"خمسة علامات
....
يبني يالمهدي هالليله الوداعيه
كطعو جبدي هالليله الوداعيه
ابوك العكسري مات.. يبو خمسة علامات
هالليله وداعيه
...
من هسه ابتعد يوليدي عالناس..غيب امن النواظر
الغيبه الصغره حانت ياضوه العين..لابد ان تهاجر
اموت انه وتموت النعمه وياي.. واتموت المشاعر
والاعظم من مصابي امصاب الاحسين ..داسوه بالحوافر
اتلتعطش صوره..شكو من مصاحفنه
كلمن ودوره.. بس حلوه مواقفنه
عدنه اوي الله وكفات..يبوخمسة علامات
هالليله الوداعيه
...
اربع سفرائك ذوله نواب.. يمشون بنهجنه
الشيخ السمري وحسين ابن روح..والعمري وابنه
هذوله اليربطون اكلوبهم بيك.. هذول اهل المحنه
بعدهم علماء الدين يحييون.. تراث الله واسمنه
لازم الشيعه.. ان تعرف شريعتنه
العالم اتطيعه.. والعالم صنيعتنه
اهل العلم آيات..يبوخمسة علامات
هالليله الوداعيه
....
لاتنطي الامان البني العباس.. طبعهم بي خيانه
تراهم بشر بس كلهم شياطين..ولا عدهم ضمانه
اتصور عالنخل كامو يصلبوه....اليذكرنه بلسانه
عطاشه الناس ذوله و مايشبعون..من لذة دمانه
الله يلعنهم.. المارحمو الساده
من ابوجعفر..الحد آخر اولاده
اشكد سوو ضلامات..يبوخمسة علامات
هالليله الوداعيه
....
بالوديان اسكن والجبل روح.. وبكل مغربيه
اذكر كربله وامصاب الاحسين..وابجي اعله السبيه
ابدرب الشام اذا فد يوم مريت..لاتنسه رقيه
شبكة راس ابوهه وغمضت العين.. ورده ابمزهريه
تحجي وي نحره.. واتكله يبو الشيمه
ترضه يابويه..بنتك تمشي بالهيمه
امشي اوي الاسيرات..يبوخمسة علامات
هاللليله الوداعيه
...
واريدك يبوصالح بيت الاحزان.. عوض عني تزوره
وكبر امنه الزجيه مثلك ايغيب..وعله ايدك ضهوره
البيان العاجل الجيتك يموعود.. لاتعلن صدوره
الى ان تكتمل خمس العلامات.. وتتوضح الصوره
الخسف والصيحه.. ثم القتل بالكعبه
ثم سفياني.. يعلن رايته وحربه
ويماني الاهدى رايات..يبو خمسة علامات
هالليله الوداعيه
....
اخيرا امنياتي امن اليخدمون..تاخذ جيش شيعي
الاتلثميه ثم اتلعطش ذول.. عشكهم مو طبيعي
واحدهم ينادي بليل ونهار..يمهدي ياشفيعي
يبن طف ونجف والعسكريين....يالجرحك بقيعي
ذوله عالغيره..علمهم ابو فاضل
احسبهم اجنودك.. وذل بيهم الباطل
هذوله اهل العزائات..يبو خمسة علامات
هالليله الوداعيه
محمد الجماسي
🥀🥀🥀🥀🥀🥀🥀🥀🥀
الشاعر ابو علي الكربلائي
قصيده (جوابيه)
يابويه ترحل وآني أظل صعبه عليه صعبه عليه
ويّاك أريدن ماحصل بويه بديّه بويه بديّه
وبحسرة المشتاكَه.............اتنطرك نتلاكَه
منتظره موتي منتظره موتي
==========================
يلّي خذت كلشي ورحت
مفجوعه مهضومه صحت........ لاترحل تخليني
آني العزيزه فاطمه
بويه عليك معلّمه...............تسولفلي وتسليني
صبح ومسيه شوفتك
وأبقه إلك مشتاكَتك...............معقوله وتجافيني
بعيوني يابويه ضوه
بأنفاسي أشتمّك هوه.............تحييني وتغذيني
