الامام العباس بعده مقتل الحسين (ع)
للسيده زينب (ع)
جسمه مسلوب يزينب جسمه مسلوب
گـومـي لميهن بناتـه صــــــــار الغروب
حسين مايرجع ابد
ايسي يازينب بـعد
صـار الـغـروب ... صـار الـغـروب
گومي لميهن بناته حسين طـــاح عله الثره
مـــن الگفه زينب اخيج والله گطعو منحره
مطشر ع الگاع جسمه وحته سلبو خنصره
والشمر فوگ عله صـــدره 12 طبره مطبره
گومي لحسين يزينب گومي لحسين
صيحي للخيــــــل اجته لا تسحگين
الجرحه مايرهم ضمد
ايسي يــــازينب بـعد
صـار الـغـروب ... صـار الـغـروب
گومي زينب شوفي جسمه صار ملعب للسحگ
رضرضوهن كل ادينه حته خـــــــــافن ينشبگ
ايسي يـازينب يخويه حسين جسمه من طبگ
لحگـــــي لخيامــــچ يحره كلها رايـــح تحترگ
يعينج الله يخويـــــــــه يعينج الله
حسين فوگ عالرمل بجروحه صله
منين شيلزمه الجسد
ايسي يــــازينب بـعد
صـار الـغـروب ... صـار الـغـروب
الفزع يم المخيم واصــــــــــل عليچ الفزع
حسين يتعذر يـــــزينب منه مكسور الضلع
عين ليچ وعين ليه وانــــه خويه بيا وضع
يعينچ الله يبت فاطـــم ملتم عليچ الجمع
عل الشريعه الكفلچن عل الشريعه
يعتذر يــــــــاخويه چفينه گطيعه
راسي مصيوب بعمد
ايسي يـــازينب بـعد
صـار الـغـروب ... صـار الـغـروب
خلصو ذبــــــح الهواشم راحــو الـصـوب الخيم
ردت افزع بـــــس يزينب عيني مصيوبه بسهم
هدلي حيلي حسين شفت يلوج خويه من الالم
اعـتذر چـفيـن مــــاكو بـــــــلايه عـيـن ولا علم
شبت النار شفتها شبت النار
بالعبايه گومي لميهم الازغار
عليكم گليبي نمرد
ايسي يازينب بـعد
صـار الـغـروب ... صـار الـغـروب
اتحملي ياخويه زينب الـــدرب كلش طويل
ديــــره بالچ عله الهودج خلي ايدچ لا يميل
ادري هل وادم غـــريبه وبيچن اكثرها تعيل
خويه لا تبچين خـــــايف لا تجرحين العليل
رايد اجدام يـــــزينب رايد اجدام
الضعن تعبان مايحمل مشي لشام
بالضعن خالي المهد
ايسي يــازينب بـعد
صـار الـغـروب ... صـار الـغـروب
خادم سبايه الحسين (ع)
مـقتـدى سـالـم الـجيـاشـي
