[ Unicode ]
" နေသွေး....သူငယ်ချင်းလေး ငါဝင်လာမယ်နော်"
" နင်ဟာ လူမရောက်သေးဘူး အသံကနင့်အိမ်လောက် ကတည်းကကြားနေရတယ်"
" နင်ကလဲ ငါကလေ နင့်ကိုစားစေချင်လွန်းလို့ ကြက်သားဆန်ပြုတ်လေးကို ငါကိုယ်တိုင်အပင်ပန်း ခံပြီးသယ်လာရတာကို ဟွင့်..စိတ်မကောင်းအောင် သိပ်ပြော "( ချွဲသံဖြင့် )
" ချေမိုး ဘယ်လိုကြီးပြောနေတာတုန်းဟာ ဆက်ပြောရင် ငါထ ကန်မှာနော် "
" နင်က ငါ့ကိုကန်ရက်တယ်ပေါ့ အေးပါဟာ .."
နေသွေးမှာစိတ်ပျက်တယ် ဆိုသည့်အကြည့်ဖြင့် အပြောနဲ့မဟုတ်ဘဲ အလုပ်နဲ့သာ သက်သေပြလိုက်သည်။
ဗုန်း.......
" သူတောင်းစား နေသွေး....အီး....နာလိုက်တာ "
" ဟဲ့ မြေးလေးဘာဖြစ်.......တာလဲ "
မီးဖိုချောင်ထဲ ထမင်းချက်နေသည့် အဖွားသည် ယောင်းမကြီးကိုင်ကာအရေးကြီးသုတ်ပြာနှင့် မေးလာရင်း ကုတင်ခြေရင်းတွင် ကျုံ့ကျုံ့လေးလဲနေသည့် ချေမိုးကြောင့် ပြောလက်စ စကားတွေပင် ထစ်ကုန်သည်။ဟိုငမွှေထိုးမကတော့ အ့ခုမှမကျသည့်မျက်ရည်အား ဇွတ်တွေညှစ်ချကာ ငိုယိုနေသည်။
" အဖွား သူကလေ သမီးကို ကုတင်ပေါ်က ကန်ချတယ် အီးးးးးးးးး"
"မြေးရယ် ဘာလို့အ့လိုလုပ်ရတာလဲ ထထ ချေမိုးလေးထ "
" သမီးဘက်မှာ အဖွားဘဲရှိတယ် ... အဖွားကအကောင်းဆုံးဘဲသိလား "
"အဖွားရယ် အ့ဟာမကို အပြင်ခေါ်သွားလိုက်ပါဗျာ ကိုယ့်ဘာသာကိုအေးအေးချမ်းချမ်းမနေရဘူး "
" ငါက နင့်ကိုပျင်းနေမှာဆိုးလို့ စေတနာနဲ့လာတာဟဲ့ မလာဘူး နောက်နေ့တွေလဲ မလာတော့ဘူး ငါ့ဆန်ပြုတ်လဲမသောက်နဲ့ ပြန်ယူသွားပစ်မယ် "
" ယူသွား ယူသွား ငါမျက်စိနောက်သက်သာရင် ပြီးရော ကြွမှာဆို မြန်မြန်သာကြွ "
" သွားမာ သွားမာ "
" ဟဲ့ ဟဲ့နေကြပါဦး အော် ဒီကလေးတွေကတစ်မျိုး အောက်ကဟင်းအိုးကတစ်မျိုးနဲ့ ရူးချင်လာပီ "
YOU ARE READING
👉Chaos with You and Me👈 ( ပရမ်းပတာ မင်းနဲ့ငါ )( Complete )
Romance[ Unicode ] ချစ်နေရက်နဲ့ ဖွင့်မပြောနိုင်တဲ့ ကိုယ်တို့နှစ်ယောက်အတွက် စည်းလေးကခြားထားဆဲပါလား.......... [ Zawgyi ] ခ်စ္ေနရက္နဲ႕ ဖြင့္မေျပာနိုင္တဲ့ ကိုယ္တို႔ႏွစ္ေယာက္အတြက္ စည္းေလးကျခားထားဆဲပါလား.......... START DATE - 6 . 8 . 2021 END DATE- 6 . 10 . 2...
