انت لست اختي

           📌رواية "انت لست اختي" 📌
                                                بقلم🖋 "R&K"

📌الفصل24📌
دازو خمسة ايام بالظبط، اسيل مادواتش مع ازاد وتاهو ماسولش فيها حيت عارف نبيل ايكون معاها ومخليها على خاطرها وهو مشغول مع خدمتو تاهو

اليوم فاقت وخاطرها خااااسر، حيت اليوم غادي تقول لازاد على باها وشنو غايدير، قلبها مقبوط وخاطرها خاسر، دخلات للدوش دارت روتينها وخرجات، لبسات سروال كحل وقاميجة دخلاتها فيه وهبطات لعندهم لقات نبيل بوحدو على الطبلة ديال الفطور باست باباها كيف العادة فحنكو وجلسات، لحق عليهم لؤي لي كان باين فيه مزروب وجلس

لؤي : اهلا اهلا ، اانموت بالجوع الاخوان
اسيل : انت ديما لي ضاربك ضاربك على کرشك
لؤي : ونتي لي ضاربك تقيلي حاضياني ، شوفي شوية لديك الجهة شوفي
اسيل : جيهتك لي عاجباني
لؤي : لسانك طوال
اسيل : بابا یاتکستو یا نوض ليه
لؤي : اجي شكون لي مانعك
نبيل : سكتونا صاف ، مالكم دايرين كي المش والفار
لؤي : أنا مادرت والو هي لي بدات
اسیل ( کاتعیبو ) : هي لي بدات ، برهوش لاخر
لؤي: ماعرفت شكون لي برهوش انا ولا انت يا البوالة

نبيل طلعو ليه فراسو وزاد بحالاتو خرج لشغلو، بقاو اسيل ولؤي غير بوحدهم كايتناقرو

اسيل: عاود عاود اش قلتي انا بوالة؟ فوقاش اخويا بلت قدامك باش تقول عليا بوالة
لؤي: بغيت نقول بكاية🤡
اسيل: تفو عصبتيني على الصباحة لله على والو
لؤي: ماتقلقيش البوالة...ااا بغيت نقول البكاية

واقف عند المراية كايسد قفل قاميجتو كايلبس وصوفيا واقفة عند الباب كاتشوف فيه وباين علامة الحزن على وجها

صوفيا : واش متأكد من هاد الخطوة لي غادير ؟
آزاد : اه اصوفيا ، ماغاديش نرحمو ، قتل لیا عائلتي كاملة ، وانا غاندفعو الثمن
صوفيا : اوكي ، الله يعاونك ويكون معاك
بتاسم ليها: آمین

هز سوارت سیارتو وخرج من الدار ورکب السيارة ديالو وانطالق . نص ساعة ديال الطريق وكان فالمكان لي باغيه ولي قالت علیه اسیل ، مكان مهجور خارج المدينة ، كاين غير الشركة القديمة ديالهم لي خاوية، عرف بلي هنا غاتكون الصفقة كيما قالت ليه اسيل، خرج الفردي ديالو وتم داخل بشوية للشركة ، كل خطوة كايحسبها جوج مرات ، فجأة سمع صوت من موراه
.... : هیلو ازاد تقلب
آزاد : شكاديري هنا !! سيري هاد المكان خطير عليك جبدات البنت الفردي ووجهاتو
....:لراسو الخطر عليك انت دابا