انت لست اختي

‎📌رواية "انت لست اختي" 📌
‎                                                بقلم🖋 "R&K"

‎📌الفصل 33📌

‎صاف البنت وصلات للطوب ماقداتش تستحمل اكثر، هزات رجلها تا هزاتها وعطاتهالو لقرفادتو تا طاح، ازاد غلباتو الضحكة عليه ولكن كايخبعها باش مايبقاش فيه الحال، شدو من يدو كاينوضو حيت الضربة لي عطاتو قاصحة

‎ازاد: الله الله الله، راك مزيان اخويا؟
‎لؤي: اه حمد بيخير وعلى خير، عمرني حسيت براسي مزيان تالهاد النهار، كنت محتاج ركلة فرقرفادتي باش يالله وجهي يتگاد ويولي هو هاداك، واش انا واكل الدق فوجهي وكاتسولني واش بيخير(شاف فالبنت) غير جيتيني بنت الاخت
‎ازاد: صونيا مكانش خاصك توصلي لهاد المواصيل هههه
‎صونيا: هو لي قلب عليها، لسانوا طويل وحار، وغزيت فيه من الفوق، غير على وجهك مابغيتش نزيدو الثانية يالله يرجع التوازن ديالو، شكون هادا ابعدا
‎ازاد(عنق لؤي): خويا الصغير
‎لؤي كايحاول يتفك منو: مالك كاتعنقني ناقصك حنان، واتا خيد يدك الزمر
‎ازاد: لؤي جمع راسك قبل مانجمعك
‎لؤي: هاهو غادي يخخخ مابقا لي يوقف معاكم

‎ناض زعفان وخرج من الدار بسيارتو، بقات صوفيا مع ازاد كايدويو ويضحكو واسيل من الفوق  كاتشوف فيهم، كيفاش كايضحك معاها وكيفاش عاطيها وقت، اما معاها هي ديما طالعة ليه القردة وزعفان، رجعات الريدو ودخلات للدوش