ဝမ်ရိပေါ်သည် ရှောင်းကျန့်ချစ်သူ ဖြစ်လာပြီဆိုကတည်းက ရိပေါ် မူးနောက်ချာချာလည်လောက်အောင် ရှောင်းကျန့်မှာ ပိုမိုများပြားလှသော စည်းကမ်းချက်များ ချဲ့ကားလာလေသောကြောင့် စိတ်ခေါ်မှုများစွာနှင့် နေ့စဉ်ဘဝကို ရင်ဆိုင်ရပါတော့တယ်။
"ကျန့်.. ရိပေါ်က ကလပ်ကို
သွားမလို့ မဟုတ်ပါဘူး..
ကျိုးအာနဲ့ စာကြည့်တိုက်
သွားချင်လို့ပါဆို! "
ကလပ်မှာ ကိစ္စတစ်ခုဖြစ်ပြီးသည့်နောက် သူ ဘယ်တော့မှ အဲ့ဒီနေရာကို ထပ်မသွားသင့်တော့မှန်း ရိပေါ် ကောင်းကောင်းသိလိုက်ရပြီးပြီ။
"ကလပ်သွားမှာ
မဟုတ်ဘူးဆိုလျှင်တောင်
ဘော်ဒီဂတ်ခေါ်သွားရမှာပဲ ရိပေါ် "
ရှောင်းကျန့်က ရိပေါ် သူ့ကို စကားနိုင်မလုနိုင်အောင် လုပ်နေတာပဲ ဖြစ်သည်။ အထူးသဖြင့် ရှောင်းကျန့် သူ့ကောင်လေးခေါင်းကို ပုတ်လိုက်ပြီး ဝန်းကျင်ကို ဝေ့ကြည့်ကာ မျက်မှောင်ကြုပ်သွားသည်။
"ဟန်နီ ဒီနေရာမှာ
သည်းကြီးမည်းကြီး
စားချင်နေတာ သေချာလား "
ဒီမေးခွန်းက အဖြေမလိုတော့သော မေးခွန်းတစ်ခု။ အကြောင်းအရင်းမှာ ရိပေါ်က လူသွားစင်္ကြန်အနားနီးတဲ့ ခုံတစ်ခုံပေါ် ထိုင်ပြီးသားဖြစ်သလို ပေါက်စီနှစ်ပွဲ အလျင်မှာလိုက်ပြီးသား ဖြစ်နေပြီ။
ရိပေါ် ရှောင်းကျန့်လက်ကို ဆွဲ၍ ထိုင်ရန် ပြောလေသည်။
ရှောင်းကျန့်က ရပ်နေဆဲဖြစ်သကဲ့သို့ လူသွားစင်္ကြန်လမ်းကို ဂရုတစိုက် စိုက်ကြည့်နေလေသည်။
"ဟန်နီ နေရာကိုလည်း ကြည့်ဦး ညစ်ပတ်လွန်းတယ်ကွာ "
ရိပေါ် မတ်တပ်ထရပ်လိုက်ပြီး ဆိုင်ရှင်ထံမှ Tissue အနည်းငယ် တောင်းယူကာ ဘေးမှာ ထိုင်စရာ အခင်းသဖွယ် လုပ်ယူလိုက်သည်။
"ဒီမှာ ထိုင်တော့ "
ရိပေါ်က ပြောရင်း ရှောင်းကျန့်ကို ဆွဲချနေတော့ ဒီလူကြီးလည်း သူ့ပြောသလို လိုက်နာရုံပဲ ရှိသည်။
YOU ARE READING
SUGAR BABY (ZSWW) (ျမန္မာဘာသာျပန္ /မြန်မာဘာသာပြန်) (COMPLETED)
FanficFULLY CREDIT TO ORIGINAL AUTHOR - 'JiSheun' FULLY CREDIT TO ENGLISH TRANSLATOR AUTHOR - 'Star-755' (Zawgyi + Unicode) အသက္ ၁၈ႏွစ္အရြယ္ ဝမ္ရိေပၚေလးရဲ႕ဘဝဟာ ခက္ခဲၾကမ္းတမ္းပါတယ္။ သို႔ေပမယ့္ ဝမ္ရိေပၚေလးဟာ မထင္မွတ္ဘဲ ပို၍ေကာင္းမြန္ေသာဝန္းက်င္သို႔ ေရာ...
