#روايه_٣١_يوم_مغامره
#للكاتبه_مريم_عماد
#الحلقه_التاسعه_عشر
#لما_تتالم_يا_قلبي
وصلت ماهي الي كليه الهندسه وكان عز الدين في مكتبه يراجع بعض أعماله المتأخرة
كانت ماهي تحاول الاتصال بصديقتها المقربه(فاطمه)
ولكنها لم تجيب لترد سالي علي اتصالات ماهي وقالت لها ما حكاه سامر لها لتقول ماهي بقلق/طيب سلام سلام ربع ساعه بالكتير وأكون عندكم
ثم اغلقت الخط وأخذت أشيائها وخرجت من الكليه لتتوجه للمستشفي
بينما كان مكتب عز الدين يطل علي بهو الجامعه وتحديدا باب الخروج من الجامعه
رفع عز الدين وجهه الذي كان يصوبه ناحيه الورق الذي علي المكتب وخلع نظارته والتفت للزجاج الذي يوجد خلفه لينظر علي الطلبه ليجد فتاه تركض بسرعه خارج الجامعه شعر بنبض غريب في قلبه وشعور اغرب شعر بانه شعر بذلك الشعور من قبل ولكن لا يتذكر متي واين لم تكون تلك الفتاه ظاهره له ولم يتعرف بانها ماهي
ليقول بلامبالاة /انا مالي بيها ليكمل ببسمه/انا هكلم عمي ابو ساندي انهارده باذن الله عشان أتقدم ليها
ليكمل عمله بنشاط
........................................................................
في المستشفي
دلفت ماهي المستشفي لتتوجه الي الاستقبال لتقول بتوتر/فاطمه محمد الرفاعي فين
موظف الاستقبال/في غرفه رقم......الدور......
ماهي /تمام شكرا
ثم توجهت لغرفه فاطمه التي كانت شبه نائمه علي الفراش والطبيب يفحصها لتدلف للغرفه لتجد الجميع متجمع في الغرفه وطبيب وممرضه
انتهي الطبيب من فحص فاطمه ليقول/كان فقدان ذاكره مؤقت والحمد لله الذاكره رجعت
وائل /هو ممكن فقدان الذاكره ده يبقي تجاه شخص واحد
الطبيب/لا بس ممكن يبقي عند وقت معين والوقت ده يبقي قبل معرفتها بالشخص بحيث تنساه وتنسي كل تفاصيله
وائل/تمام شكرا لحضرتك يا دكتور
الطبيب ببسمه/الشكر لله ده شغلي حمدلله علي سلامتها
ثم خرج من الغرفه وخلفه الممرضه بعد ان بدلت لفاطمة المحلول
ماهي بدموع/انتي كويسه صح
فاطمه بحنان/اهدي يا ماهي متعيطيش انا كويسه
سامر ببسمه/كده تخضينا عليكي يا عمري
فاطمه ببسمه /متقلقش يا سمسم اختك اسد
لين ببراءه/خالتو انتشي كويسه صح
سالي بضحكه /رقاصه صغيره
سامر بنفاذ صبر/يا حبيبتي اسمها انتي مش كل حاجه تحطي فيها شين
لين بضحكه/الكلام بيبقي حلو كده يا خالو وربنا
فاطمه بضحكه/ايوا يا لولو انا كويسه
لين بفرحه /مشوار الملاهي مش هيتاجل صح
فاطمه بسخريه /هقول ايه بنت سالي يعني مصلحجيه
لين بضحكه/قلبك ابيض بقي يا خالتشي
فاطمه بضحكه/ماشي يا بنت اختشي
ماهي بحماس /هروح معاكم الملاهي انهارده
دلف وليد ونور وروان ومروان الغرفه ليسمع مروان اخذ جمله ليقول بحماس/خدوني معاكم الملاهي
روان بمرح/وانا كمان وهجيب البت سليا معانا
فاطمه بسخريه /روحو كده الاوضه اللي جنبي يمكن يكون فيها حد عايز يروح الملاهي ما هي رحله أهليكم ثم نظرت بضحكه لوليد ونور بضحكه/لمواخذه يا بشوات
وليد بسخريه /قومي بالسلامه بس وهعلقك في السقف زي زمان جنب ماهي
فاطمه بتذمر ومرح/طيب بيني وبينك بقي مش قدام خطيبشي
وائل بضحكه/مش عايز اصدمك وأقولك اني عارف كل ده
فاطمه بضحكه /طيب الحمد لله اهم حاجه السمعه الطيبه والوجه الحسن
وائل بضحكه/الحمد لله
فاطمه/عشان تعرف بس ان معاك جوهره قدرها
وائل بمشاكسه /انا مش معايا جوهره انا معايا فاطمه
ضحكت فاطمه بسخريه لتقول /بالسلامه انت يا خلف يا خويا بدل ما تقول احلي جوهره او معايا ملكه تبا لرومانسيتك يا شيخ
وائل بضحكه/حبيبي تسلم
انقضي الوقت بضحكات الجميع ومشاكساتهم لبعضهم البعض حتي انتهى المحلول ورجع الجميع لمنزله
..................................................................
في منزل أهل ساندي في محافظه الاسكندريه
كان الجميع يجلس ويتناول طعام الغدا وكانت ساندي وعز الدين ينضمون لهم لينتهو من تناول الطعام وجلسو في الصالون يتبادلون الأحاديث ليصمتو قليلا ليقطع عز الدين الصمت قائلا لوالد ساندي/شوف يا عمي انا راجل يعتمد عليه معايا الحمد لله فلوس وحالتي الماديه جيده جدا ودكتور في كليه الهندسه محافظه القاهره وأقدر اعيش مراتي في احسن مستوي الحمد لله وحبيت ان بنتك هي اللي تشاركني حياتي مش هلاقي احسن من بنت عمي فيسعدني ويشرفني اطلب ايد بنتك المصون لنفسي
والد ساندي(صلاح)/وانا مش هلاقي احسن من ابن اخويا الله يرحمه يحافظ علي بنتي ويتقي ربنا فيها بس الرأي رأي العروسه ايه رايك يا عروسه
ساندي بفرحه عارمه لانها وصلت لمرادها المجهول/موافقه يا بابا لتكمل بإحراج/اقصد اللي حضرتك تشوفه
صلاح /يبقي علي بركه الله
عز الدين بنغزه غريبه في قلبه تجاهلها/نقراء الفاتحه
صلاح/تمام
بداو في قراءه الفاتحه لينتهو منها ثم وقفو ليسلمو علي بعضهم
........................................................................
في محافظه القاهره في منزل وليد في غرفه ماهي
كانت تنام وهي تشعر بشي يخنقها بشده تحاول التنفس ولكنها لا تستطيع شعرت بانها تحتاج لشئ ينقذها لتشعر بنغزه قويه في قلبها لتستيقظ وهي تصرخ بتعب وهي تقول/لا لا لا لا لا لا انتبهت علي نفسها لتقوم وتنزل للمطبخ ناسيه بانها ترتدي بيجامه لتشرب بعض المياه لتجد محمد يقف خلفها قائلا بقلق اجاد تمثيله/انتي كويسه
سقط الكوب من يد ماهي لتنظر بسرعه لمحمد لتقول بعصبيه /اعمل اَي حاجه تعرفني انك زفت في المطبخ ده ايه الهم ده ثم نزلت علي الارض لتجمع زجاج الكوب المهشم لينزل محمد هو الاخر ليجمع معها اشلاء الكوب لتقول ماهي بغيظ/انت بتعمل ايه ما تمشي تشوف رايح فين وتسيبني في حالي انا مش طايقه نفسي
محمد بضيق/انا غلطان اني بساعدك ثم ترك الزجاج بعصبيه وخرج من المطبخ
دلفت نور بعد خروج محمد مباشرتا لتجد ماهي تجلس علي الارض تجمع الزجاج لتقول بضيق/مش قولتلك ميت مره متنزليش بالبيجامه
نظرت ماهي لنفسها لتقول بأسف/بجد اسفه صحيت مش قادره أتنفس ونغزه في قلبي معرفتش غير اني انزل أجيب ميه
نور بلين/ماشي يا حبيبتي
جمعت ماهي الزجاج ورمته في سله المهملات ولم تلاحظ تلك الزجاجه التي فلتت من محمد عندما ترك الزجاج بعصبيه لتجرح قدم ماهي لتتالم ماهي وجلست علي الكرسي وأزلت الزجاجه من قدمها وقالت بدموع وعصبيه/حسبي الله فيك يا محمد الكلب
نور/اهدي يا بنتي عشان اشوف فيه ازاز جوه رجلك ولا لا
ماهي بدموع/حاضر
ثبتت لتقول نور بحنان بعد ان فحصت قدم ابنتها /متقلقيش رجلك كويسه اطلعي غيري هدومك لو هتنزلي تاني
ماهي/حاضر يا ماما
ثم صعدت لغرفتها لتغير ملابسها ونزلت لتجلس مع عائلتها في جو عائلي وهي مشغوله في التفكير ماهو سبب خنقتها وما هي سبب النغزه التي تملئ قلبها
#انتهت_الحلقه
توقعاتكم للحلقه القادمه يا حلوين
هل فعلا عز هينسي ماهي نهائيا وهيكمل مع ساندي؟
وياتري محمد هيعمل ايه عشان يوصل لهدفه؟
وايه هو هدف محمد اساسا؟
وياتري سعاده فاطمه ووائل هتدوم؟
الإجابات الحلقات الجايه باذن الله
#دمتم_سالمين
أنت تقرأ
روايه ٣١يوم مغامره
Fantasyتتحدث عن سفر عبر الزمن ليس لزمن واحد بل لاكثر من زمن روايه خياليه اتمني ان تنال اعجاب حضرتكم لا تنسو تشجيعي ❤️
