساعة وحدة ماغفيت

يمه .....يمه ...حسن يمه
❥❥❥❥ـــــــــــــ❁❁ـــــــــــــ❥❥❥❥
تذكرت سهر الليالي وتعب الايام
من جنت بحضاني آه يوليدي اتنام
يبني هالليلة الدليل اهواي محتام
كون هسه بحضني وانه اشتمك اشمام

فل ترابك يالهوه
وگوم خل نگعد سوه

يمه .....يمه ...حسن يمه
❥❥❥❥ـــــــــــــ❁❁ـــــــــــــ❥❥❥❥
يا جبير اولادي يا فتشت اعيوني
سوه خل نگعد واسولفلك اشلوني
بفرگتك يا حسن يمــه بهت لوني
فز اليه ابداعتــي خابت ضنوني

بيه هم ايهد جبل
اجفاك لتضنه سهل

يمه .....يمه ...حسن يمه
❥❥❥❥ـــــــــــــ❁❁ـــــــــــــ❥❥❥❥
اجفاك كلش مو سهل وجعني تدري
شلون عايفيني حزينه ودمعي يجري
من تنام اعله التراب ايضيع سهري
رد عليه يالولد يا بعد عمري

كوم يم كبرك اجيت
الك متعوبه اعتنيت

يمه .....يمه ...حسن يمه
❥❥❥❥ـــــــــــــ❁❁ـــــــــــــ❥❥❥❥
والله متعوب الگلب من كثر الهموم
الف يا وسفه ييمه تموت مسموم
اثجيل يومك وانه حيلي ابروحه مهدوم
آه يحزني ما يفل مستمر للدوم

مستمر حزني تره
نايم انته بمكبره

يمه .....يمه ...حسن يمه
❥❥❥❥ـــــــــــــ❁❁ـــــــــــــ❥❥❥❥
ابمكبره نايم يمن ردتك تجيه
من يضوج الخلگ ردت اتمر عليه
تگلي يمه احذاج انه وتلزم بديه
يس الف وسفه اصبحت وحشه الثنيه

خلص حيلي يالولد
كوم كافي من اللحد

يمه .....يمه ...حسن يمه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

🏴🏴🏴🏴🏴🏴🏴🏴🏴🏴

قصيدة للحسن ع {فاتحة لابن الزجية}

الليلة يا محله العزية ** فاتحه لابن الزجية

مات مسموم الحسن والجبد ممرود
اللـــيلة من دار الزجيه الولد مفگود

الليلة يا محله العزية ** فاتحه لابن الزجية
❥❥❥❥ـــــــــــــ❁❁ـــــــــــــ❥❥❥❥
مات مسموم ** ويلي ابن الزاجيه وانمرد جبده
الف يا حيف ** نام بترابه المشه والسبب چعده
صاح الحسين ** مات ابو محمد بعد ليه شيرده

ما يرد غـــمض اعيونه ونام بتراب
وگلب زينب هالمسه ياناس عطاب

توجع اگلوب المنية ** الليله يا محله العزية
❥❥❥❥ـــــــــــــ❁❁ـــــــــــــ❥❥❥❥
زينب اليوم ** تگول مات اول اخو والفگد جتال
وحشه الديار ** وآه من الذكره لو مرت عله البال
الدمع سچاب ** مابطل ساعه بغيابه باقي همال

ادموعي ماتسكت بدونه حيل احبه
فرگـة الغالي عله گلبي حيل صعبه

مات ياراعي الحميه ** الليله يا محله العزية
❥❥❥❥ـــــــــــــ❁❁ـــــــــــــ❥❥❥❥
وياها نبچي ** خل نساعدها عله اخوها المات مسموم
زينب تصيح ** ضحكتي ادفنت تره والحيل مهدوم
آه يا ويل ** عافني ومابقه منه بس الهدوم

راح اظل من اختنگ اشتمهن اشمام
ويلي حته اجنازته صوبوها بسهام

بعد مايرجع عليه ** الليله يا محله العزية
❥❥❥❥ـــــــــــــ❁❁ـــــــــــــ❥❥❥❥
صوبوا الروح ** لمن صابوها الجنازه بسهم ياناس
من شفتها ** لطمت خدي والترب هليته عالراس
صعب كلش ** من يعوف اخته الاخو مر هذا الاحساس

وانه عافاني الحنين البيه محنه
وراح يبقئ للابد عايش حـــزنه

تذبح اهواي الرزيه ** الليله يا محله العزية
❥❥❥❥ـــــــــــــ❁❁ـــــــــــــ❥❥❥❥
العشره فلت ** لآجن احزاني صعب اكدر افلها
راح مني ** الكعدته وياي ما اكدر املها
ملت الروح ** بعد ياهوه اليتچي يا حملها

يالحمل ياهوه اليتچي ابغيابه
الليلة يذبحني الاخو ذبح ابمصابه

وحشة هالليلة الثنيه ** الليله يا محله العزية
❥❥❥❥ـــــــــــــ❁❁ـــــــــــــ❥❥❥❥
#للشاعرة​ غدير الحساني

🏴🏴🏴🏴🏴🏴🏴🏴🏴🏴

قصيدة مؤلمه
امنية الحسن
*اداء الملا ام علي
كلمات الشاعر عبد الخالق الجريشي

گبري يحسين نهدم لا ضريح ولاعلم
أعيوني تربي الجية المشايه
رايد اسمع من يجون اقرايه

حجر باقي من ضريحي يم قبور أمهدمات
والدرب عثرات ممشه أولا مناير ضاويات
خويه وعيوني الزجيه أمن البواحي أنجرحات
من تجي بكل خطوه لچمه من ظلوع أمهشمات

من يدليهه الدرب أمنه مكسورة گلب
كون يم كبري تشوف الرايه
رايد اسمع من يجوني قرايه

چانت أبشباچي خويه ايشد علگ طِلبه اليهم
هسه يبن امي الزيارة صارت بعيني حلم
يمته زوارك يجوني وريحتك بيهم أشم
أبربعيني المواكب تعتنيلي أعله الجدم
عندي وياهم عتب أتاخروعني أشعجب

عاده أدري أبشيعتي وفايه
رايد اسمع من يجون اقرايه

حسين زوارك عليه الأخراهم ياسبب
عيوني تربي أبكل مسيه عندي وياهم عتب
ماردت منهم مناره وصحن شباج ذهب
أقرايه اريد عن رقيه الحرك معصبهه اللهب

*نرجوا برائة الذمه ان وجد خطا اثناء

لسان حآل موُلآتي زينب شتكوُل ‏أَنَا الشَفَتْ طَشْتَيْن 💔
طَشْتَ بٍي چبَدَّ الحَسن وَطَشْت بِي رَأْس الحسَيْنْ 💔🥀 ..

لاتنسون التصويت +متابعة حسابي