روايه ٣١يوم مغامره

(22)

اولا انا عارفه اني مقصره في الروايه دي بس مشغوله جدا بالدراسه بس بحاول اعوضكم كل ما بلاقي نفسي فاضيه
وحشتوني اوي اوي بجد

البارت القمر ده عشان خاطر قمري البرنسيسه (عم ابراهيم)كل سنه وانتي طيبه يا عمري وعقبال سنين كتير في صحه وسعاده وهنا وراحه بال يارب واقرب لربنا
اسيبكم بقي مع البارت ورايكم يا قمرات❤️❤️
.....................................................
#روايه_٣١_يوم_مغامره
#للكاتبه_مريم_عماد
#الحلقه_الثانيه_والعشرون
#وجع قلب

كانت ماهي تجلس في غرفتها والحزن ينهش قلبها ولما لا وعشقها الوحيد لم يتذكرها وعلاوه علي ذلك احب غيرها وخطبها
كانت جمله واحده هي التي تتكرر في عقلها [حبكم لم يكن قويا بتاتا]
وضعت يدها علي اذنها وهي تقول بعصبيه /لا لا عز بيحبني مستحيل
كانت منهاره بشده وكل ما ياتي احدهم ويطرق علي الباب تقول بعصبيه ودموع/مش عايزه اقابل حد
ولكن تلك المره لم تاتي دقه علي الباب بل فتح الباب مره واحده لتدلف فاطمه والتي كان علي وجهها ملامح الحزن والعصبيه قائله/انتي هتعيطي علي واحد زي ده! ماهي خدي بالك ان الدجاله قالت ان لو عز الدين نساكي وكمل حياته يبقي حبكم مش صادق نسبه رجوع الذاكره من نحيه بعض هي نسبه حبكم فمتزعليش علي واحد زي ده
ماهي بانهيار/لما بتحصل حاجه تزعلني تقولولي متزعليش هل ده امر يعني ولا ايه مش فاهمه ايوا مزعلش اذاي في زرار هضغط عليه عشان مزعلش دي مشاعر جوانا قلبنا بيحس بيها وصعب نمحي الاحاسيس دي لانها اقوي من احاسيس الفرح انا بجد مش فاهمه
احتضنتها فاطمه بدموع علي صديقه عمرها لتربط علي ظهرها قائله/مش قصدي كده يا حبيبتي انا اقصد ان هو ميستاهلش
ماهي باصرار /لا يستاهل وانا مش هرتاح غير لما اتاكد هل حبه ليا قوي ولا ضعيف وهو نساني خالص
نظرت فاطمه لها لتقول /وانتي هتبصي لواحد نساكي وتسيبي اللي بيحبك
ماهي بسخريه/قصدك محمد انتي ماشي عليكي الحوار العبيط ده محمد عمره ما حبني يا فاطمه هو اه بيخاف عليا عشان انا بنت عمه بس اكيد عشان فلوس ابويا لتكمل بحزن/عمتي وابنها طمعانين فينا عمتي كانت بتدعي قبل حمل امي في مروان وروان ان ميجيش طفل تاني لاهلي ويكون ولد ولما مروان جه خططو يقتلوه بس منفذوش انا بكرهه هو وامه
ضمتها فاطمه لها اكثر وقالت بحزن/خلاص يا قلبي اهدي ربنا ييسرلك الامور ويسعد قلبك يارب
ماهي بتعب ونعاس/ادعيلي يبقي من نصيبي يا فاطمه مش هقدر مبقاش لعز وهو ميبقاش ليا
فاطمه بدموع حقيقه علي صديقتها ورفيقه ضربها/يارب يا حبيبتي يارب
...............................................
في غرفه محمد في نفس المنزل
كان يسير ذهابا وايابا بمنتهي العصبيه وقال /طلعت بتحب يعني وانا وانا ايه
والدته/اهدي هي مش هتبقي لغيرك اساسا ورجوعها بالمنظر ده النهارده بيثبت انها ليك
محمد بعصبيه /ماهي ليا بارادتها او غصب عنها وعن اهلها وفلوسها حقي انتي فاهمه يا ماما حقي
والدته بطمع/فلوسها حقنا هناخد اللي احنا عايزينه وتطلقها ونخلص من اللعبه دي ونسافر
محمد بسخريه /وانتي عادي تبيعي اخوكي
والدته بحقاره/ابيعك انت ذات نفسك
صدم محمد من ردها ولكن لم يعقب علي ذلك
.....................................................
في منزل عز الدين
تحديدا في غرفه كبيره مملؤه بالاجهزه والمعدات الرياضيه كان عز الدين يمارس رياضه الركض علي المشايه وهو غاضب بشده فهو كلما تذكر ما حدث  بينه وبين ماهي ذاد خنقه بشده وما ينغص عليه عيشته هو خناقته مع ساندي يسئل نفسه لما لم يكلمها بهدوء؟ لما غضب عليها؟ هذا تصرف اي فتاه تشعر باقتراب انثي اخري من زوجها او خطيبها سمع صوت خطوات تقترب من الغرفه الذي يوجد بها لتدلف ساندي بشر وقالت/اديني جيتلك مين بقي الجميله اللي كانت معاك الصبح
.......................................................
في احد الكافيهات الكبيره
كان يجلس مروان وبجواره روان وسليا وثلاث فتيات واربع شباب كانو يضحكون ويمرحون فيبدو وانهم اصدقاء علاقتهم قويه حيث ان ذلك الاجتماع كان يملئه ضحكات حقيقيه وليست مزيفه مثل بعض ضحكات الاصدقاء لا احد يقف لاحد علي الواحده
محمد /اووووووف شله معاذ ورانا وبيبصو علي مروان
مروان بلامبالاه وهو يشرب العصير الذي امامه/فكك منهم وكبر دماغك
احمد/فعلا محدش يبص عليهم وفكك منهم
سليا /كنا بنقول ايه بقي
روان بمرح/كنت بحكيلك عن الواد المفضوح ده وقصص حبه العشرين
سليا بغيره /اممممم كملي
مروان بغمزا/مالك يا سيلتي
سليا بسماجه /مالي في البنك
وجدو النادل يضع لهم مشروبات امامهم ثم اشار علي طاوله اسامه واصدقائه(شله معاذ) قائلا/المشروبات منهم
علي/رجع ليهم العصاير دي وقولهم مش عايزين منكم حاجه
النادل باحترام/ليه العصاير نظيفه
مروان /قولت رجعها ليهم مش هكرر كلامي كتير
بالفعل ازال النادل العصائر وارجعها لطاوله اسامه واصدقائه
صديق من اصدقاء اسامه بضيق/مش قولت هيقبلوها ونتخانق معاهم ونعلم عليهم
اسامه بغيظ/هما اللي كتبو نهايتهم بايديهم ثم قام بسرعه ليقوم معه الشباب جميعا واقتربو من طاوله مروان واصدقائه ثم دارت معركه حاسمه قويه
كان اسامه يضرب بعنف وغل شديد وهدفه هو مروان
بينما مروان واصدقائه كان همهم ابعاد الخمس بنات عن المكان وعن اسامه واصدقائه
وبالفعل نجحو في ذلك وخرجو الخمس فتيات من المكان وهنا ركز مروان واصدقائه علي اسامه واصدقائه كانت المعركه غير عادله بالمره حيث تفوق اسامه واصدقائه علي مروان واصدقائه
......................................................
بعد ساعه في مركز الشرطه
كان اسامه يقف بجواره مروان ومن ناحيه مروان يقف بجواره اصدقائه ومن ناحيه اسامه يقف بجواره اصدقائه وامامهم يجلس الشرطي والذي كان يتحدث في الهاتف
ليغلق الشرطي الهاتف ثم نظر لهم بعصبيه قائلا/بتبلطجو علي بعض في مكان محترم وكسرتوه
مروان/هو اللي بدا
الظابط بعصبيه /وانت عيل انضربت ولازم ترد
مروان بعصبيه /انت بتكلمني كده ازاي ولا عشان البيه ابن اخو حضرتك
الظابط بشر/اه وعشان كده انا هقص لسانك الطويل ده نهائي
ثم نادي العكسري ليدلف العسكري وادي تحيه السلام ليقول الظابط/خدلي العيال دي علي الحجز ثم اشار علي مروان ليقول /واتوصي بيه كويس اوي
العكسري باحترام /تمام يا فندم
ثم اخذ الشباب وذهب للزنزانه ليدخلهم ثم نظر لشاب يظهر علي وجهه علامات الاجرام وغمز له ليبتسم الشاب بسمه مقززه لا تبشر بالخير ليغلق العسكري الباب ثم اقترب الرجل من مروان ليقول له بنبره مرعبه /معاك ولاعه ياض
نظر مروان له بقرف وقال /مش بشرب عشان اشيل ولاعه
الرجل بعصبيه /اعدل وشك ياض بدل ما اشوهولك
مروان/ولا تقدر تعمل حاجه
امسك الرجل وجه مروان بعصبيه ليقول /غلطت وكنت مستنيك علي غلطه ثم صدم راسه براس مروان.....
.......................................................
عند عز الدين وساندي
بعد ان صالح عز الدين ساندي كان يجلس بجوارها وهو يتحدث معها بحب شعر بانه مصطنع ولكنه شعر بالذنب تجاهها وايضا شعر بالضيق بسبب تسرعه في خطبتها لتقول ساندي ببسمه /هنتجوز امتي يا عز
صمت عز الدين قليلا ليقول ببسمه /قريب يا حبيبتي قريب
ساندي ببسمه /لو سيبتني وطلعت بتلعب بيا يا عز مش هيحصلك خير
عز الدين بسخريه /شكرا علي ثقتك الغاليه اللي واضحه اوي
ساندي /مش قصدي يا حبيبي
عز الدين /ولو قصدك يا ستي انا طالع انام تصبحي علي خير
ساندي /وانت من اهل الخير
صعد عز الدين لغرفته بينما جلست ساندي تعبث بهاتفها قليلا لتجد اتصال من صديقتها لترد عليها قائله/يا بنت اللذينه وحشتيني
صديقتها/وانتي اكتر يا عمري عامله ايه
ساندي/زي الفل وانتي
صديقتها/زي الفل عامله ايه مع عز الدين عرفتي توصلي لهدفك
ساندي /اتجوزه بس وامضيه علي تنازل علي كل حاجه وارجع حقنا كله واللي هو متنغنغ بيه ده
صديقتها/عمرك محبيتيه
ساندي/حبيته في الاول بس لما لقيته رافضني وبيعاملني علي اني اخته صممت اوصل لقلبه واكسره زي ما كسر قلبي في الاول
صديقتها /هتعملي ايه دلوقتي
ساندي/لسه متخانقه معاه ومصالحني وطلع ينام ولما يصحي هخلي بابا يكلمه في موضوع الجواز انا معتش قادره استحمل عايزه اتمتع بفلوسنا اللي هو خدها
صديقتها /مش يمكن الفلوس دي من شغله
ساندي/لا مش من شغله ماما قالتلي ان بعد ما عمي ابو عز استلف من ابويا فلوس عشان يشد حيله ويبدأ مشروعه مرجعش الفلوس يعني كل العز اللي عز الدين عايش فيه ده بتاعي انا واخواتي وابويا وامي
صديقتها /ربنا يهديكي يا ساندي
ساندي /يارب يختي
ثم اكملو حديثهم المرح مغيرين الموضوع دون ان تنتبه ساندي للذي يقف خلفها يسمع كل حديثها
......................................................
في منزل ماهي
كانت روان وسليا تجلسان بجوار ماهي التي تحاول ان تهدئهم بينما وليد يقوم ببعض اتصالاته ليقول بعصبيه /اااااااااازاااااااااي مش عارف اوصل لابني الكل بيقول انه في الحبس انتم بتنكرو ليه
جائه الرد ليقول بعصبيه /خلال ساعه ان معرفتش عنوان ابني انا هكلم وزير الداخليه بذات نفسه ثم اغلق الخط بينما نور كانت تبكي وتقول /ايه اللي بيحصل ده بس ياربي انا مال عيالي حظهم وحش ليه وبيقعو في مشاكل
ماهي بحزن /اهدي يا امي والحمد لله علي كل حال مش هنحزن من ان ربنا مفتكرنا ومبتلينا عشان نحمده في كل الحالات
احتضنتها نور وهي تبكي بشده وهي تقول /يارب احفظه واحميه يارب هو واخواته
الجميع /يارب
كان هناك عقربان يشاهدان كل شي من بعيد والشماته تطق من عينهم ولكن كان الجميع منشغل ولم يلحظ ذلك
..............................................
عند فاطمه ووائل
كانت فاطمه تتحدث مع وائل بفرحه ولما لا وهو سامحها وتحسنت علاقتهم لتقول فاطمه /موعدنا بكره ان شاء الله
وائل بحنان/اه يا حبيبتي بكره
فاطمه بفرحه /ربنا يديمك ليا يا حبيبي
وائل بمشاكسه /يا ايه
فاطمه بمشاكسه اكبر /يا اخووووووووويا هيهيهيهيهيهيهي
وائل بغيظ/رقاصه هقول ايه هتجوز رقاصه اتفضلي روحي نامي يلا عشان تبقي فايقه في الكليه وفي الخروجه بكره
فاطمه بحماس/اشطات يا باشا تسلم
وائل بسخريه /انا لو كنت مخرج بنت اختي كانت ردت رد الطف علفكره
فاطمه بمشاكسه /معلش بقي ربنا يقدرني واطلع عينك اكترواكتر
وائل بضحكه /علي قلبي زي العسل يا عسل
فاطمه /حبيبي تسلم سلاموووووز بقي
وائل/سلامنجووو يا مزتشي
اغلقت فاطمه الخط لتجهز الطقم التي ستذهب به الي الكليه ثم ستخرج به مع وائل حيث انه وعدها باسعادها غدا غير عالمه الي ادمين سيذهبو

#البارت_انتهي
#توقعاتكم_يا_حلوين
يا تري عز هيفتكر ماهي ويرحم قلبها ولا هيوجع قلبها اكتر؟
ياتري عز الدين هيتجوز ساندي فعلا؟
ياتري فاطمه ووائل هيفضلو حلوين ولا هتحصل حاجه تانيه تزعله منها تاني؟
ياتري مروان هيحصله ايه ؟
ياتري وليد هيعرف يوصل لمروان ؟
وياتري مين اللي سمع ساندي وهي بتكلم صاحبتها؟
هنعرف اجابات الاسئله دي الحلقات الجايه باذن الله

#دمتم_سالمين