أنت تقرأ

روايه ٣١يوم مغامره

Fantasy

تتحدث عن سفر عبر الزمن ليس لزمن واحد بل لاكثر من زمن روايه خياليه اتمني ان تنال اعجاب حضرتكم لا تنسو تشجيعي ❤️

#حب #حزين #خيال #دراما #سفر #فرفشه

(26)

978 71 3

بواسطة user19080849

بقلم user19080849

#روايه_٣١_يوم_مغامره
#للكاتبه_مريم_عماد
#الحلقه_السادسه_والعشرون
#بداية_النهاية

في اتصال بين فاطمة و وائل
فاطمة بتذمر /قولتلك آسفة بقى أنت مصمم أنك متكلمنيش ليه
وائل بهدوء/يا بنتي و أنا قولتلك ولا يهمك
فاطمة بغيظ/ردك بارد على فكرة
وائل بضيق/يوووووه يا فاطمة متبقيش زنانة
دمعت فاطمة لتقول /حاضر مش هبقى زنانة آسفة لو أزعجتك تصبح على خير، ثم أغلقت الخط
بينما شعر وائل بنغزة في قلبه الذي حنّ عليها ليقول معاتبا نفسه/قسيت عليها أوي يا وائل مكنش ينفع
ليكمل بغيظ/بس أنها تتعامل كده مع راجل غريب عنها غلط
ليردّ الجزء الذي يدافع عنها/هي اعترفت بغلطها واعتذرت الدور والباقي على اللي مش عايز يسامح
تنهد وائل ليقول/هصالحها بكرة بإذن الله
ثم دلف إلى غرفته ويخلع سترته وبدأ في تمرينات بسيطة قبل النوم ثم تمدد على الفراش، دقائق وغطّ في نوم عميق
............................................................
عادت ماهي للمنزل وهي مرهقة، تفكر هل استعاد عز الدين ذاكرته أم ماذا؟ هل سيصدقها ويدافع عن حبه؟ أم سيستسلم للواقع المفروض عليه؟ لتجد محمد ينتظرها ليقول بعصبية طفيفة/كنتِ فين يا هانم الساعة داخلة على عشرة
ماهي بتعب/ياريت تسيبني دلوقتي يا محمد
محمد بعصبيه ازدادت من ردها البارد/انتِ داخلة كباريه يا هانم، البيت ده ليه قوانين وقواعد إيه نسيتِ نفسك ولا نسيتي الأريل اللي دبلته في إبدك
لم تحتمل ماهي كل ذلك لترد بعصبية لم تستطع التحكم بها/بقولك إيه إبقى أتكلم لما أبقى مراتك، دلوقتي لا وهي مجرد دبلة و اه ياريت تبقى تتكلم لما يكون ده بيتك مش عايش عالة على خالك وبتضحك على نفسك أنك شغال في الشركة، بتعمل إيه الله أعلم وكلنا عارفين بس سايبينك بمزاجنا
برزت عروق محمد من الغضب ولم يشعر بنفسه إلا و يده ترتطم بوجنتها بقوة لترتد للخلف ونزف فمها من قوه الصفعة
في نفس اللحظة كان وليد ينزل من الدرج وبجواره نور ومن الناحية الأخرى العمة (والدة محمد)
ويشاهدوا صفعة محمد لماهي فقط، بينما نظر محمد لها بعصبية قائلا/شكل خالي معرفش يربيكِ كويس على الأقل أنتِ لو محترمة كنتِ احترمتِ فرق السن
وليد بصوت جهوري/أنا بنتيِ محترمة غصب عن عين أهلك يا بجاحتك يا أخي بتضربها وأنتم يا دوبك مخطوبين أومال لما تتجوزها هتعمل إيه، أنا مش هأمن عليها معاك
العمه بعصبية/أكيد بنتك اللي نرفزته أنا إبني ميعملش كده من الباب للطاق
وليد بغضب/ملوش الحق يمد إيده عليها أساسا حتى لو كان مين، أنا كارمها طول العمر ومحافظ عليها ومعيشها أميرة ويجي واحد المفروض يكمل على ده، يزلها ويضربها
ليكمل بصوت جهوري/هو الأب يتعب ويربي ويعمل شخصية حلوة لبنته و يوفرلها كل سبل الراحة وتبقى كرامتها من كرامتو يجي عيل زي إبنك يهينها و يضربها ده ميتقالش عليه راجل، مفيش واحد مد إيده على ست وخصوصا لو كانت هتبقى مراته ويبقى راجل
محمد بعصبيه/أنتم ليه ملبسيني الموضوع هي قالت بردو كلام عمر ما راجل يستحمله
ماهي بجمود بعد ما مسحت دموعها/وإيه اللي جابرك تستحمل ما تنهي كل حاجه وأخلص وريحني
محمد بتوتر بعد أن شعر بتسرعه وأنّ مخططه على أعتاب الفشل/قصدك إيه
خلعت ماهي دبلتها لتضعها في يده لتقول بجمود/يعني كل واحد يروح لحاله، أنا كنت في الأول بعتبرك أخ دلوقتي بقيت بالنسبالي ابن عمتي وبس
ثم نظرت للجميع وقالت/تصبحو على خير عشان عندي امتحان بكرة
ثم صعدت لغرفتها وهي تشعر براحة غريبة رغم ألم وجنتها وكسر كرامتها
.....................................................................
في غرفه محمد
العمه بعصبية/غبييييي غبيييييي كان لازم يعني تعمل عليها راجل وتقولها إتأخرتي ليه، يكش عن أهلها ما رجعت أساسا، المهم تكتب عليها وتمضيها تنازل على كل اللي تملكه ونصيبها في الشركة وتطلقها
محمد بعصبية/يووووووه بقى كل حاجة فلوس فلوس أنا قرفت، ليكمل بتحذير/يكون في علمك أنا راجع لأبويا عايزة تيجي تعالي مش عايزة أنتِ حرة بس مترجعيش تندمي لما جوزك يعرف أنك مش جاية عند أخوكي عشان تحسني نفسيتك بسبب موت اخويا
العمه بعصبية/أنت بتهددني....... لتكمل بشر/متنساش أنت كمان يا محمد أني بدوس على أي حد بيعارضني أو بيمثلي تهديد ليا مهما كان
سخر محمد منها ليقول /ونعم الأم قد إيه انتي شمعة تحترق من أجل أبنائها
العمه بسخرية/طيب حاسب لتتحرق
ثم خرجت من الغرفة عازمة على التخلص من محمد إذا فعل أي شيء يتنافي مع مصلحتها
............................................................
في صباح اليوم التالي وتحديدا في الكلية
فاطمة بغيظ/ابن الجزمة بيمد إيده عليكي
ماهي بلامبالاة/المهم أني خلصت منه يا فاطمة
فاطمة بشك/كنتِ فين أصلا
ماهي ببسمة/عملت اللي كان لازم أعمله من زمان
فاطمه /واللي هو
ماهي /روحت لعز الدين أديته الكتاب، ماهو أنا مش هفضل في النار لوحدي ومحدش حاسس بيها ومعايا مَيّة أقدر أطفي النار بيها وأنقذ نفسي
فاطمه/وإيه اللي غير رأيك
ماهي/لو محدش حاسس بيا أحس أنت بنفسي يا طمطم لتكمل ببسمة / صحيح صالحتي وائل
حزنت فاطمة عندما ذكر سيرة وائل لتقول/لا معرفتش
ماهي بمواساة/هو أكيد بيعاقبك شويه بس هيتعدل لأنه بيحبك وميقدرش على بعدك
فاطمة بتنهيدة وحزن/وآديه قدر وبقاله يومين قالب عليا ولا بيكلمني ولا بيسلم عليا حتى لو بيعكس في وشي، لتكمل بغيظ ومزح فهي لم تعتاد على الحزن ولا تحبه أبدأ/ده أنا عطست جنبه وباقول الحمد لله الأستاذ مقاليش يرحمكم الله ده بعد الجواز هقوله ربنا يديمك ليا يقولي ربنا ياخدك ولا مش هيرد
ضحكت ماهي على تذمر رفيقتها لتجد وائل خلف فاطمة لتقول فاطمه بغيظ/بس تصدقي يا ماهي مطلعش جدع زي ما كنت مفكرة
اسبهل وائل من حديث فاطمة لتحاول ماهي تحذير لفاطمة بأن وائل خلفها ولكن دون جدوى لتكمل فاطمة بغيظ شديد وهي تقول/يبقى قدامي بس وهضربه وهعضه عشان ميجيش يصالحني تاني
انعكست الشمس عليها لتجد فاطمة ظل يأتي من خلفها لتبتلع ريقها وقالت/يارب ما يبقى اللي في بالي صح
ثم نظرت للخلف ببطئ شديد لترجع نظرها لماهي لتقول ببسمة بلهاء/بس حنين والله وبيحبني وده عندي كافي
وائل بغيظ شديد/أنا اللي غبي أني عبرتك
ثم نظر لعلبة الشوكولاتة التي بيده والبلالين الذي كان يمسكها في يده الأخرى علما بأن فاطمة تحب هذه الاشياء والتي من وجهت نظره بلهاء لا قيمة لها
لتقول فاطمة/وائل
وائل/ولا كلمة ثم ترك لها الأشياء وذهب وهو يسب ويلعن نفسه قائلا بسخرية /آديك أحرجت نفسك كان لازم يعني تصالحها في الكلية ألبس بقى
ماهي بغيظ/أحسن عشان أنا قعدت أشاورلك وأنتِ مفيش منك فايدة
فاطمة ببكاء/عااااا بقى الواد جاي يصالحني وأنا غبية، أنا مني لله
لتكمل بإصرار/حاجتي أمانة معاكِ، هاجي أعدد الشوكولاته قطعة قطعة
ماهي بتذمر /كنت هاخد واحدة بس
فاطمة بسماجة/لا واحدة ولا نص
ماهي بغيظ/غوري يا نتنة
فاطمة بمشاكسة/حبيبي تسلم
ثم ذهبت عازمة على مصالحة وائل ولن تتركه إلا وهو راضي عنها تزين وجهه الابتسامة الجذابة التي تعشقها هي
..................................................................
عند ماهي
فتحت الهاتف تسلي نفسها قليلا حتى عودة فاطمة لتجد رسالتين من رقمين مختلفين الأولى محتواها"قريبا يا جميلتي ستصبحين ملكِ ولن يفرقنا إلا الموت"
والثانية تقول"مش هسيبك يا ماهي حتى لو على موتي أنتِ فاهمة "
استغربت ماهي الرسالتين اللتين وصلتا في نفس الوقت تقريبا ولكنها ابتسمت على الرسالة ذات المحتوى اللطيف اللبق ولكن ترد على أي منهما
..................................................................
في مكتب وائل
كان يقف وهو ينظر من النافذة المطلة على فناء الكلية
بينما هي دقت الباب برقة ودلفت المكتب لتقول/وائل
لم تجد رد
لتقوم بحزن/عارفا أني زعلتك كتير وأنا معترفة بغلطتي متعودتش عليك زعلان مني ومخاصمني
وائل/بزمتك أنتي راضية على اللي بتعمليه
فاطمة /لا
وائل/أنا مش خاطب طفلة، أنا مش بطل روايات بحب الست المجنونة أنا بحب الست العاقلة اللي ابقى سايبلها مسؤلية البيت وتبقى قدها
تنهدت فاطمة بحزن وقالت/فاهماك
لان وائل لنبرة صوتها الحزينة ثم قال /أنا عايز مصلحتك يا فاطمة أنا بحبك
فاطمة/وأنا كمان
وائل ببسمة/طيب يلا أنا عازمك على الغدا
فاطمه ببسمة/صافي يا لبن الأول
وائل بغمزة ومعاكسة/حليب يا قشطة
ضحكت فاطمة بشدةعليه ثم قالت/يلا نتغدى عشان جعانة
وائل بضحكه /يلا يا طفسة
...............................................................
في سيارة عز الدين
كان عز الدين في السوبر ماركت يبتاع بعض المستلزمات لمنزله، تاركا كل شيء في السيارة ما عدا ورقة بفئة الألف بينما كانت ساندي تجلس بملل في السيارة لتلاحظ محفظة عز الدين تبتسم بخبث ثم أخذتها لتفتحها وأخرجت منها بطاقة البنك الخاصة بعز وفتحت هاتفه حيث كانت تجلس بجواره في مرة من المرات لتلحظ كلمة سر هاتفه لتستطيع فتحه في كل فرصة متاحة لها، وبدأت تبحث لتعرف رقم الحساب لتغلق الهاتف مخفية أثر أنها فتحته ثم خبأت البطاقة في حقيبتها ليأتي عز الدين قال ببسمة جاهد لرسمها/تحبي تروحي ولا نروح مكان تاني
ساندي/لا أروح
عز الدين/تمام
أعادها لمنزلها وتوجه لمنزله

انتهى الفصل
توقعاتكم يا حلوين
يا ترى مين صاحب أو أصحاب الرسايل اللي اتبعتت لماهي؟
ياترى ساندي هتعمل إيه ببطاقة البنك؟
ياترى فاطمة ووائل هيتخانقو تاني ولا الأوضاع هتتحسن؟
ياترى محمد هيقول لأبوه على طمع أمه؟
اجابات في الحلقات الجاية
دمتم سالمين💜