#روايه_٣١_يوم_مغامره
#للكاتبه_مريم_عماد
#الحلقه_السادسه_عشر
#اصدقاء_المشاكل
في مخزن اقل ما يقال عنه مرعب حيث شرارات النار الخارجه من الاسلاك الشبه مدمره والكارتين الورقيه التي تملئ المخزن والاشياء المكسوره مثل طاولات وكراسي وارائك والفحم الموجود علي الحوائط والارض مما يدل علي ان ذلك المكان اطفاه رجال الاطفاء بعد نيران اضرمت بشراسه في ذلك المكان وتحديدا في غرفه من غرف ذلك المخزن كانت تجلس ماهي علي كرسي وهي مكبله بحبل قوي وبجوارها فاطمه لتقول ماهي بخوف /انا خايفه
فاطمه بغيظ/بت طول ما انتي خايفه مش هنعرف نهرب اجمدي كده
ماهي بتوتر/المصيبه اننا منعرفش احنا جينا هنا ازاي وليه احنا كنا في المكتبه ومن بعدها الدنيا اتمسحت من دماغي خالص
فاطمه بغيظ اكبر/ما ده اللي غايظني اوي
ماهي/طيب اهدي باذن الله ربنا ينجينا منها
فاطمه /يارب
دلف الثلاث شباب الذين خطفو ماهي واذو عز الدين ليقولو/اتمني تكون الاقامه في الفندق السبع نجوم عجباكم
فاطمه ببرود/كانت هتبقي احلي بكتير لو مشوفناش اشكالكم
الشاب التاني بعصبيه/احترمي نفسك يا بت انتي ده انا في ثانيه اوديكي عند اللي خلقك
فاطمه بسخريه /طيب كويس انك عارف ربنا
الشاب بعصبيه /قصدك ايه
فاطمه /اوووووبس انت كمان غبي ما تفهم يا ابني هو انا فيا نفس اشرح
الشاب الثالث بعصبيه/انتي عايزه لسانك يتقطع صح
فاطمه بسخريه /مش هستبعدها اللي يطعن راجل حاول انه يدافع عن نفسه وعن البنات اللي معاه يعمل اي حاجه
الشاب بنبره ارعبتهم/طيب كويس انك عارفه بس انتم بالنسبالنا بيضه دهب هناخد اللي احنا عايزينه منكم ونرميكم زي الكلاب
فاطمه بتصحيح /تقصد زيكم يا شويه كلاب
اغتاظ الثلاثه ليرخجو من ذلك المخزن لتقول ماهي بخوف/رديتي عليهم ليه يا طمطم كده هينفخونا
فاطمه ببرود/ولا يقدرو يعملو حاجه وامحي خوفك ده احسنلك متبقيش جبانه يا ماهي الشخص بيستقوي علي الشخص الاضعف منه وعمره ابدا ما يستقوي علي القوي فانتي بتبينلهم انك ضعيفه وخايفه وده مينفعش
تنهدت ماهي لتقول/فهمت ثم اكملت بحزن لتقول /اهلي وحشوني اوي
فاطمه ببسمه /والله واهلي انا كمان
ماهي /ربنا يردنا ليهم ويخرجنا من المصيبه دي علي خير
فاطمه ببسمه /يارب
............................................
في الجهه الاخري وتحديدا في منزل وليد(والد ماهي)
كان يجلس وليد ونور ومروان وروان ومحمد (ابن عم ماهي واللي عايز يتجوزها عشان فلوسها) وام محمد(سميحه)
كانوا يتحدثون لياتي اتصال لوليد برقم مجهول ليقول وليد باستغراب /مين ده
نورد نشوف مين يمكن شغل
رد وليد ليجد صوت رجولي يظهر عليه عدم الرقي (السرسجه)ليقول الرجل /وليد بيه ابو ماهيتاب صح شوف بقي انا اتصلت عليك وغرمت نفسي كارت بخمسه عشان اعرف مكان بنتك الكبيره فنصيحه مني متتخارش لان روح بنتك في ايدي
وليد بقلق/ماهي ماهي فين
الرجل بسخريه /معايا في الحفظ والصون بس صدقني لو البوليس عرف فاترحم علي بنتك بقي
وليد بسرعه/لا لا هنفذ كل حاجه ومن غير ما اقول للبوليس بس ترجعلي بنتي
الرجل ببسمه مصر فقد وصل لهدفه/خلصانه يابا انتظر مني مكالمه تانيه اقولك فيها الطريقه اللي هترجع بيها بنتك ثم اغلق الخط ليقول وليد بامل وخوف/ماهي موجوده ماهي عايشه
نور بفرحه ودموع امل/هترجع صح
وليد بحنان /اه هترجع
مروان وروان بدموع الفرح /الحمد لله يارب
لم يلحظو تلك النظرات الخبيثه بين سميحه ومحمد والذي تبشر بالشر الذي سيفتك بعائلتهم
...............................................
في مستشفي حكومي
كان عز الدين ينام في غرفه لا يظهر عليها الغني او الفقر بل هي في المنتصف يحاوطه اجهزه طبيه بسيطه وجهاز الاكسجين علي انفه وفمه ويغمض عيناه بتعب شديد وجهاز نبضات القلب يعلن ان قلبه في حاله جيده لتدلف عليه ممرضه لتطمئن علي حالته وتنظر لذلك المحلول الموصول بيده عن طريق الكانونه لتبدل ذلك المحلول بمحلول اخر جديد
دلفت فتاه في منتصف العشرينيات من عمرها برزانه وهدوء وهي ترتدي شيميز وبنطلون جينز وحجاب ونظرت للممرضه بهدوء وقالت /حالته عامله ايه
الممرضه ببسمه /الحمد لله حالته مستقره وعرفنا نسيطر علي النزيف
الفتاه /الحمد لله تمام هيفوق امتي
الممرضه /علي شروق الشمس كده لانه لسه خارج من اوضه العمليات
الفتاه /تمام
الممرضه /بعد اذنك
خرجت الممرضه بعد ان اطمئنت علي حاله عزالدين لتنظر الفتاه لعز الدين ببسمه وهي تقول /وحشتني بس وعد مني المرادي مش هتبقي غير ليا وده وعد حبيبه لحبيبها اللي بتعشقه
ثم جلست بجواره وهي تقراء له بعض ايات القران الكريم
...............................................
في منزل وائل
وائل بعصبيه /ازاااااااااي مش لايقين الناس اللي خطفتهم انتم هبل
الظابط/............
وائل/صدقوني لو ملقتوش مكانهم كلكم هتقعدو في البيت انتم لسه متعرفوش وائل الجارحي لسه
ثم اغلق الخط بعصبيه وقال باشتياق/انا متاكد اني هشوفك يا مجنونتي وحشتيني اوي يا طمطم بس وعد مني مش هتخانق معاكي خالص تاني بس انتي متسبنيش تاني
جاء له اتصال اخر من سامر(شقيق فاطمه) ليجيب وائل الاتصال وقال ببسمه /السلام عليكم
سامر بتوتر/وعليكم السلام في ناس كلمتني وقالت ان اختي معاهم هي وصاحبتها ماهي وانهم هيكلمونا قريب جدا يقولولنا علي تفاصيل اكتر وكمان منقولش للبوليس عشان ميؤذوش فاطمه او ماهي
وائل/انا لازم اعمل محضر
سامر/اوعي هيؤذو البنات
وائل/اهدي بس دول باين عليهم عيال هبله مش هيعرفو اساسا يدربو نفسهم وبسهوله هنجيبهم
سامر/بيقولو انهم قتلو واحد كان مع ماهي وفاطمه ياتري مين
وائل /مش عارف
سامر/صحيح لسه المعيد صاحبك اللي بيدرس ماهي وفاطمه مختفي
وائل بقلق/ بالظبط انا والله ما عارف اعمل ايه قلقان علي فاطمه وصاحبتها وعلي صاحبي
سامر/ربنا يطمنا عليهم جميعا
وائل ببسمه/اللهم امين يارب العالمين
سامر/تمام انا هقفل بقي وحاول تركز في كل تصرف هتعمله واه صح كلم ابو ماهي شوفه لان العصابه كلمته هو كمان واكيد قلقان وخلينا نتفق ونشوف هنروح كلنا المركز امتي
وائل /تمام جدا
سامر /تمام سلام انا دلوقتي
وائل/سلام
اغلق سامر الخط ثم نزل ليحضر حلوي لابنت شقيقته(لين)
سالي(والده لين وشقيقه فاطمه)ببسمه لابنتها/خالو هيجيبلك حاجات حلوه اهو
لين ببكاء/انا عايزه طمطم يا مامي
سالي بحزن/هنشوفها كلنا قريب جدا
لين بفرحه ببراءه الاطفال/بجد يا مامي
سالي بحنان/بجد يا قلب مامي من جوه
احتضنت لين سالي بفرحه طفوليه
........................................................
في المستشفي الحكومي الذي يوجد بها عز الدين
فتح عز الدين عيناه بتعب وارهاق شديد ثم نظر حوله ليجد تلك الفتاه ببسمه جميله ليقول باستغراب /ساندي
ساندي ببسمه /حمدلله علي السلامه يا عز الدين
عز الدين ببسمه /الله يسلمك يا بنت خالي
انتهت الحلقه
اتمني الفصل يكون عجبكم وبعتذر عن التاخير شويه ده
توقعاتكم بقي هل وليد وسامر ووائل هيعرفو يرجعو فاطمه وماهي
وياتري وائل هيعرف يفكر فاطمه بيه وهل عز الدين هيفتكر ماهي ولا هينجذب ساندي هنشوف في الحلقات القادمه باذن الله❤️
#دمتم_سالمين
أنت تقرأ
روايه ٣١يوم مغامره
Fantasyتتحدث عن سفر عبر الزمن ليس لزمن واحد بل لاكثر من زمن روايه خياليه اتمني ان تنال اعجاب حضرتكم لا تنسو تشجيعي ❤️
