انت لست اختي

انت لست اختي2

ملي شافها هاكك خاف عليها حيت مريضة بالسكر، عليها خلاها تمشي بلاما يزيد اي كلمة ، يالله کیف خرجات لقات لؤي واقف عند الباب ، عنقاتو وبدات تخنن عليه تماك اما ازاد قابط راسو غير بزز لا يجمعهم هو وياها، سد الباب بجهد وتلاح فوق الناموسية يريح راسو

هادو هوما الاخوة الثلاث ، اسیل ، آزاد ولؤي ، غادي نعاود لكم كل قصة ديال كل واحد منهم باختصار

اسيل:
هي بنت ديال واحد من أغنى الرجال فالمغرب ، هاد الرجل كان تایبغي واحد المرأة بشكل جنوني ، تزوجو عن حب ولكن للأسف ملي كانت حاملة باسیل قالها الطبيب بلي امكانية نجاح الولادة قليلة ، بقات متشبثة بالجنين وللأسف دا مول الأمانة أمانتو ، واعد نبيل لي هو اب اسيل راسو بلي عمرو يتزوج ، ماباغيش يجيب المرأة لي تكرفص ليه على بنتو ، كان اب وام الاسيل ، عليها طلعات مدللة بزاااف ولكن حنينة فنفس الوقت ودغيا بنادم يحزرها

أزاد:
هو ابن الاخ الكبير ديال سي نبيل ، ولكن للاسف واحد تزاد فالخير ولاخر بقا فالفقر ، سي نبيل خدم وضرب تمارة بزاااف باش يوليو عندو الفلوس في حين الاخ دیالو ماحقق والو فحياتو ، وكان واقع بيناتهم مشکل لي مع الأحداث غادي تعرفوه ، بسبب هادشي مکانوش کایدویو وقاطعين الصلة بيناتهم. فيوم من الايام كان ازاد راجع للدار دیالو من بعد ماخرج من المدرسة ، تا لقا الجيران کايطفيو العافية ، هو كان خايف بزاف ، غير واحد الجارة لي كانت شاداه ، من بعد خرجو ثلاث جثث ، مو ، باه وختو الكبيرة ، منظر مايقد يشوفو تالكبير عساك دري عندو ثمان سنوات ، من داك النهار وطباعو ولات صعبة ، نبيل الدقيقة لي سمع فيها الخبر مشا عند ولد خوہ تکلف بيه وبدا يربيه بحال ولدو ، وهاکا کبر آزاد مع نبيل واسيل

لؤي:
هو واحد من الشخصيات الرئيسية تاهو ، لقاه نبيل فالشارع کايتعاونو عليه مجموعة ديال الشماكرية كایضربوه ، غير شافو نبيل وهربو ، مشا عند لؤي وبدي يستفسرو على مو وباه ، وعرف بلي هو طفل ضال ، ماعندو اب ولا أم ، کبر فالشارع من بعد ما لقا الميتم لي كانوا غير كايتعداو علیه احقر من الشارع ، مشا نبيل تبناه ورجعو بحالو بحال الأبن دیالو هاد الابطال الثلاث غایکبرو وكل واحد غاتكون عندو شخصية مغايرة على الاخر ، وكل شخصية غادي ضيف نكهة خاصة لهاد القصة

فواحد البيت لي متكي فيه واحد الدري على کرشو ، النص الفوقاني عريان ولابس غير شورط حد الركبة وفازرق سماوي ، فيقاتو اشعة الشمس لي متسللة من السراجم ، کمش عينيه وابتسامة جذابة ترسمات على شفایفو ، ناض کایتکسل بشوية عليه ودخل للدوش ، طلق عليه الما البارد بحکم الجو حار شوية ، كايدوش ويغني بالصوت الرائع دیالو ، من صغرو کايعجبو يغني، شرا ليه باه الكيتار وبدا يتعلم فيه تا ولا عندو جمهور خاص بيه على السوشل ميديا ، خرج من الدوش ولبس واحد القميجة بيضة ودخلها فسروال کلاسيکي ازرق ، رش البارفان دیالو ولبس براسلي لي عطاتو ليه اغلى انسانة على قلبو شكون من غيرها اسيل، لي كايعتابرها ختو وعمرو شاف فيها شوفة ناقصة، هوما ديما مفاهمين بحكم مابينتاهمش بزاف ديال السنين، ختمها بسباط کلاسیکي بيض وخرج تايصفر من الغرفة دیالو ، تاجه دیریکت لغرفة الأميرة ديالو کیما مسميها ، دخل عليها بشوية ونزل عند ودنيها وغووت
.... : فیقیییییییییییییییی