ناده جبريل ابحـزن ويـــانه
اليوم دين الله انطـبر قرئانه
اليـــوم نعلنهه حــداد
ونلبس اهدوم السواد
ـــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ــــــــــــــــــــــــــــــــــــ
ياعلي اينادي الموالي وتلبس اسود شيعته
ويرتفـع صــــوت المنابر بـالطم لمصـــيبته
كل محب ينصب عزيه ابحزن يهمل دمعته
وينحب المحراب لجله والصــلات اوركعته
ــــــــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ـــــــــــــــــــــــــــــــــــــــــــ
امن الحزن يبجي بقه فقـاره
وصاح راح ألي جنت خطاره
ينحـــمل بجفوفه راد
ونلبس اهدوم السواد
ـــــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ـــــــــــــــــــــــــــــــــــــــــ
بسيف مسموم اعله راسه ويلي صارت ضربته
ساجد الربه ابصـــــــلاته وسيفهـم طر هـامته
الله يلعــن ابـن ملجـــــــم والعصابه الــــودته
عذبو كَلب الرســــول ابيـــــوم ذبحو مهجته
ــــــــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ـــــــــــــــــــــــــــــــــــــــــــ
هدمو بــاب العلـــم ياويلهم
بيش ينفعهم هبل وي دينهم
بالحشــــر كلهم رمـاد
ونلبس اهدوم السواد
ــــــــــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ــــــــــــــــــــــــــــــــــــــــــ
اليـــوم اركان الهدايه واصبحت مهدومه
اضلم الكـون وتكـــــدر والمــلا ملجومه
حزنت املاك السـماء وتبجي دم ابيومه
ويلي عل فركَ حيدر وبعده ماتم صومه
ــــــــــــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ـــــــــــــــــــــــــــــــــــــــ
العيد كَــرب والحزن قطانه
اشلون نفرح ونته مو ويانه
ولألم بجروحـــي زاد
ونلبس اهدوم السواد
ــــــــــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ــــــــــــــــــــــــــــــــــــــــ
تلطم اعله الراس ركضت ركضه وحده ايتامه
اتصــــــيح ودونه الولينه وخل نشـــم ألثامـه
ياهـو مـن بعـــــــده يمرنه لوكضـــت أيـــامه
اكلوبنه انصـــابت ابشــــــده يوم صابو هامه
ـــــــــــــــــــــــــــــــــــــــــــ
ناده جبريل ابحـزن ويـــانه
اليوم دين الله انطـبر قرئانه
ــــــــــــــــــــــــــــــــــــــــــــ
كَاعده ايتــــامه تون يم بابه
يمته حيدر يرجع امن اغيابه
ذاب مــن اجله الفؤاد
ونلبس اهدوم السواد
ــــــــــــــــــــــــــــــــــــــــــــــ
*ناده جبريل ابحـزن ويـــانه
اليوم دين الله انطـبر قرئانه
ـــــــــــــــــــــــــــــــــــــــــ
الخادم
كامل السعيدي
