قصيدة ليلة العاشر عن السيدة زينب عليها السلام
زينب لمت النسوان راح ايروح والينا
=====================
التمن ياخواتي بساع
شبعن من اهلنا وداع
باچر ما تضل اسباع
من انفاركَ الفرسان يتشمت عدو بينا
================
اگعدن كلچن بخيمة
بعدهم نسكن بهيمة
ما نگدر عزة انجيمة
تكتل فركت الوليان ما عدنا الي يحمينا
=================
خيطلچن عبي لباچر
حسين ايررضة الحافر
ادخيلك ربي يا ساتر... شيحنة العدو اعلينا
================
الخدر الخدر اوصيچن
چلبن خية بعبيچن
النار اتچوي رجليچن
النار اتطيح الصيوان نسحگها وتچوينا
================
باچر نلتهب بالنار
وبطفال وخدر نحتار
والعيلة اتغدي طشار
نركض نترس الوديان راحوا كل اهالينا
================
تلتف اعله ادينا احبال
واشكال الحچي ينگال
وحادينا العدو الچتال
نسوان وبلاية اخوان بحبلة ايجرح ادينا
===============
للخيل الخيم ملعب
ما واحد عليه نصعب
چلبن كلچن بزينب
الكفيل امگطع الذرعان غايب مايرد لينا
===============
نصعد هزل من النوكَ
من سوكَ ونطب لسوكَ
هاي اعلينة لا متلوكَ
بنات الهادي والعربان كلها معلكَة الزينة
===============
أسألكم الدعاء
