انت لست اختي

انت لست اختي8

‎ 📌رواية "انت لست اختي" 📌
‎ بقلم🖋 "R&K"

‎📌الفصل 12📌
‎هو مكايردش عليها بتاتا عاطيها النخال ومخليها تقول لي بغات...هز الفاليزة ديالو والكلمة الأخيرة لي قالها وهو عاطيها بظهرو هي : ديما کنت كانحميك من الناس ، وانت ديما كنتي تجرحيني بكلامك وكاتعامليني بحال عدو ليك ، ولكن صاف الكاس فاض ، واليوم انولیو ولاد عم فقط ، ولي بغيتي ديريه ديريه

‎هو قال اولاد عم فقط، حيت ماقادش ينطق ديك كلمة "خوت" ماقادش يعتابرها بنت عادي بحالها بحال اي بنت اخرة خرج من البيت وخلاها کاتبكي على الهضرة لي قصح معاها ، ديما كايعايرها ومكاتدي ماتجيب ، ولكن اليوم عرفات راسها غلطات معاه ، وبلي خسرات شخص مازال ماعارفة قيمتو عندها ، طلات عليه من السرجم لقاتو كايودع لؤي وباها

‎آزاد : خويا لؤي سمحلي على الهضرة لي قلت ليك البارح ، ماقصدت منها تاحاجة غير جيتيني فوقیتة ماكنتش فيها مزيان ، انت عزيز عليا بزااف ، وراك فمثابة اخ لیا ، اي حاجة حتاجيتيها مرحبا
‎لؤي متفاجئ ولكن مابینش : هانية اخويا ، هادشي كايوقع مع كلشي ، تهلا فراسك

‎بتاسم ليه ازاد وركب فسيارتو وکسیرا ، بقا مدة كايسوق وهو كايفكر فاسيل لي عيا معاها ، كان جالس فديك الدار غير على قبلها باش يبقى قريب ليها ، حيت هو عمرو عتابرها كأخت ، ولكن هي ديما كاتبين ليه بلي هو غير ولد عم لا اكثر ولا اقل، واليوم قرر يقتل اي شعور لي غادي يخلیه ضعیف ، قاطع افکارو غير التيليفون لي كان تايصوني ليه

‎آزاد : وي صونيا ... اه ضروري اليوم اجي لعندي للفيلا دیالي تماك نتناقشو ، يالله تهلاي

‎قطع عليها وكمل للوجهة ديالو