📌رواية "انت لست اختي" 📌
بقلم🖋 "R&K"
📌الفصل التاسع📌
اسیل ( کاتبكي بشكل هستيري ) : ضربني هء هء ضربني ابابا بالسمطة لحمي كايوجعني ابابیییییي
نبيل عينيه مفيكسين فازاد: واااااش انت هبیییییل ؟؟؟؟ واش آنا کانأمنكم على بنتي باش ديروها فعينيکم ولا تحت السباط
ازاد : راها باغا تصاحب ، واش باغيها دیر الحرام ودخل علينا العار؟؟؟ كانقولها تفارقي وهي زايدة فيه
نبيل : أنا هو بااااااها انا هو الأول من بعد نتوما لي تتحكمو فيها ، وشكون نتوما تا تحكمو فيها غير قولي ؟؟؟ هادي راها ختكم ماشي بلاي ستايشن ولا تیلیفون ولا روبو ، واش يصحابلك راك فعهد قريش ؟؟؟؟؟ خليها تصاحب ، اجي لعندي انا وانا نتفاهم معاها ، وتا الى بغيتي تفاهم معاها ماشي بهاد الشكل واش فهمتييييي ؟؟؟؟؟ ( سکات ) وااااااش فهمتیییییییی
آزاد : اه اعمي فهمت
نبيل : اجي ابنتي معايا اجي
مشا هو وبنتو لبيتها وخلا الولاد برا ، جلسها على الناموسية وجاب الاسعافات الأولية ، بدى يطبطب ليها لحمها وكایعایر فازاد ويدعي فيه ، ملي کمل عطاها تلبس حوايجها وهبط يجيب ليها دوا والماكلة ، جلس حداها وبدی يداعب شعرها
نبيل : بنتي ماتخافيش ، اخر مرة يمد عليك
اسيل: صاف آبا ماوقع باس
نبيل : بنتي سمعيني ، انا باك ونتي عزيزة عليا بزاف ، ولكن التصاحيب ابنتي لا كلشي الا هادشي ، آنا مامخصصك من والو ، القراية تقرايها ولي حليتي عليها فمك نجيبهاليك ، دابا راك صغيرة ، واخة جا اي واحد يخطبك غانرفض ، آنا باغيك اول حاجة تكملي قرايتك وتاخدي ليصونص ديالك ، تخدمي وتعيشي حياتك، من بعد الى بغيتي تتزوجي تزوجي لي بغيتي
شافت فيه اسيل : عندك الحق ابابا ، دابا نعيط ليه ومایکون غير الخير ابابا
باس ليها راسها وخرج خلاها بوحدها ، شدات تیلیفونها بقات بزاف كاتفكر واش تفارق معاه ولا تخبي على باها العلاقة ، فالاخير لقات بلي ماتقدش تبيع الثقة ديال باها على شي واحد مجامعهم تاحاجة ، هزات تيليفون ودوزات النمرة
فراس ( بصوت ناعس ) : الو اسیل ، ياكما کاتحلمي بیا ههه
اسيل : سمحلي فيقتك
فراس ( عدل الجلسة ) : لالا مكاينش مشکل ، فوقما بغيتيني انا معاك
اسيل : فراس ، الصراحة حنا مانقدوش نكملو
فراس : وعلاش ؟
اسيل : بابا رد الخبار ودابز معايا
فراس : نتزوجوا ااسیل مافيها باس ، تكوني حلالي وكلشي وباك مايخافش عليك
اسيل : المشکل بابا ماباغيش يعطيني لاي واحد تانكمل قرايتي وعلى الأقل نشد ليصونص
فراس : آنا نتكلم معاه ونديرو حل يرضينا کاملین
اسيل : لي هو
فراس : دابا نعسي احبيبتي غدا ويكون كلشي تحل ... كانبغيك
اسيل حمارت ومالقات کيف دير : وكيفاش کاتبغيني وانا يالله هاد النهار عرفتيني
فراس : هههه مزال ماعقلتي عليا ااسيل ؟؟
بقات کاتفكر لمدة طويلة عاد تفکرات : اااه فرااااس ديال الاعدادية ياك ؟؟
فراس : نتي لي كنتي فالاعدادي ، اما انا كنت فالعام اللخر ديال الثانوي ، ههه کنت كانبغيك من ديك الوقيتة ولكن نتي ماکنتیش کاتصاحبي
اسيل : هههه اوا حلالا طيبا
فراس : هبيلة بالرب ههههه
اسيل : وزعمة بقيتي کاتبغيني من ديك الوقيتة
فراس : نكذب عليك الى قلت ليك اه ، ولكن ملي شفتك حسيت بنفس الاحساس دیال شحال هادي
اسيل : ههه روميو ديال المغرب(تفوهات) یالله نخليك تنعس ، تصبح على خير
فراس : تصبحي على خير ، وماتشطنيش ، غدا كلشي يكون تحل
اسيل : ان شاء الله
أنت تقرأ
انت لست اختي
Storie d'amoreولئن يسألنك عن الحب ... حدثهم عني...عن فتاة أعطت اکثر مما حمل كتفاها الهزيلان...حبي له من ماء...وقلبه من نار...كلما منحت فؤاده العشق ... لم اتلقى الا الدخان...فاذا عينا يعقوب من الحزن على يوسف...فماذا اقول عن قلبي الذي انفطر ؟ كيف لمعشوقي أن يطفئ له...
