انت لست اختي

انت لست اختي17

‎ 📌رواية "انت لست اختي" 📌
‎ بقلم🖋 "R&K"

‎📌الفصل 21📌
‎مدات ليه يدها وخلاتو يدير خدمتو، مرة مرة يسرق فيها الشوفة وهي قالبة وجها للسرحم كاتشوف فالطيور وعقلها مساافر كمل ليها وبتاسم ليها وهي بتاسمات ليه بزز ، خرجو من البيت وتمو غادين، تلاقاو بصونيا لي بتاسمات لاسیل ، ولكن هي مارداتش ليها الابتسامة ، دخلو للبيرو وجلسو مقابلين لبعضياتهم

‎ازاد : کیما کاتعرفي انا ملي كنت صغير ماتت العائلة ديالي ، جيت من المدرسة ولقيت كلشي محروق ، خرجو عائلتي فكفونة ااسيل ، لمدة عشرين عام وانا فبالي بلي ماتوا ميتة عادية وداکشي قدر الله والمكتوب ، ولكن ( شاف فيها بعينين حمرين ) اتاضح بلي الاب ديالك هو لي قتل عائلتي
‎اسيل : مستحييييييل بابا يقتل نملة فهمتي ؟؟؟؟ نملة مايقتلها
‎آزاد : ههه تانا هادشي لي ضنيت ، وانا غادي ننتاقم منو سواء بغيتي ولا لا
‎اسيل : عطيني دليل يالله

‎حل ازاد واحد المجر وخرج منو بيسي شعبو ودخل فيه كاسيذ لي عبارة عن مكالمة هاتفية بين نبيل والشيفور ديالى

‎نبيل : واش درتي داكشي لي طلبت منك ؟
‎الشیفور : اه
‎نبيل : متأكد مکاین حد فالدار یاك ؟
‎الشفور : اه كاين غير الاخ ديالك ( كايشوف فالساعة ) وكيما موالف غادي ينوض من النعاس ويشعل البوطة باش يتوضی للعاصر، وانا خليتها ديجا مفتوحة والغاز كايتسرب منها
‎نبيل : صاف مزيان، بقا تماك وقولي الخبار

‎طن طن طن

‎شاف فيها ازاد بعينين حومر والعروق غايخرجو منو

‎ازاد: للاسف كانوا عائلتي تماك كاملة وكاملين ماتوا مقتولین بسبب الأب ديالك وقسما برب العرش العظيم حتى ندفعو الثمن ونخليه يطلب الموت ومايلقاهاش

‎اسيل حاطة يدها على فمها مصدومة عمرها ضنات ان الاب ديالها يجي نهار يقتل شي واحد، وشكون هاد الواحد خوه لي من لحمو ودمو، عينيها مفيكسين فازاد لي بقا فيها

‎اسيل: ماعرفت اش نقول اآزاد ، مازال مامتيقاش ( شدات فراسها ) اش درتي أبابا اش درتي
‎آزاد : اسيل انا مكانطلبش منك تكرهيه ، ولكن ماتكرهينيش تانا، عندي الدافع ديالي لي مخليني ندير هادشي، ماشي حمق باش نجي هاكك نبغي نقتل عمي لي رباني ودار فيا الخير، ماشي كلب باش نعض يد الشخص لي طعماتني، ولكن باش يقتل عائلتي، لا مانسمحش ليه دنيا واخرة، ويا بيا ولا بيه فالنهاية