الشاعرة الملة ام هجران العمارچيه:
موشح للسيدة زينب عليها السلام ( ماتسد بيبانهه )
هاشميه والفخر عنوانهه
هاي زينب ماتسد بيبانهه
الهه كل الزود والعز والفخر
بت علي وماكو مثلهه بالبشر
خل اسولفلك يمن رايد خبر
عن قدرهه وعن اهلهه وشانهه
مثل اهل زينب ابد ماكو اهل
يعيش خادمهم عزيز ولايذل
هاي ابوها المرتضى خير العمل
اسباع واليوث الحرب خوانهه
بت سبع واخوانهه اسباع الحرب
صيح يازينب ويرتاح الگلب
تحضر الشدات واتحل الصعب
والكرامه امسطره بديوانهه
الهه ديوان وكرامه امجربه
خل نگلهه اگلوب عدنه امصوبه
بداعت المحد اميه شربه
شيعتچ تنخاچ شيلي احزانهه
شيعتچ تنخاچ وانتي امعدله
شافي كل عله واعدلي المايله
نقسم اعليچ بضحايه كربله
والنشامه النامت بميدانهه
نقسم اعليچ وقسمنه بالكفيل
وبالغريب حسين ووليده العليل
ضيعينه ادروبنه وانتي الدليل
ادخيلچ امن الاخره ونيرانهه
داخلين اعليچ دنيه واخره
وانتي يازينب ولامثلچ مره
اليوم كلنه انصيح سبع الگنطره
گوم لختك سلبو صيوانهه
من ديوان مسلوب العمامه الجزء الخامس
لشاعرة اهل البيت
ام هجران العمارچية
«««««««««««««««««««««««««««
🌼🌼🌼🌼🌼🌼🌼🌼🌼🌼🌼
«««««««««««««««««««««««««««
الشاعره غدير الحساني:
قصيدة للسيدة زينب ع {وكت المنيه}
وصل وكت المنيه ..ومامش اخوان
ردت عباس ليه ايصير دفان
❥❥❥❥ـــــــــــــ❁❁ـــــــــــــ❥❥❥
ردت عباس بس عباس ماجاني
وحيده بالغرب يا وسفه خلاني
هظيمه كافلي من ادموم بچاني
{ايبچيني // ليش العباس}
❥❥❥❥ـــــــــــــ❁❁ـــــــــــــ❥❥❥
ايبچيني الحنين وانه تعبانه
من وكت الذبح لليوم نحلانه
اريدنه يجيني الليله دفانه
{امخليها // زينب عباس}
❥❥❥❥ـــــــــــــ❁❁ـــــــــــــ❥❥❥
اعتازه يجيني الليله كفالي
الموت بهل مسيه والله يحلالي
غير الله بعد بالدنيه انه مالي
{يعوفوني // بالغربه اشلون }
❥❥❥❥ـــــــــــــ❁❁ـــــــــــــ❥❥❥
عافوني اجر ونه باثر ونه
وي عباس راحت كلها المحنه
انه الماحسبت فد يوم اضيعنه
{ضيعيته // من يوم السابع }
❥❥❥❥ـــــــــــــ❁❁ـــــــــــــ❥❥❥
ضيعته وبعد جفين ماعنده
يا عباس نايم ضال ابلحده
شملنه اطشر وياهوه اليرده
{كلوله // زينب رايدتك}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
«««««««««««««««««««««««««««
🌼🌼🌼🌼🌼🌼🌼🌼🌼🌼🌼
«««««««««««««««««««««««««««
