لسان حال السيدة زينب عليها السلام
گلولها ابنيتج بعدها ابعازتچ
گلولها ارويحتها فوگ جنازتچ
اتحوم ضلت عالنعــش
والگلب منهاانخــــــمش
گلولها ابنيتج بعدها ابعازتچ
........................
ختعوفه مو وكته الهجر والنومه
الموجوع گلبه أتلچمه حتى اهدومه
كلولها امن أحضانها محرومه
بوسط الگلب حسرة تضل مكتومه
اعليها ذكرج لو يمر
يفيض بركان الصبر
گلولها ابنيتج بعدها ابعازتچ
........................
لو مر ذكرها گلبي تلهـــــب ناره
وعيوني من دم مو دمع تتجاره
يمه الگلـــــب متكسرات اعباره
لمن اشوف البيت طافي انواره
امي ياكل الهوه
كون موتتنه سوه
گلولها ابنيتج بعدها ابعازتچ
........................
نمشي سووه وتشيلنه الدفانة
التابوت صارت فاطمة ابحضانة
گـلـولها مــا ينگـــــطـع مبچـانـــة
شالـوهـا امـي للگــــبر وجــعــانه
وچهج اينام بگبر
ياهو الها ام الخدر
گللولها بنيتچ بعدها بعازتچ
........................
منهو اليضمد اجروحي البدلالي
والدهر يوميه فجعني بغالي
منج حرمني وبعدج افكد والي
وبرض الطفوف اتخيب كل آمالي
وني كله بلايه صوت
احلامي ماتت بالسكوت
گلولها ابنيتج بعدها ابعازتچ
........................
ياوني باچر لو شفــــت مذبوحي
بحر الشمس تكثر عليه اجروحي
و.لحد تشـــــاركني يزهره بنوحي
وي حيلي تتهدم عليه اصروحي
وفوگها ديرة الشام
تحدي بيه اهل اللئام
كلولها ابنيتج بعدها بعازتج
........................
تحدي النوايب وحده جرت وحده
نعش امي محد شاف وين تعده
هم. شفتو ميت ضاع عنكم لحده
مخفي الگبر طالت علينه المده
يمته ياصاحب الثار
گلوبنه تلهب شرار
گلولها بنيتچ بعدها بعازتچ
........................................................
تمت وبعون الله تعالى باقلام
ام عـــ✍🏻ـــلي البابلي
ام ولــ✍🏻ـيد الموسوي
زينـــــ✍🏻ــب الواسطي
نسالكم الدعاء،،
