قصائد مولد الامام على الاكبر
الفرح كل الفرح يكبر
بيوم ميلادك يالأكبر
بالسعاده هل علينه
**************
هـالأمــر من العـرش لاح وصدر
اليوم لحسين بفرح وجهه ابتشـر
لأن ابنه الأكـبــر ابنـوره حـضــر
نفـس جـده المصطفى سيد البشـر
كل ملك بالسمه كبر
بيوم ميلادك يالأكبر
بالسعاده هل علينه
***********
اليوم شبه المصطفى هل عـالمله
وكل دمـوع الـفـرح بالحب هامله
الـيوم مـيـلادك يــراعي المـرجله
يل صرت رمز الــوفـاء بـكـربـلـه
الصوت ناده الله واكبر
بيوم ميلادك يالأكبر
بالسعاده هل علينه
***********
اليـوم ميلادك وبالفـرحه نطوف
عـالجسد ذاك التگطع بالسيـوف
تبقه يـالأكـبـر رغـم كل الألــوف
جبل شامخ ثابت بأرض الطفوف
باقي جرحك لسه أخضر
بيوم ميلادك يالأكبر
بالسعاده هل علينه
***********
بالـفـرح والحب نـرددلك نشـيـد
ياشهـيـد الشرفت كلمة شهــيـد
يـوم ميلادك يالأكـبـر احله عـيد
والاجـر بي ثابت انحسه وأكـيد
الماحضر هاليوم يخسر
بيوم ميلادك يالأكبر
بالسعاده هل علينه
*************
✧══════•❁❀❁•══════✧
ابيات جميلة بمناسبة مولد علي الاكبر ( عليه السلام )
حركنه النار من دُر ضحكــة العين .... وبجينة الضحك كد ما ضحكنــــه
وعاشرنه الفرح بشمــوع الأعيــــاد .... وعزلنه الحزن يوم الفرحنـــــــه
لجروح الوكت سدينــــة الأبــــواب .... وبس باب السعادة الليلة عدنــه
العيدك يا علي الأكبــر بالأفـــــراح .... خذتنه الروح واحنه وياها رحنه
بالغيرة ابد لا مــــــــو بــالكمـــاط .... بيك التف علــــــي ومنه عرفنه
مهدك مو جديد احنه عرفنـــــــاه .... مهد عبـــــاس عمك بيك شفنه
شلنه احنة العمر لجلـــك يمــولاي .... على جفوف العشك عيدنه اهلنـه
وخرنه الشمع من عيــدك اليــوم .... وعلكنة رموشـــنه شموع بجفنــــه
وبعيـــون العشك خطينه الهـــلال .... وبؤبؤ عيـــن اسمك ضيَ املنــــه
يتنـــافا الفكـــر وبكـــل الأعيـــاد ....
بس بعيد حبكم حـــــــي فكرنه
فرشنه فراش شوك بدمع الأفــراح .... وعلى خدود الورد حبكم رسمنـه
ونبعث للزجية اجمل تراتيــــل .... وكناري افراحنة اتغرد نغمنـــــــه
اهني حسين بالفرحة وعيدة
علي الاكبر ظهر جودة وعيدة
يلاهي الكون ديمه انه وعيدة
نريد بكل سنة انهني الزجية"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
