#روايه_٣١_يوم_مغامره
#للكاتبه_مريم_عماد
#الحلقه_العشرين
#هل_انت_بخير؟
فى منزل فاطمه
فاطمه بتشنج/نسييييييت اي يا عنياااا
وائل/ش.و.ك.ا.ل.ا.ت.ه بس والله اسف متزعليش
فاطمه بغيظ/والله!! وبعد ما انسى مين يسد فراغ بطنى دلوقتى
وائل وهو يغمز لها/انا ممكن اسد فراغ قلبك على فكره
فاطمه بقرف/وهو قلبى هيشبعنى ؟!
وائل/يبنتى خلى عندك رومانسيه شويه
فاطمه/هاتلى شوكلاته وهبقى رومانسيه
وائل/يبنتى متبقيش ماديه
فاطمه/انا ماديه حقيره ومن واجبك كخطيب تراعى ده وعلى فكره بقى الاهتمام مبيطلبش والحب مبيتشحتش وانا الى هصوت عليك
وائل بتافف/طب ممكن اشرب قهوه قبل ما تصوتى عليا
فاطمه وهى تقف لتعد له القهوه/هروح اعملهالك اهو
بعدما ذهبت ضحك وائل بشده على مجنونته ثم اخرج من جيب سترته اثنين من لوح الشوكولاته تلك ووضعهم على الطاوله
خرجت فاطمه من المطبخ وهى تحمل فنجان قهوه لتجلس بجانبه وهى تنظر للشوكولاته وتبتسم وهى تردف/صحيح ان بعد الظن اثم ظلمتك يخويا
وائل بقرف/اخوكى جايبلك شوكلاتين تمنهم 100 جنيه وتقولى اخوكى اطفحى ياختى اطفحى
فاطمه وهى تضحك/يخربيت رومانسيتك
وائل بضحكه/اقل حاجه عندي اَي خدعه
.....................................................................
كان عز الدين يقوم بتحضير قهوه له ففي بعض الأوقات يشعر بانه يحتاج لصنع قهوته بنفسه وكان يسند الهاتف الخاص به بين كتفه وأذنه ليقول بضحكه/لا وانتي الصادقه تخليص ذنوب
تذمرت ساندي لتقول /فين الرومنتكيه يا عم بدل ما تقولي عشان حبيتك
صمت عز الدين قليلا فهي معها حق هو تقدم لها لانه احبها ولكن لما يشعر بإحساس غريب عندما تأتي فكره انه يحب ساندي وإحساس ليس جيد بل عكس ذلك وأيضا لا يستطيع قول ذلك لها فهو بالفعل تدرب كثيرا كي يقول لها تلك الكلمه البسيطه ولكن محتواها كبير تعبر عن بدايه حياه جديده ولكنه يفشل في نهايه المطاف ليقول بتنهيده/انا هقفل عشان عندي شويه شغل مهم سلام
ساندي /سلام
اغلقت ساندي الخط لتقول بلامبالاة /مش مهم المهم اني هتجوزه وفلوس ابويا هترجعلي
ثم تركت هاتفها ونزلت للأسفل حيث تجتمع عائلتها
...............................................................
في منزل ماهي وتحديدا في غرفتها
ماهي بعصبيه/من امتي وانا لما بخرج باخد السمج ده معايا ياربي
سمعت دق علي الباب ليقول محمد ببسمه جاهد لرسمها/مهاميهو يلا عشان منتاخرش
ماهي بغيظ/حاضر ثم اخذت حقيبتها وقالت بغيظ/ماشي يا وليد ماشي يا جوز امي
ثم نزلت مع محمد ليقول محمد/تعالي انا مجهز عربيتي
ماهي بشك/هو انت اللي لعبت في عقل بابا صح وخليته يوافق
محمد /اركبي بس وهرد عليكي
ركبت ماهي وركب محمد امام عجله القياده وبدا يجهز السياره حتي انتلقت تحت تحكماته
وصلو علي النيل ليوقف محمد السياره ثم نزل ليحضر حمص الشام له ولها ثم ركب السياره مره اخري ليعطي لها حمص الشام الخاص بها لتقول بصدمه/اوبا انت جبت حمص الشام من امتي ده
محمد باستغراب /فيه ايه
ماهي بسخريه/لا اصلي انصدمت محمد بيدفع فلوس لحاجه مش ليه
محمد بسخريه /للدرجادي انا بخيل جلده
ماهي/يا عم ده انت عربيتك مش عايز تغيرها يا عم
محمد بغيظ/ما كله عشان اعمل شقه للجاموسه اللي مش مدياني اَي رياكشن وكل ما أكلمها تصدني
ماهي بضحكه /قول مين وانا اظبطهالك ده انت اخويا يا ولا
محمد بتشنج/اخوكي
ماهي ببسمه زات مغزي/اهاا اخويا وانا قلبي محدش هيعرف يدخله بسهوله يا محمد ثم بدات تاكل من حمص الشام وقالت بمرح/يا جماله طعمه جامد والشطه زياده زي ما بحبها
محمد بحزن/مخلي الراجل يعمله زي ما بتحبيه
ماهي وهي تحاول عدم التعاطف معه/تسلم يا محمد
محمد ببسمه محاولا عدم إظهار حزنه او بمعني اصح إتقانه لذلك الدور للوصول لهدفه/الله يسلمك يا ماهي
كاد محمد ان يشغل السياره مره اخري حتي يذهب لمكان اخر ولكن وقف سياره اخري امامه ليجبره علي الضغط علي فرامل السياره ليغضب محمد من ذلك السائق الاحمق ولكن صدم عندما وجد ان هناك اربع اشخاص يرتجلون من السياره الخاصه بهم الي ان وصلو لسياره محمد ثم فتح اثنين منهم الباب الخاص بمحمد والباب الخاص بماهي ثم جذب الشاب ماهي وقال لمحمد بسخريه /هناخدها في غضون اننا هنسيبك تمشي سليم
محمد بخوف حقيقي علي ابنه خاله فمهما حدث ومهما سائت نفسه وتملكها الشر واتبع شيطان تبقي ابنه خاله/لا لا سيبها وكلامك يبقي معايا انا
الشاب بعصبيه /فين الفلوس ياض احنا مش قولنالك اننا هنأذيك انت وعيلتك لو الفلوس مرجعتش
محمد /مهله بس والله والفلوس هتبقي عندكم
الشاب بسخريه /ده عند امك ولمواخذه
غضب محمد عندما امسك الشاب يد ماهي وجذبها ليذهب بقي ثم بدا يكيل الضربات للشباب الاربعه بطريقه غريبه يشعر المرء انها مشاده بينهم غير متكافئه او متفق عليها من قبل ولكن ماهي لم تكن تركز الا مع محمد وهي تصرخ برعب عليه لينتهي العراك بركض الاربع شباب ثم هندم محمد ملابسه وذهب لماهي وقال لها بقلق مصطنع مدروس بدقه لتشعر ماهي بانه حقيقي/انتي كويسه؟
ماهي/اه انا كويسه متقلقش وانت؟
ابتسم محمد وقال /بخير متقلقيش تعالي نروح يلا
ثم ركبو السياره مره اخري وذهبو للمنزل
.........................................................
في المدرسه الثانويه
كانت سليا وروان ومروان يجلسون في حصه فارغه لا يوجد معهم مدرس وهم يضحكون بشده ليجدو زميل معاذ والذي يدعي اسامه يقترب منهم ثم نظر لمروان وقال /ممكن تيجي معايا شويه
مروان باستغراب /انا ؟!
روان برعب/لا متروحش يا مروان
اسامه ببسمه لطف/متقلقيش عليه احنا هنتكلم انا وهو بس
سليا بخوف/ليه
اسامه /كلام بيني وبينه مالكم انتم ثم نظر لمروان وقال /هااا؟!
مروان بلامبالاه/اشطا ثم قام ليترك القلم الذي كان يلعب به بين اصابعه وذهب مع اسامه
سليا لروان/انا مرعوبه اسامه ده سمعته وحشه
روان برعب/وانا اكتر ثم انه كفايه انه صاحب الزفت اللي اسمه معاذ
سليا بتوتر/طيب نعمل ايه
روان بتفكير /تعالي نروح وراهم لقينا فيه حاجه هنروح نجيب اي حد يدخل سليا /فعلا حل مناسب جدا
روان /طيب يلا
ثم قامت الفتاتين وذهبن خلف مروان واسامه ذاك
#انتهي_الفصل
طيب يا جماعه انا بحاول علي قد ما اقدر كل ما تسمح الفرصه اكتب وانزل ليكم +ادعولي لاني بدات رحله الاولي ثانوي
توقعاتكم يا قمراتي
يا تري اسامه عايز ايه من مروان ؟
وياتري سليا وروان هيحصل ليهم حاجه ولا ايه؟
ياتري عز الدين مش هيفتكر حبه لماهي وهيفضل مفكر انه بيحب سندي بس خجول او مش عارف يقول لساندي انه بيحبها؟
وياتري محمد بيحب ماهي وساندي بتحب عز الدين لله وللوطن ولا لاجل حاجه وهدف في دماغهم؟
وياتري اللي حصل مع ماهي ومحمد مدبر ولا لا؟
وياتري سعاده فاطمه ووائل هتدوم ؟
الاجابات هتظهر في الحلقه 21باذن الله
اتمني البارت ينال اعجابكم منتسوش بقي لايك وكومنتات حلوين بيتفرحوني وتدوني طاقه
#دمتم_سالمين
أنت تقرأ
روايه ٣١يوم مغامره
Fantasyتتحدث عن سفر عبر الزمن ليس لزمن واحد بل لاكثر من زمن روايه خياليه اتمني ان تنال اعجاب حضرتكم لا تنسو تشجيعي ❤️
