شبگت الراس وتون«»وغمضت يمه الجفن
آيا رقيه آيا رقيه««»آيا رقيه آيا رقيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بالحلم شافت ابوهه،،،، چنه شابگها شبگ
يقبل خدود العزيزه،،،،وينثر اشواگ العشگ
انه ابوچ حسين انه،،،، شلون عنچ افترگ
وصار يسئلهاويناشد،،،،وليش چفچ محترگ
،،شافته وصاحت هلا«»بجيتك من كربله،،
،،آيا رقيه آيا رقيه«»«»آيا رقيه آيارقيه،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
موحلم چنه حقيقه،،،،وبينهم صار العتاب
تگله بويه شوف حالي،،،،بالخرابه ابلايه باب
شلون ترضاها يبويه،،،،اني انامن عل تراب
بلايه حظنك دنيا وحشه،،،،شفت انواع العذاب
،،أله تشكي من اليسر»وهو ظمها لصدر،،
،،آيا رقيه آيا رقيه«»آيا رقيه آيا رقيه،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وفرحت بجيت ابوهه،،،،ومن بعيد اتلگته
تگله ياهلا وسهلا،،،،بين اديها شبگته
وظلت اتنا ديله بسمه،،،،وفزت وما شافته
هسه يمي وين ابويه،،،،ليش طالت غيبته
،،فزت بلوعة گلب«»والدمع منها يصب،،
،،آيا رقيه آيا رقيه«»»آيا رقيه آيا رقيه،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وين ابوي تصيح اريده،،،،والدمع منها انحدر
من سمع الظالم خبرها،،،،وهيه تبچي من القهر
صاح اخذوا الراس الها،،،،دامي مگطوع النحر
ورفعت المنديل عنه،،،،وشابحه اعليه النظر
شبگت الراس بهظم»وتشتكي من الظلم
،،آيا رقيه آيا رقيه«»آيا رقيه آيا رقيه،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بين ونه وبين سكته،،،،وحالها بموقف صعب
والعليل بحسره ناده،،،،ماتت ودمعه يصب
ارقيه ماتت من هظمها،،،،من بعد ذاكه الدرب
من بعد ذيچ المصايب،،،،الموت اخذهه بالغرب
ماتت خلاف الأبوا«وصار ينعاها الأخوا،،
،،آيا رقيه آيا رقيه«»آيا رقيه آيا رقيه،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي
