[ Unicode ]
" အင်းးးး "
ဝိုးတဝါးမြင်နေရသည့် အရောင်ဖျော့ဖျော့ မျက်နှာကျက် ကြောင့် ဘယ့်သူ့အခန်းမှန်း ချေမိုးတက်အပ်သိခဲ့သည်။ ဘေးကိုကြည့်မိမှ ငုတ်တုတ်ငိုက်နေသည့် အနေအေးသော ထိုလူသား ...။ အရောင်တောက်ရင် မကြိုက်သည့် ထိုသူ၏ အကျင့်က အိပ်ခန်းကအစ, ခပ်မှိန်မှိန်နှင့်သာ..။
ထိုသူ၏ အစိတ်အပိုင်းတစ်ခုဆီအား ကြည့်နေရင်းမှ ခပ်စိပ်စိပ်မျက်တောင်တို့ လှုပ်ခက်လာကာ နိုးထလာသည်။
" ချေမိုးနိုးနေတာလား ဘယ်လိုနေသေးလဲ နာတာကိုက်တာမျိုးရော ရှိလား "
ခေါင်းခါရုံသာ ချေမိုးစွမ်းသာ၏။ အပြင်ဒဏ်ရာထက် အတွင်းဒဏ်ရာက ပို၍ စူးနစ်နေသဖြင့် စကားပြောဖို့ပင် မစွမ်းသာခဲ့..။ ဖေဖေ့အကြောင်းမေးချင်ပေမယ့် ရရှိလာမယ့် ရလဒ်အတွက် ချေမိုးခံနိုင်ခြင်းမရှိသေးပါ။
" နေသွေး ငါဗိုက်ဆာတယ် ငါ့ကိုတစ်ခုခုလောက်ကျွေးပါလား "
" အင်း ခဏလေးနော် "
ကဗြာကယာ ထွက်သွားသည့် နေသွေးအား ချေမိုး သွေသွေ လေးငေးကြည့်ကာ စကားတစ်ချို့အား နှုတ်မှခပ်တိုးတိုး သာဆိုမိသည်။
ခဏအကြာ လက်ထဲတွင် ဆန်ပြုတ်ပန်းကန်အား ကိုင်ကာ ခပ်သွက်သွက်ပြန်ရောက်လာသူ
" ချေမိုး ရော့ "
ချေမိုးအား ထူပေးကာ ကုတင်ဘောင်အား ခေါင်းအုံးခုကာ ငုတ်တုတ်ထိုင်စေသည်။
ဆန်ပြုတ်ပန်းကန်အား ကြည့်ကာ ချေမိုးမျက်ရည်တို့ တသွင်သွင် စီးကျလာပြန်သည်။ ပါးမို့မို့ထက်စီးဆင်းလာ သည့် မျက်ရည်နှစ်သွယ်အား နေသွေး ခပ်ဖွဖွလေးသုပ်ပေး လိုက်သည်။
ဆုတောင်းတိုင်းသာပြည့်မယ်ဆိုရင်တော့ ကံကံ၏အကျိုး ကို ခံစားရပါတော့မလား ...။
လောကကြီးက အချိုတလှည့်အခါးတလှည့်နှင့် ကံကြမ္မာစက်ဝန်းမှာ black coffeeတစ်ခွက်လို အရသာအား တမြေ့မြေ့နှင့် မြည်းစမ်းစေခဲ့သည်လား..။
" ကြိုတွေးပြီးသားဆိုပေမယ့် ဖေဖေ့ရောဟင် နေသွေး "
" ဆေးရုံရောက်တာ နောက်ကျသွားခဲ့တော့ .."
YOU ARE READING
👉Chaos with You and Me👈 ( ပရမ်းပတာ မင်းနဲ့ငါ )( Complete )
Romance[ Unicode ] ချစ်နေရက်နဲ့ ဖွင့်မပြောနိုင်တဲ့ ကိုယ်တို့နှစ်ယောက်အတွက် စည်းလေးကခြားထားဆဲပါလား.......... [ Zawgyi ] ခ်စ္ေနရက္နဲ႕ ဖြင့္မေျပာနိုင္တဲ့ ကိုယ္တို႔ႏွစ္ေယာက္အတြက္ စည္းေလးကျခားထားဆဲပါလား.......... START DATE - 6 . 8 . 2021 END DATE- 6 . 10 . 2...
