انت لست اختي

‎         📌رواية "انت لست اختي" 📌
‎                                                بقلم🖋 "R&K"

‎📌الفصل 34📌
‎كان جالس فالبيرو ديالو مقابل مع البيسي ومغرق راسو فالخدمة باش ينسى شوية الهموم تا وصلو ميساج من نفس البنت ديال البارح

‎"انا خديجة لي كنت نقرى معاك فالجامعة، الصراحة صاحبتي كاتقلب على خدمة، الشركة لي تحط فيها سيڤي ديالها ماكايعيطوش ليها بالرغم من انها  تستاحق وربي شاهد على كلامي، ودابا بغيت نسولك الى كان عندكم بلاصة كانتمنى تشوفو غير سيڤي ديالها، ومن بعد تقررو واش تستاهل البلاصة ولا لا، وشكرا بزاف مسبقا"

‎قرى الميساج ديالها مزيان، هو ماشي من النوع لي يقول بنادم يعيط لك فوقت حاجتك، هو من النوع لي كايعرف بلي الانسان عندو المشاغل ديالو، والى قصدك ماتردوش، رد عليها ب "واخا تجي غدا ويكون خير" وحط التيليفون كايكمل على شغلو

‎هز تيليفون ديال المكتب طلب من المساعدة ديالو تجيب ليه القهوة باش يزيد يركز على الخدمة ديالو، وماهي غير بضعة دقائق تا سمع الباب تحل، هز راسو لقاها اسيل هازا القهوة وداخلة كاتمهتر بالمشية ديالها كيف العادة، سد بيسي بالزعاف وكايستناها دير اش تحت راسها، كانت لابسة جيبة بيضة قصيرة كثر من لي كانت كادير، وتريكو كحل فوق السرة مزير بين فورماتها واعرة، اما شعرها دارتو كعكة مهملة لي برز الرقبة الطويلة ديالها والخالة لي فيها، الحلقات كايلامسو عنقها بلطافة، والطالون لي زادها طولة على الطولة لي فيها، ماكياجها كان خفيف ولكن ريحتها كاتحمق، هادشي كامل باش تخليه يعيط عليا لعل الغضب ديالو يقل وينقص، ولكن هيهات، ازاد حافظها وعارف اش كايدور تحت راسها، ولكن منخلها، كان كايبغيها بكل ما اوتي من حب، مانقولش لكم الحب لي كايكون فالقصص الخيالية، ولكن كان حب لي خلاه يبني حياتو معاها فالمخيلة ديالو، كان كايستنى تا يلقى الوقت المناسب ويطلب منها الزواج، ولكن الغدر ممكن يقلب كلشي رأسا على عقب، صاحبتك الى غدراتك ضربي عليها، عساك واحد كنتي تبغيه ودايراه فمقام عاااال، قربات لعندو وحطات ديك القهوة على المكتب ديالو، عينيها كايبريو وراسمة ابتسامة خفيفة تقول بحال بنية صغيرة كاتطلب باباها على شي حاجة

‎اسيل: ازاد، جبت ليك القهوة ديالك
‎ازاد: من اللخر شنو باغة
‎اسيل: نتصالحو🥺 ماقاداش نصبر على العضب ديالك، مامولفاش ليك
‎ازاد: ماشي مخاصمين باش نتصالحو
‎اسيل: ولكن كاتتعامل معايا ببرود، مابقيتيش كيف كنتي وهادشي كايوجعني
‎ازاد: مكايهمنيش كيفاش كاتحسي، باغاك غير تعطيني التيقار ااسيل

‎اسيل تصعقات بالرد ديالو، كيفاش مكايهموش؟ يعني تا انا مكانهموش، واش صاف مابقيتش كانهمو بصح؟؟؟ لا لا هو غير غضبان، فيقي ااسيل شدي حيلك

‎اسيل: واش مابقيتش كانهمك اازاد؟

‎ناض عندها ازاد كايشوف فيها بكل صرامة وهي كاتحك يديها مع بعضياتهم من شدة التوتر وقلبها غايخرج من الخوف، ماشي منو ولكن من كلامو لي جاي، حيت حافظة هاد النظرات ديالو حيت من بعدهم كايحي كلام قاااااصح ديال بصح