يمة يمة / الكسر ضلعچ ياهو
يمة يمة / بليل ضعنچ شالو
1
زغار يا يمة بعدنا لا تروحين
زينب وكلثوم بيهن ما تحسبين
خاف الچ نية يزهرة لا تطولين
من يدير علينه باله من تشيلين
يمة يمة / بخوف ولدچ نامو
2
شنهو يمة شيوجعچ تبچين سكتة
گرب يومچ يم حسن چني عرفتة
ضلعچ المكسور يوجع من نظرتة
سال دمعي ورجف گلبي لمن شفتة
يمة يمة / عليچ وسفة عالو
3
عليچ يبچي الوالد يريدچ يزهرة
خلاف عينچ چذب ما نگدر نصبرة
يومچ يحط بالگلب يحبيبة جمرة
كون المفارگ محب ميطول عمرة
يمة يمة / بقهر گلبچ قبلو
4
سگط محسن والدمه سال اعلى بابچ
ليش شمسوية العدو بالعين صابچ
بت رسول الباري كون الكل تهابچ
يمة ريت اليوجعنچ بي ولا بچ
يمة يمة / الوحدچ ما گالو
5
شلون بيتچ ندخله ونطب حجرتچ
ردتچ تضلين خيمة علينه ردتچ
ردي وسكتي البواچي مال بتچ
گعدي زهره الگبرچ انا اليوم اجيتچ
يمة يمة / بچتلتچ وشرادو
تمت بقلم الملا والشاعرة نور الهدى المياح
