Fixing A Broken Heart (Cheat Series 1)

Chapter 13 : Sorry

Chapter 13 : Sorry

Ilang minuto na nanatili nakayakap sa akin si Caden. For a moment I felt like he doesn't even want to let go. Pero bakit? Habang yakap niya ako , nalulunod naman ako sa kakaisip ng mga bagay bagay. At kung ano ba talaga ang papel nito sa buhay ko. Hanggang saan kami aabot sa sitwasyon namin ngayon.

"Pwede mo na siguro akong bitawan?."

Hindi siya agad nagsalita pero bumitaw rin kalaunan.

"Be careful." tanging saad niya bago ako iwan at bumalik sa ginagawa. Sinundan ko pa siya ng tingin hanggang sa maging abala na ulit ito sa ginagawa. Napagbutunghininga ako sa hindi malamang dahilan.

Sa takot na maulit ang nangyari kanina ay mas pinili ko na lang maupo na muna. Kinain ko ang nakuha habang nanatiling wala sa sarili. Kalahating minuto ang lumipas at nakatanggap ako ng tawag mula kay Troy. Nag-alangan akong sagutin baka naman kasi mamaya si Daniel na naman pero sa huli sinagot ko parin kasi kahit na anong dahilan ko gusto parin ng puso ko na makausap ang lalaking nanakit sa akin.

"Akala ko hindi ka sasagot." bungad sa akin ni Troy. Hindi ko alam kung dismayado ba ako dahil hindi ito si Daniel.

I just sigh.

"Ba't ang lalim? Hindi ko pa nga nasasabi sayo ang bad news mukhang bad mood ka na. Alam mo na ba?."

Bigla akong na-alarma sa sinabi niya.

"Bad news?."

"Hindi mo pa alam?."

"Alam ang alin?."

"Mag-isa ka lang ba diyan?."

Nagtaka ako sa tanong niya.

"Bakit?."

"Gusto ko lang makasiguro. Baka kung anong mangyari sayo."

Ano bang sinasabi niya? Napakasama ba talaga ng balitang dala niya para may mangyaring masama sa akin.

"What is it? Deretsuhin mo na ako , Troy."

"Okay. Pero kalma ka lang ha."

"Ano ba kasi yun?." naiinis kung tanong.

"Cassey is pregnant. Two weeks. Daniel is the father."

Mahina ang boses niya pero parang bigla akong nabingi at walang marinig.

"Ha?." tanging nasabi ko.

"Buntis si Cassey. Dalawang buwan. Si Daniel ang ama." ulit niya.

Kahit sa pag-ulit niya parang hindi parin ako makapaniwala sa narinig.

"Anong sinasabi mo?."

Dalawang buwan?  What does that mean?

"Ang totoo. May nangyari sa kanila noon pa at nagbunga iyon."

A ringing echoed in my ears.

"Please Troy. Wag mo akong binibiro ng ganiyan."

I heard him sigh. "I wish I could but I can't. Iyon ang nalaman ko. Hindi ko alam kung alam na rin ba ng mga magulang mo. Ayaw ko na sanang sabihin sayo but you have the right to. I have proofs here. Ipapadala ko sayo."

Pinatay nito ang tawag. Nanatili naman akong nakatulala sa kawalan habang parang sirang plakang paulit-ulit ang sinabi niya sa isip ko. I don't know what I should felt. Ni hindi ko alam kung maniniwala ba ako o hindi.

My phone beep. Natanggap ko agad ang ipinadalang mga litrato ni Troy. Kalakip noon ang sonogram mula kay Cassey. May mga larawan rin niya kasama si Daniel kung saan nasa isang klinika sila.