မွေးနေ့ပွဲ
လင်းအဏ္ဏဝါတစ်ယောက် နွားနို့တွေ
ခိုးသောက်နေပုံရသည်။ကောင်းကောင်းသတိထားမိသွားချိန်က
လင်းအဏ္ဏဝါရဲ့ မက်ခွက်လေးကိုယူပြီး
ရေထည့်သောက်တဲ့အချိန်ဖြစ်သည်။
မက်ခွက်မှာ နို့နံ့တွေကစွဲထင်နေ၏။
နွားနို့ရဲ့ရနံ့က သေချာတိိုက်ချွတ်ဆေးမည်
ဆိုအုံးတော့ အနည်းနဲ့အများနို့နံ့စွဲထင်နေမည်ပင်။ ကောင်းကောင်းက မွေးကတည်းကနွားနို့ဖြင့်ကြီးပြင်းလာသူဆိုတော့သိသည်။ကောင်းကောင်း လေထွက်အောင် ဟက်ကနဲ
တစ်ချက်ရယ်လိုက်မိတော့သည်။ ပြီးနောက်
ခွက်ကလေးကိုကိုင်လျက် မီးဖိုခန်းဆီလျှောက်သွားလိုက်၏။ လင်းအဏ္ဏဝါကတော့
ကိတ်မုန့်ဖုတ်ဖို့အတွက်အလုပ်များနေတာပေါ့။မနက်ဖြန်မှာကျရောက်မယ့် ကောင်းကောင်းရဲ့မွေးနေ့အတွက် သူတို့နှစ်ယောက်ကတော့
ဒီနေ့ညရဲ့ ညဆယ့်နှစ်နာတိတိမှာ မွေးနေ့ကိုကြိုဆိုကြမည်။လင်းအဏ္ဏဝါက အကျီံလက်ကို
ပင့်တင်ထားရင်း ဖြူဖြူသွယ်သွယ်
လက်ချောင်းလေးတွေနဲ့ ဂျုံကိုဂရုတစိုက်
နှယ်နေသည်။ ဂျုံမှုန့်တွေကပ်
နေတဲ့လက်ချောင်းလေးတွေက အဖိုးမဖြတ်
နိုင်တဲ့ အနုပညာတစ်ခုကိုထုဆစ်တော့မည့်နှယ်။"လင်းပိစိ..မင်းနွားနို့ကြိုက်သွားပြီလား"
ဂျုံနှယ်နေတဲ့လက်တွေရပ်သွားပြီး သူ့ကို
မော့ကြည့်သည်။ မျက်နှာကတော့ ထုံးစံအတိုင်း
မပြောင်းမလဲအမူအရာနှင့်။"ဘယ်ကနွားနို့လဲ"
"မင်းနွားနို့ကိုဒီခွက်နဲ့သောက်တယ်မဟုတ်လား။ ခွက်မှာနွားနို့နံ့တွေနဲ့"
သက်သေနှင့်တကွပြောတော့ငြင်းဆိုမရတော့။
နှယ်ထားတဲ့ဂျုံပေါ်ကို ဂျုံမှုံ့လေးတွေ ထပ်ဖြူးလိုက်ရင်း"အွန်း..နည်းနည်းသောက်ကြည့်တာ။ တစ်ဝက်တောင်မသောက်နိုင်ဘူး။ သွန်လိုက်ရတယ်"
တကယ်တော့ကောင်းဇာမဏီတိုက်ရင်သာ
အားနာနာနဲ့သောက်ဖြစ်တာ။ လင်းအဏ္ဏဝါ
အလျှောက်ဆို နွားနို့ကို ဘယ်လိုမှသောက်မရ။
YOU ARE READING
လက်ထပ်ကြစို့သူငယ်ချင်း
Short Story"မင်းငါ့ကိုလက်ထပ်မယ်လို့ကတိပေးခဲ့တယ်လေ" "ဟုတ်တယ်လေ။ ငါမမေ့ပါဘူး" ".........."