#السلام_عليك_يااباعبدالله_الحسين
ــــــــــــــــــــــــــــــــــــــــــــــــــــــــ
ادخلوها...... بسلام آمنين
جنة الفردوس بين الحرمين
.قد أتى جبريل زحفا بالانين
احرم الحجاج سعي الاربعين
**********************
المشايه گصدت كربله
زاير احسين اندلله
ملگانه خدمه وياهله
..................اشتتمنه وتريد
امرنه واحنه بخدمتك
يزاير اطلب طلبتك
مقبوله صحنه زيارتك
.................والحاجه بالأيد
على زوار شفنه الحور ولهانه
وتحسدهم اجت وبروح عطشانه
ولايحسبهه تدري اجدامه تعبانه
المشي لحسين راحه وهذا عنوانه
ها هنا لبيك صوت العاشقين
احرم الحجاج سعي الاربعين
***********************
بيوم اربعينك رتلت
ايت مواكبنه اعتلت
حتى جهنم عزلت...
......................يوم اربعينك
هاي الافلاك اترجلت
بطور العراقي لو نعت
بحسين وعياله اقتدت..
....................شافت حنينك
هلا بحباب ابو السجاد نادينه
فخر نخدمكم احنه ولاتهم بينه
دعاء الزاير بهالخدمه يكفينه
الاجر محسوب يم حسين تلگينه
هكذا العشق بدى يحلو اليقين
احرم الحجاج سعي الأربعين
**********************
دمعة العاشك خضارك
هايمه الناس بجوارك
يضوي للعالم مدارك....
................ ... نور الحسين
وبطريقك شفنه اعمه
بالمشي تعبهه جدمه
همه يوصل هذا زلمه....
.....................بدمعة العين
كال ابروحي شفته وانه اشكيله
لون كله الدرب عثرات امشيله
احسين ابيده للزاير يتچيله
أشما يثكل جدم محبوبه يوفيله
ان قلبي يرتوي حب الحسين
احرم الحجاج سعي الأربعين
***********************
بالمشي شفنه العجايب
امحزم ويمشيله شايب
انعذب ابحبنه النواصب
........................خل يشوفون
من بعيد بروحه كاصد
قدم انواع المشاهد
للعشك وضح قواعد ..
..................... لازم اجنون
ماهمنه العدد ونضيف الزوار
واللسان الهلا ونعزب الخطار
وصخام جدر بالخدمه ظل اثار
نحسبهم اهلنه وكاعد بهل الدار
سوف ننعاك على مر السنين
احرم الحجاج سعي الأربعين
***********************
دفعة بله نمشي العمر
لازم نوفيلك نذر
درب العشك صار الجمر..
.......................ظنو نعوفك
يدلل الزاير يجي
يطلبنه يامر بالحچي
لحسين كاصد بالبچي
.....................عاشك طفوفك
هلا ابكل الجانه يا هلا نرحب
والمرتب ينادي صاح ابو الموكب
والزاير يسولف قصة امعزب
كاعد ينتظر من غبشته يرتب
قد خلقنا شيعة فاضل طين
احرم الحجاج سعي الأربعين
***********************
تمت بعون الله
خادمكم...... يوسف الفتلاوي
