[ Unicode ]
နေလုံးကြီးကွယ်ပျောက်ကာ မှောင်ရီပျိုးနေပြီဖြစ်၍ အရာအားလုံး မှုန်ဝါးဝါးနှင့်ပင်။ ထိုမှုန်ဝါးဝါးမြင်ကွင်း တို့ကြားထဲရှိ စက်ဘီးလေးမှာလဲ တိတ်ဆိတ်နေပြန်သည်။
" လမ်းတွေကသိပ်မမြင်ရတော့ဘူး ပြုတ်ကျနေမယ် ကိုင်ထား "
" ကိုင်ထားတယ်လေ "
နေသွေးစက်ဘီးရပ်ကာ နောက်ပြန်ကြည့်မိတော့ စက်ဘီးခုံလေးအား လက်လေးဖြင့် ကိုင်ထားသည့် သူမလက်အား ခါးထက်သို့ဆွဲယူပြီး သူ့လက်နှင့် ထိုလက်ပုတိုလေးအား ပြန်လည်ဆုပ်ကိုင်ထားလိုက်သည်။
" ခုံပြုတ်သွားလို့ ငါထိုင်စရာမရှိဘဲနေလိမ့်မယ် "
" ငါကအ့ခုမှ စက်ဘီးလိုက်စီးတာလား ဒါကရိုးနေပီကို "
" မတူဘူးလေ အ့တာကအရင်က အ့ခုကအ့ခုဘဲ "
ချေမိုးပြောလဲရမည်မဟုတ်မှန်းသိသောကြောင့် ခွန်းတုံ့ပြန်မ နေဘဲ ကိုရွှေလိပ် ထားရာအတိုင်း ခါးဖတ်ကာလိုက်လာခဲ့ သည်။ နှစ်ယောက်လုံးရဲ့ နှုတ်ခမ်းထက်မှာတော့ အပြုံးကိုယ်စီနဲ့ပေါ့...။
တဖြည်းဖြည်းနှင့်သပြေပင်ကြီးဘေးရှိ ဆီဆိုင်လေးသို့ ရောက်လာသည်။ နှစ်ဦးသားအိမ်ထဲဝင်သည်နှင့် ဧည့်ခန်းမှ ကဗြာကယာ ထလာသည့်အဖွားမှာ နေသွေးအား သေချာကြည့်ကာ စစ်ဆေးနေလေသည် ။
" မြေးလေးရယ် ဘယ်တွေသွားနေတာလဲ အဖွားဖြင့်စိတ်ပူ သွားတာဘဲ "
" သား တောင်းပန်ပါတယ် အဖွားကိုစိတ်ပူအောင်လုပ်မိလို့"
" ချေမိုးလေးကိုလဲ ကျေးဇူးတင်ပါတယ် မြေးလေးကိုရှာကူလို့ "
" ရပါတယ်အဖွားရဲ့ "
ချေမိုးလက်လေးဆွဲကာ အဖွားကတော့ ကျေးဇူးတင်စကား ဆိုလေသည်။
တကယ်ဘဲ သူမကကျွန်တော့စိတ်ကိုအမျိုးမျိုးပြောင်းလဲ နိုင်စွမ်းရှိနေသည်။
*******************
ဆီဆိုင်ရဲ့ ဘေးခုံတန်းလေးတွင်ထိုင်ကာ ချေမိုးတစ်ယောက် မိမိနှုတ်ခမ်းလေးအားထိကာ ကြည်နူးရသည့် အတိတ်ရဲ့ နာရီတစ်ချို့မှ ဖြစ်စဉ်လေးအား ပြန်လည်ပုံဖော်ကာ မရည်ရွယ်ပါဘဲ နှုတ်ခမ်းထက်၌ အပြုံးတစ်ပွင့် ဖြစ်တည်လာခဲ့သည်။ ထိုစဉ်
ESTÁS LEYENDO
👉Chaos with You and Me👈 ( ပရမ်းပတာ မင်းနဲ့ငါ )( Complete )
Romance[ Unicode ] ချစ်နေရက်နဲ့ ဖွင့်မပြောနိုင်တဲ့ ကိုယ်တို့နှစ်ယောက်အတွက် စည်းလေးကခြားထားဆဲပါလား.......... [ Zawgyi ] ခ်စ္ေနရက္နဲ႕ ဖြင့္မေျပာနိုင္တဲ့ ကိုယ္တို႔ႏွစ္ေယာက္အတြက္ စည္းေလးကျခားထားဆဲပါလား.......... START DATE - 6 . 8 . 2021 END DATE- 6 . 10 . 2...
