انت لست اختي

انت لست اختي9

‎ 📌رواية "انت لست اختي" 📌
‎ بقلم🖋 "R&K"

‎📌الفصل 13📌
‎جالسة فبيتها كاتبكي وكاتشهق وباها كايطبطب على ظهرها، مكايقدش يشوف بنتو كاتبكي، عزيزة عليه بزاف خاصة انها هي الوحيدة لي من دمو ولحمو، ونسخة مصغرة ديال الزوجة ديالو لي كان تايحماق عليها، هادشي لي مخليه يفششها ويدير ليها الخاطر، ماباغيهاش تحس ولو لمرة بلي شي حاجة ناقصاها، باغيها ديما تكون فرحانة

‎نبيل : وصاف ابنتي طيبتي عينيك
‎اسيل : هء هء انا السباب ابابا انا السباب، هو كان باغي ليا غير مصلاحتي ( مسحات عينيها ) ولكن اليوم انمشي نصالحو ، مانقدش ننعس وهو كاعي عليا، عافاك ابابا عطيني العنوان ديال دارو
‎نبیل : بنتي خليه تا يبرد ، تانا مابغيتوش يمشي ولكن ملي يبرد اعصابو ندوي معاه ونحاول نقنعو
‎اسيل : لا ابابا آزاد عقلو قاصح عمرو غایرجع ، انا بغيتو غیر يسامحني وصاف ، بلییییز اپاپي عطيني العنوان
‎تنهد بقلة حيلة: هاكي ابنتي ، ولكن ستناي يجي الشيفور يديك
‎اسيل : اوكي پاپي تانا نمشي ندوش ، ونلبس ويكون جا الشيفور
‎ نبيل : يالله سيري ابنتي

‎بعد ساعات قليلة لقات راسها عند باب الفيلا دیالو ، فتحات الباب بشوية ودخلات ، لقات الصالونات کاملین خاویین

‎اسيل : فين غایکون هادا ؟ اکید ایکون فالبيرو دیالو داك المعقد

‎ضحكات شوية وطلعات فالدروج بشوية على صباع رجليها ، حلات باب البيرو بشوية وهي تصدم بلي معاه مرأة شابة ، كانت بغات تقاطعهم ولكن لا قررات تسمع اش کاین

‎صونيا : ازاد واش متأكد من هادشي لي باغي دیر ؟ علاش ماتدویش معاه هي اللولة وتعرف لاش دار داكشي
‎ آزاد : صونيا انا مخطط لهادشي من نهار وريتيلي التسجيلات، مغاديش نخرج على الخطة ديالي، واكثر من هادشي، انا ماغاديش نستسلم حيت كانتسنى فوقاش ننتاقم من لي كان السبب فموت الأب دیالي ، ومادام الحقائق تبينو ، مغادیش نرحمو ابدا ، عمرني نسمح لمن كان سبب انني نعيش بلا بابا ومي واختي
‎صونيا : وشنو غادي دیر ؟؟
‎آزاد : ههههههه غادي نقتلو شوية بشوية ( حط صور على المكتب ديالو ) اول حاجة غادي نديرها هي نکوي قلبو ببنتو واعز حاجة كايملكها فعاد الدنيا ( شاف مزيان فالتصويرة ) اسيل