انت لست اختي

‎           📌رواية "انت لست اختي" 📌
‎                                                بقلم🖋 "R&K"

‎📌الفصل 27📌
‎كان نبيل جالس فالبيرو ديالو فالشركة ديالو، جالس كايشوف الخطوات ديالو القادمة تادخل عليه خوه خالد كيف العادة

‎خالد: سلام خويا، ماعنديش بزاف دالوقت محتاج فلوس
‎نبيل: ياك هادي غير يوماين عطيتك تقريبا مليون؟ فين كادير هاد الفلوس غير قوليا
‎خالد: واكحب دغية خرك مزروب
‎نبيل: مكاين فلوس سير بلاصة خرى وشوف شكون يسوفيك
‎خالد: ك...كيفاش شوف بلاصة اخرى؟؟؟ واش كاتبوهل عليا؟؟ عطيييييني الفلوووووووس قلت ليك ولا قسما بالله تاندمرك
‎نبيل: دمرني؟ انت؟ شوف انا فين وانت فين، يالا خرج برى

‎خالد طلعو ليه الاعصاب ووجهو ولا حمر، اكيد الى ماعطاهش خوه الفلوس غادي يشبعوه عصى هادوك لي كان تايقمر معاهم، ماخدام ما ردام، ديما كايجي لعند خوه لي كايصوفيه بالفلوس، ولكن نبيل عيا، شحال قدو يعطيه فلوس وهو كايحطهم غير فالخلا، كوكان محتاجهم للمعيشة ولا باش يقري ولادو ولا اي حاجة معقولة يعطيه الفلوس وعينيه مغمضين ولكن ملي عرف بلي فلوسو كايمشيو فالتقمار قرر يقطع عليه الفلوس، خالد ماقدش يكبح الاعصاب ديالو وبدا يغوت عليه

‎خالد: شوف وسمعهي مزيان انت غاتعطيني الفلوس ولا غادي نعلم بيك للبوليس ونقولهم بلي انت كانتي تبيع فالحشيش باش وصلتي لهادشي، وعرفتي اش غايوقع؟ الى ماعطاوكش المؤبد ماتكونش سميتي نبيل، وبنتك غادي تتشرد فالزناقي وتبقى بوحدها فالزنقة، انا مامكافي تا مع ولادي بقالي غير ديك الكيليمينية ديال بنتك، ودابا شنو؟ منك ولا البلغة كبر منك
‎نبيل : خاالد !!! واش عارف راسك اش كاتقول ؟؟؟ !!! تا انت دخلتي فهاد التجارة ماشي غير انا، وانا باش ماتخدمش مع خوسيه ، قلت ليك هاداك غير يقضي حاجتو يرميك قلتها ليك ولا لا ؟! خدمتي مع عدو لیا ، ودابا باغي نعطيك فلوس ؟؟؟ وتعطيهم فالخوى الخاوي!!
‎خالد : آه غاتعطيني فلوس بزز منك ويلا مادرتيش هادشي غادي ندمك

‎نبيل: هادشي لي وقع وداكشي لاخر راك عارفو، ملي عرفت بلي تا مرتو وبنتو ماتوا ماتتخيلش تانيب الضمير لي جاني، وانا تكلفت بيك حيت انت مسؤوليتي اازاد، ومارانيش حاقد عليك وعمرني غانحقد عليك، تصرفك كان غايكون تصرف اي واحد

‎ازاد بقا ساكت وغير كايشوف بعيد، كلشي تكب عليه فخطرة وحدة، عمو قتل باه، حبيبتو غدراتو، وباه خرج قماريري وكايهدد خوه من الفوق وطلع مكايسواش، واش يقتل راسو ويتهنى؟؟ اش يدير دابا، ماعارفش شكون لي عندو الصح وشكون لي عندو الغلط، وقف بشوية على رجليه وشاف فعمو

‎ازاد: ماعرفتش شكون لي عندو الصح وشكون لي غالط، لي باغيه دابا هو يوم القيامة كل واحد يتحاسب على اغلاطو، انت غلطتي ملي قتلتي خوك، وخوك غلط ملي هددك ببنتك، انا دابا ماعندي تا ذرة كره ليك اعمي... نتلقاو فالدار العشية