انت لست اختي

‎📌رواية "انت لست اختي" 📌
‎                                                بقلم🖋 "R&K"

‎📌الفصل 51📌
‎ملاك: اوكي مزيان

‎حط السيارة فالباركينغ ونزلو بزوج من السيارة، بداو كايتمشاو منفاردين ودخلو لمطعم لي كان راقي، جر ليها الكرسي ديالها بتاسمات ليه وجلسات، في حين هو جلس اونفاص ليها، بقاو كايشوفو فالموني والجو سااااكت بيناتهم، ملاك مرة مرة كاطل على ازاد وكاتشوف فتقاسيم وجهو وتبتاسم بوحدها، رجعات تاني كاتشوف فالموني وغافلة على ازاد لي تاهو كايحلل تقاسيم وجها وحركاتها، نظرا لان ملاك كبيرة فالعمر على اسيل، فهي اكيد ناضجة وعارفة كيفاش تتصرف ومحيدة منها التبرهيش، كاتوزن الكلام واللباس وكلشي، يعني هادي هي المرأة لي باغيها

‎ازاد: صاف قررتي شنو تاكلي؟
‎ملاك: اه قررت امسيو ازاد
‎ازاد: ازاد، دابا خارج الخدمة وانا غير ازاد
‎بتاسمات: واخة

‎عيط ازاد للنادل لي سجل طلباتهم ومشا، بقاو الراس فالراس وملاك ماعارفة اش تقول، التوتر حاكمها ومامخليهاش تكون مطلوقة، وهادشي ازاد عاجبو، كاتبان ليه رزينة ومتبتة

‎ازاد: شعرك زوين
‎ملاك: شكرا

‎بقاو داويين وهضرة تجبد هضرة، ملاك رتاحت لازاد ولهضرتو وطلقات معاه، بداو يدويو بحالا كايعرفو راسهم من شحال هادي، وتا ازاد نفس الشيء، عجبوه افكارها وكلشي فيها، ملاك كيما قلت الزينة زينة ما شاء الله، والعقل والتباتة، يعمي حلم اي رجل

‎...: ولد عمي
‎تقلب: اسيل؟ اش كاديري هنا؟؟؟