انت لست اختي

انت لست اختي4

📌رواية "انت لست اختي" 📌
بقلم🖋 "R&K"

اسیل ( من نيتها ) : هادا واحد اليوم تلاقينا فالمول ( بتاسمات وعاودات ليه كلشي ) وصراحة انا عجبني بزااف
ازاد : انت ماشي ديال هادشي غادي تعيطي علیه دابا وتقولي ليه يبعد منك
اسيل(قوسات حجبانها): لا ، هادي حياتي العاطفية وتاواحد ماعندو الحق

قبل ماتكمل كلامها لقاتو جارها من شعرها ومجرجها قدام الخدامات وغير الكلام لي تحت السمطة ، هي كاتغوت من تحتو باش يطلقها وهو واصلة بيه للعظم وعاطيها للسبان، الخدامات رجعوا الفيلا كاملة غواتات حيت اول مرة يشوفو ازاد بهاد المنظر، هبط لؤي من بعد ماسمع الغوات باش يعرف شنو کاین تا لقا آزاد مدخل اسيل لبيتو وسورتو ، مشا لعندو کایجري و کايدق بحال الحمق ولكن شكون سمعك اسي لؤي

لاحها على الناموسية وشافت فيه بحدة وعينيها كايرجفو من العصبية لي ركب فيها، وقفات فوجهو وشعرها منفوش

اسيل : واش حمقققق ولا مااااااالك ؟؟؟؟؟؟؟؟؟؟ كيفاش تجرني هاکا قدام الخدامات
عروقو خارجين من جناب عينيه وكايغوت عليها : غانعاود لمك التربية لي ماتربیتیهاش ، فششناك بزااااف ، دابا عندك جوج حلول یا تعيطي لهاد میخي وتقوليلو داكشي لي وصيتك بيه ، ولا غادي نعطيك سلخة ديال الكلاب
اسيل : م غ ا د ي ش نعيط وموت

حل ازاد السمطة ديالو ونزل عليها بالعصا ضربة مور ضربة ضربة مور ضربة وهي كاتغوت ولؤي برا غادي يحماق ، الباب ماقدش یهرسو حيت متين واخة تجيب دبابة ماتهرسش(زدت فيه واقلة هه)، ماتوقف تا لقاها فشلات..ماكفاهش هادشي وبدى يضرب فالحيط ويغوت

ازاد: اش ناقصك باش تقلبي على الرجال برا واش مامكفيكش انا؟؟؟ اي حاجة كاطلبيها كاتوجد ليك فالحين، الى طلبتي القمر انجيبو ليك تالعند رجليك... الى طلبتي البحر فعينيك غادي نسكبو، غير طلبي وانا نفذ، علاش مصرة تعانديني واش ماساوي عندك والو ااسيل

شافت فيه وعينيها عامرين بالدموع: انا كانعتابرك خويا او اكثر، انت عزيز عليا ولكن كاتدخل بزاف فحياتي، اللباس ديالي، المسار الدراسي ديالي، شعري، الانشطة ديالي، كلشي كادخل فيه، هادشي كايخيليني نتعصب، ودابا باغي تدخل تا فالحياة العاطفية ديالي، هادشي طلعلي فراسي
تنهد ازاد ومكالمي لاقصى درجة : غادي تعيطي ليه وتقولي ليه مايبقاش يدور بساحتك
اسیل ( بنفس متقطع وبعناد) : ل ... لا
ازاد : اوك بقاي هنا بالجوع هاد الليلة ، وباك غادي نكحل ليك الضوسي معاه مزياااان

برا لؤي غايحماق على اسيل، كايسمعها كاتغوت وهو عاد مكايزيدو القرودة يشطحو ليه فوق راسو

لؤي : واااااا داك المعقد ححححححل الباااااب حلللل
خرج لعندو ازاد لي سد لباب قبل مايفكر لؤي يدخل
ازاد : مالك از***ي مااااالك بعد قبل ما نفوت فيك شي ضربة
لؤي : كيفاش مالي ؟؟؟ واهادي ختیییییییی كيفاش تجرأ تمد يدك عليها حل الباب حل
ازاد : هادي ماشي ختك فهمتي ؟ انت غير ولد الزنقة جابوك لهنا باش يديرو فيك الخير ( طلعو وهبطو ) وکوکنت فبلاصتك الله يحفظ نهز قشاوشي ونغبر
بتاسم لؤي : على الاقل الناس هنا جابوني حيت باغييني وكلشي معتابرني خوه وولدو ، ماشي بحالك ، داير فيك الخير غير على قبل رابطة الدم لي بيناتكم ( قرب لعندو ) وکوکنت فبلاصتك مانزيد هنا دقيقة

ماقدش ازاد يكبح الاعصاب ديالو وترمی عليه ، ضربة فيك ضربة فيا ، ولكن ازاد كان اكبر منو ، شيء طبيعي يتغلب عليه ، فهاد اللحظة دخل نبيل لي الابتسامة تمحات فورما شافهم واحد غاياكل لاخر ، عيط للحراس لي فکوهوم بزز ، وجوهم عامرين دمايات تقولو وحوش كانوا کایفتارسو فبعضياتهم ، وقف نبيل وسطهم ووجهو حمر بالأعصاب

نبيل : ماااااالكم على هااااااد الهباااااال واااش تااا کبرتو عاد بان لكم دابزوووو ( شاف فيهم ) جاوبووووووني!!!!
آزاد : هاد ولد ( سكت ) هاد السيد المحترم کایدخل فشي حوايج لي ماشي من حقو
لؤي : کايهمنيييي هادیييييك ختيييييي اسیییی ( شاف فنبيل ) راه كان غايقتل بنتك

شاف نبيل فازاد : آش هادشي كانسمع ؟؟ ( سمع دقان فباب ازاد وصوت كايغوت ) واش هادا صوت اسییییل ؟؟؟؟ ( شاف فازاد ) عطينييييي المفتااح تحرررررررك ( عطاه المفتاح وبدا يتمتم ) اويلي هادي لي عندي فهاد الدنيا وبغا يقتلها ( حل الباب وتلاحت عليه ) شششششش ابنتي ماتبكيش ماتبكيش صاف صاف