ذبحوا حسين العده من البارحه
يا رباب وما نصبنه الفاتحه
احنه وي كل النسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
يا رباب شلون انسه وآنه شفت الي جره
بعيني شفت الشمر ويلي بسيف يكَطع منحره
وشفت ثاني اتعنه اخيي وكَام يكَطع خنصره
وبحوافر خيل اميه ضلوع صدره مكسّره
شفت دم من النحر يتجاره
وجف يمنته لزم جف ايساره
وضع لا ماينسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
ليله مرّت وآنه اخيي نايم بحضن الترب
آنه اتمنّه اعتنيله وامسح الدم اليصب
زلم وخيول بطريقه شلون اطرّنه الدرب
وهم ارد بعيوني اشوفه آنه عندي اشجم كَلب
شلون اوصل والزلم بدروبه
شلون وآنه الي جنت مهيوبه
شلون ايدي اتلامسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
عاده عن الناس ادري من يموت الهم ولي
تلطم الناس اعله اخدهه والمدامع تنهلي
بعد ما يندفن تنصب فاتحه بجمره اتغلي
بس خويه حسين ويلي وينهه الزهره وعلي
بلايه جادر لا هله التبجيله
وماكو توزيع بثوابه الليله
ثوب اسود نلبسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
يا رباب وياي كَومي انّادي كل هاي الحرم
نسوّي مجلس عل حسين ونبجي بس ادموع دم
من عبينه انسوي جادر لان ما ظلت خيم
فاتحه نقرره بثوابه وتنهدي الراعي العلم
والثواب امي تجي بصينيته
والله ادري تحظر بتعزيته
بكل صباح وكل مسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
هاي اول ليله مرت وحشه وبدلالي آه
ليله وحشه يا رباب وخل نصلّيله الصلاه
آنه اكطّع هذا كَلبي كون بس لحظه نساه
و يا ذبيح المثل اخيي لسه مخضوب بدماه
ما شفت ميَت فلا يدفنونه
وعل تراب وماجوا ايشيعونه
خصمه بيه شكد قسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
🤍🤍🤍🤍🤍🤍🤍🤍🤍🤍🤍
لحسين نلطم والعزه
بلدفتر امسجلينه
😔😔😔😔😔😔😔
يبقئ عزانه للابد
يحضر ابو اليمه اللحد
للموت ماننسه الوعد
مظلوم يابو سكينه...... لحسين نلطم والعزه
😔😔😔😔😔😔
مظلوم تلطم شيعته
وهناك تطلب وكفته
سجل الخادم دمعته
للكبر يحظر لينه....... لحسين نلطم والعزه
😔😔😔😔😔
يحظر ويشد العزه
للخادم بيوم الوزه
مظمون يم طك الجزه
كلمن خدم لحسينه...... لحسين نلطم والعزه
😔😔😔😔😔😔
من صحنه صوته ويسمعه
للخدام امه توقعه
كلمن لطمنا ينفعه
بلمحشر يجازينه....... لحسين نلطم والعزه
😔😔😔😔😔
تمت
