السلام عليكم ورحمة الله وبركاته
عظم الله اجركم بهذا المصاب الجلل
وهو استشهاد السيدة فاطمة الزهراء عليها السلام
#جديد 🔥🔥
لسان الحال عن مولاتنا زينب ع بعد فراق للزهراء ع تشكي لها عن حزن الروح الفاقدة ومدا حزنهها واوجاعها بعد الفراق
اخ ياصرخت اجروحي الدولبتني
صاحت بفجر الليالي وفززتني
ضايعه روحي وتحن
تريد مني امي وتون
آه يروحي. آه يروحي.
هيه روحي اتعودت بليل تنعه
مظلم الليل ودمعتي تصير شمعه
بالمخده يذوب دمعي ومااطلعه
ويلتم اعليه الحزن ويجيب ربعه
غصه والوجعه وقهر
خانگ انفاسي الهجر
آه يروحي آه يروحي
خانگه انفاسي وادور حضن دافي
لاجرح لاوجع عندي الظلي غافي
وكلها فزت والفرح وياي جافي
ينسمع صوت الونين وحيل صافي
صافي ياصوت الوجع
والنفس يمه انگطع
آه يروحي. آه يروحي
ياوجع فرگاج والوحشه وكسرتي
ومن افز بالليل واتغطه بهضمتي
وذيج التذوب الحجر يايمه ونتي
شكد اسولف بيج لليل بشهگتي
فاگده ووني نعرف
ليلي وي حزني نجرف
آه يروحي آه يروحي
الليل رافجني بظلامه وصار عاده
وتنزل دموعي وتروح اعالوساده
يبدي يكعد كل وجع يمه بمعاده
كلبي وي الليل يعلن كل حداده
صحبه وي ليل العتب
اشكي كل ونه وتعب
اه يروحي اه يروحي
مري خل ارتاح يمه وتغفه عيني
فدوه لو حتى بحلم يمه وتجيني
كولي بتي شبيها فدوه وناشديني
بحضنج الدافي يزهره اتنوميني
لحضنج الدافي ردت
من الهجر حيل ابردت
آه يروحي آه يروحي
تمت بعون الله وتوفيقه 🧿
#الشاعرة_إسراء_اللامي_
الشاعرة_أم_ذوالفقار_إسراء_اللامي
العمل مهدات لصاحب الزمان ع
🏴🏴🏴🏴🏴🏴🏴🏴🏴🏴🏴
قصيدة لمولاتنا الزهراء "عليها السلام" لسان حال ابنتها زينب "عليها السلام"
ولك ياموت رد الوالدة شوية
اريد اشكيلها اشسوه الزمن بيه
---------------------------
زغيرة عمر اني والحمول اثگال
ويافرکه الحنينه اعلي صعب ينشال
على افراش المنيه ومردت الدلال
اشوفنها توصي بدمعه مجريه
---------------------------
وصيتها ارد اكلها البيهه وصتني
ثكيله اهواي يمه وحيل أذتني
وصيت الموت هايَ هدلت متني
على اخوانج تگلي عينج اربيه
---------------------------
على خواني توصي وتهمل الدمعه
تعلـم بالـچـبد والمنـكسر ضلـــعه
كــــل غالي ييمة روحــج تـودعه
غمضت عينها وماحچت بالجيــة
---------------------------
غمـضت عينها وللـگبر شالـــوها
لـو ساعت وكت امـــــي يردهـا
احلام الطفـوله بـامي ختمـــوها
شفت محسن سگط والزهرة مرمية
---------------------------
ايــام الاخـيــره امــي خـتمتهه
تصد لحسين وتسولفلي نظرتهه
من كربله تگلي آه ومصــيـبتهه
يضل مرمي اخيج فوگ الوطيه
---------------------------
شدي احزام يازينب على الونات
باچر يالعقيله شبعي بالشوغات
تعوفين اخوتـــچ نومه علمسنات
اويه ابن الخنا تمشيــــــــن مسبيه
---------------------------
تمت وبعون الله تعالى باقلام
