📜 القصيدة: أم الأقمار
🎤 أداء: مسلم الوائلي
🖋 كلمات: محمود الموسوي
~~~~~~~~~~~~~~~~~~~~
أم البنين أم العطاء
~~~~~~~~~~~~~~~~~~~~
هذه سر البقاء كنزها كان الوفاء
انجبت خير الرجال بطلاً في كربلاء
بخيته أم البنين وزودها هوايه
وموش گماط سوت للگمر رايه
ابو فاضل جبير ويرهب اصياره
خزر نهر الفرات وركضه بمايه
تفتخر بيك يعباس يسبع الساده
تنطي الجفوف للحسين فخر وزياده
~~~~~~~~~~~~~~~~~~~~
فضلها فضل عجيب وعلي كان النصيب
تخدم أهل الحسين وحسين هو الحبيب
اجت للبيت مفتخره الكلابيه
ورفعة راسها بخدمة العلويه
علي گدام ولدك هذا اسمي يصير
احترام الفاطمة صيحولي بدويه
أم الأقمار والأسرار اجت وياها
الحاير سنين بالحسين فقط ينخاها
~~~~~~~~~~~~~~~~~~~~
قبلة الحب والحنان نظرتاً منها امان
سورة الحمد قضاء كل حاجات الزمان
وحگ سورة الغيره البيها البشاره
وزينب قبلت العباس بصياره
غير أم البنين توضت أسم حسين
ومن صار أبو فاضل صارت الشاره
خيرج هواي جزه الماي دخيل احساسج
خيمه وفياي للحسين طلع عباسج
~~~~~~~~~~~~~~~~~~~~
اعطت الأم اليقين ارضعت حب الحسين
اكملت كل الخصال سميت أم البنين
تره العباس حب حسين رضعته
ومن ثدي الشهامه غيره شبعته
گلتله اتصير خيمه وطولك العامود
وگلالي ابشري وباوع عله اخته
زلمتي وگال يخيال هله بجفينك
تنطي العيون والجفوف نذر لحسينك
~~~~~~~~~~~~~~~~~~~~
كفها كان السخاء عينها بحر العطاء
انجبت أجمل أمير قمراً فوق السماء
گمر وعيونه حلوه وحيل جتاله
ثجيل وعود زلمه اليوصل خياله
كلها تخاف من عباس بالعباس
وشيوخ العرب شالوهن ادلاله
هذا الاحساس ينوماس يراعي الشيمه
امك اتصير عالضعون عبايه وخيمه
°°°°°°°°°°°°°°°°°°°°°°°°°°°°°°°°°°°°💔💔🥀
