روايه ٣١يوم مغامره

(18)

#روايه_٣١_يوم_مغامره
#للكاتبه_مريم_عماد
#الحلقه_الثامن_عشر
#انقاذ٢

تحركت قوه يقودها الظابط حسام(المسؤول عن قضيه اختفاء واختطاف ماهي وفاطمه) خلف وليد ووائل وسامر
انقسمت القوه الي نصف ذهب مع وليد(في المكان الذي حدده الخاطفين الثلاثه)
وجزء ذهب مع وائل وسامر الي المكان الذي حدده المتخصص من مكالمه عطا (الرجل الاول)لوليد
................................................
عند وليد في الطريق للمكان المحدد ومعه حقيبه كبيره
[فلاش باك]
في مكتب الظابط
الظابط ببسمه /خلاص عرفنا المكان اللي كان فيه الراجل ده وباذن الله نكون وصلنا لمكان الضحايا
وليد ببسمه /يارب نوصلهم باسرع وقت بناتي وحشوني اوي
نعم فماهي وفاطمه صديقات منذ الحضانه وكان اهل فاطمه رحمهم الله اصدقاء لاهل ماهي الي ان توفاهم الله ليصبح وليد يهتم بعائله صديقه جدا ويحن عليهم
جاءت رساله من رقم غريب الي وليد وكان مضمون الرساله عنوان مكان بالقاهره و(دي المنطقه اللي هنقابلك فيها ناخد فلوسنا ونسلملك البنات عايز اعرفك بس ان لوفكرت تلعب معانا كده ولا كده وتجيب معاك البوليس فصدقني الرصاص والمسدسات رخيصه اوي بالنسبالنا وميهمناش نقتل مين او مين ليكمل بسخريه في رساله اخري اتمني تبقي مطيع وتسمع كلامي)
الظابط/قوه هتروح وراك يا استاذ وليد وتبقي متخفيه لان المكان اللي قال عليه ده مكان عام وقوه هتروح مع استاذ وائل واستاذ سامر للمكان اللي حددنا منه المكالمه وباذن الله يبقي قريب من مكان البنات
الثلاثه ببسمه امل/باذن الله
باك
في المكان العام وتحديدا في ميدان كبير يوجد به الكثير من الناس
كان وليد يقف وهو يمسك الحقييبه لياتي اتصال من عطا(الرجل الاول)
عطا ببسمه لعوبه/عجباني سمعانك للكلام
ليكمل /سيب الشنطه علي الارض وامشي
وليد بضيق/والبنات
عطا بسخريه /احنا لسه بادئين لعب يا استاذ وليد
وليد بعصبيه/البنات فين والا اقسم...
عطا بسخريه مقاطعا حديث وليد/اهدي علي نفسك يا باشا بدل ما يطقلك عرق قولتك سيب الفلوس ثم اكمل بنبره بلطجه/انت باين عليك شبت واتجننت يا رجال يا اهبل انت قولتلك حط الزفت وامشي
وليد بعصبيه /حسبي الله ونعم الوكيل فيكم حسبي الله اشوف فيكم يوم
عطا/حسبن براحتك بس متجيش تزعل لما اقتلك البنتين او ارميهم لكلاب الشارع تنهش في لحمهم اسمع الكلام والا هتزعل مني وهتزعل مني جامد
ثم اغلق الاتصال بعصبيه
ترك وليد الحقيبه التي يوجد بها المال وذهب مثلما امر عطا
بعد مرور ساعه
في المخزن المحتجز به الفتيات
كانت ماهي وفاطمه تجلسان مثلما كانتا منذ مجيئهم لذلك المكان المرعب
فاطمه بسخريه /كلاب فلوس اقول ايه
عطا وهو يجلس امامهم علي الارض  بجواره عطوه وعطيه(شقيقيه واعضاء العصابه التي كونها عطا) وهم يعدون المال الذي اخذوه من وليد
فتح باب المخزن مره واحده لتدلف قوه شرطه بشكل منظم ليرتعب الثلاثه وخلفهم وليد وسامر ووائل ليقول وائل بسخريه /فكرتم انكم هتنفد بعملتك تبقو بتحلمو
عطيه برعب/ا...اح...احنا كنا عايزين بس نقلب عشنا والله مش اكتر
التم عليهم بعض العساكر ليقيضيوهم ثم اخذوهم وخرجو بهم الي سياره الشرطي(البوكس)
بينما ركض وائل علي فاطمه بسرعه وبدا يفك وثاقها وهو يقول بحنان /خلاص خلاص اهدي انا جنبك
فاطمه بعصبيه /جبني مين يا روح امك انت مين
صدم وائل ثم ترك الحبل الذي فك نصفه تقريبا لتقول فاطمه بغيظ لسامر/انا سايب اختك يا عم الاستاذ ده يفكها شكرا يا باشا
سامر باستغراب/الاستاذ ده خطيبك
فاطمه بصدمه /يا مصيبه سوده انتم خطبتوني وانا معرفش ثم نظرت لماهي لتقول /شايفه بيقولو ايه
ماهي وهي تحتضن والدها بدموع/هما مكدبوش فعلا وائل خطيبك
فاطمه بصدمه اكبر/انتي كمان انا مستحيل اوافق علي المهزله دي
غمز سامر لوائل المنصدم ليقول لفاطمه/خلاص خلاص فكك المهم انك وحشتيني ثم اقترب ليفك وثاق فاطمه واحتضنها بحنان لتبكي هي وقالت /انا مش فاكره ايه اللي حصل احنا كنا في المكتبه و..و...و
سامر مقاطعا اياها/ششششش اهدي يا حبيبتي اهدي يلا نروح
فاطمه بتعب/ايوا يلا
..................................................
بعد مرور يومين
في صباح اليوم الجديد
في منزل فاطمه وسامر وسالي
فاطمه بغيظ/انت بتستهبل
وائل بعصبيه /ما تاني لسانك بقي اللي عايز قطعه انتي نازله تهزيق فيا ليه كل ده عشان بحاول اقنع فيكي اني خطيبك ومعايا ميت دليل ودليل وانتي تقوليلي في الاخر انا سنجل وحره نفسي حره 
فاطمه من خلف سامر /اه حره نفسي يا خويا ارتبط بواحد يتحكم في حياتي ليه
وائل بعصبيه /وسع يا سامر انا هصور قتيل دلوقتي
سامر بغيظ/ما تهدو انتم الاتنين بقي الاه اقعد يا وائل اقعدي يا فاطمه
جلس الاثنين ليقول سامر /بصي يا حبيبتي...
وائل/اسمها فاطمه ومن عندي هسمحلك تقولها طمطم
سامر بغيظ/قوم روح يالا جتك الارف
وائل بضحكه /لا خلاص كمل يا باشا
سامر /بصي يا حبيبتي سامر خطيبك من اولي كليه وانتي دلوقتي في ثالثه كليه هندسه انتم بتحبو بعض جدا ثم اخرج البوم واعطاه لفاطمه/اتفرجي كده علي الصور دي عقبال اما اجيب فيديو خطوبتكم
ثم دلف للغرفه ليحضر مراده بينما فتحت فاطمه الالبوم وظلت تشاهد الصور وكان وائل يجلس بجوارها ببسمه وهو يحكي لها عن الصوره التي تشاهدها
شعرت فاطمه بالم قوي يحتل راسها وشعرت بدوار شديد لتقوم من مقعدها وحاولت ان تصل لغرفتها لتسقط مغشي عليها
كان وائل يتابعها ليجدها تسقط مغشي عليها ليركض ناحيتها بسرعه ورعب قائلا/فاطمه حبيبتي قومي يا ماما قومي يا حبيبتي
ثم حملها بينما خرج سامر من الغرفه ليجد وائل يحمل اخته وهي مغشي عليها ليقول وائل بسرعه/انا هروح المستشفي حصلني بسرعه
ثم ركض خارج المنزل بسرعه ليركب سيارته ويقودها حتي المستشفي
دلفت سالي المنزل وهي تمسك يد طفلتها(لين)لتجد اخيها ياخد هاتفه ومفاتيح سيارته ويقول لها/تعالي معايا بسرعه
ونزلو ليلحقو بوائل
..........................................................
في منزل ماهي
كانت ماهي تتناول افطارها مع عائلتها الحبيبه وهي تضحك معهم بشده لتجد محمد ينظر لها نظرات عاشق ولهان لا تعلم بانه يتصنع ذلك كله من اجل مالها لا اكثر
اشمئزت ماهي منه فهي لا تكره في حياتها سوا ذلك الشاب لتقول لوالديها/انا شبعت هقوم بقي الحق كليتي
ثم قبلت خد والدها ووالدتها وعمتها واخيها واختها وخرجت من المنزل لتذهب الي. الكليه وهي تشعر باحاسيس مختلفه ولكنها تحاول جاهدا تجاهلها وتحاول الاتصال علي فاطمه ولكن فاطمه لا تجيب
.............................................................
في منزل عز الدين
كان عز الدين يهندم ملابسه ورابطه عنقه ليمسك حقيبته ليجد ساندي تدق الباب ببسمه رقيقه وقالت /صباح الخير
عز الدين ببسمه جميله زادت من وسامته/صباح الورد
ساندي/انت رايح الكليه ولا ايه
عز الدين ببسمه /رايح فعلا الكليه عشان ورايا حاجات مهمه بس منستش اني هاخدك انهارده افسحك في اماكن كتير اوي هتحبيها
ساندي بفرحه /بجد شكرا يا عز
عز بحنان وشعور غريب ناحيه ساندي/عفوا يا حبيبتي
ساندي/بعد اذنك خرجت من الغرفه وهي تتنهد بفرحه وقالت /حبيبتي يااااه طعمها حلو اوي منك يا حبيبي ثم توجهت لغرفتها وسعادتها كبيره جدا
بينما في غرفه عز
عز الدين باستغراب/انا حبيتها ولا ايه ليكمل ببسمه /باين كده وبعدين ساندي جميله ورقيقه وتتحب
ثم اخذ حقيبته ونزل ليشرب قهوته وذهب لكليه الهندسه
#الحلقه_انتهت
توقعاتكم
يا تري ماهي وعز  هيتقابلو؟!
يا تري عز الدين وماهي هيفتكرو بعض وحبهم يبقي حقيقي؟!
ياتري فاطمه هتفتكر وائل بعد ما طلعت عينه ؟!
ياتري محمد هينجح في اللي هو عايزه ؟!
اجابات الاسئله دي في الحلقات القادمه
#دمتم _سالمين