ازيكم يا قمرات عاملين ايه أخباركم 😊💙 طيب ندخل في الموضوع على طول في تعليقات بتجيني على الجزء الأول والتاني من الرواية حرفيا انا لما بقرأها ببقى عايزة أمسح الرواية ومعتش أنزل فيها ولو لقيت تعليقات زي دي تاني انا مش هنزل بارات بعد كده وهمسح الرواية ودا مش تهديد عشان في عقول مريضة بتفكر ان دا بيبقى تهديد عشان التفاعل وكده....انا مش عايزة تفاعل ومش عايزة أي حاجة انا لما كتبت الرواية كتبتها بس عشان تشغل وقت فراغي مش أكتر مش كتباها بهدف الشهرة والمتابعين والكلام الفاضي ده انا كتبتها عشان الملل مش أكتر وانا أكتر واحدة بتمنى أخلص الرواية بسرعة عشان معتش أرد على تعليقات تحرق الدم زي واحدة داخلالي على الخاص تقولي (ايه الأسامي الي تقرف دي وبعدين ايه اسم سلطانة ده ما تعيشي عيشة أهلك)
بصي يا بنتي انا قولت ان انا كاتبة اسماء غريبة شوية كتغيير بسبب الأسماء الي بقت متشابهة في كل الروايات كان ممكن لما تلاقي أسماء الشخصيات مش عجبتك كنتي تقدري وبسهولة متقرأيش الرواية لكن تغلطي والشكل المهين دا لا مش هسمحلك انتي ملكيش دعوة بأهلي وانا قصدت اني أرد عليكي هنا في العلن عشان على الأقل تحترمي نفسك وانتي بتتكلمي مع أي حد وعلى العموم كل واحدة بتدل على البيئة الي هي جاية منها....
********* في بنت تانية بتقولي (بقا انتي يا عيلة يالي عندك ١٦ سنة مفكرة نفسك بتعرفي تكتبي روايات)
بصي انا اه عندي ١٦ سنة واه في نظر ناس كتير جدا انا صغيرة بس على الأقل انا كتبت رواية وعرفت أخلص جزء كامل منها قدرت أكتب رواية محترمة مفيش فيها حاجة تشيلني ذنوب زي روايات كتير أوي بقت منتشرة بكده واه حضرتك انا مفكرة نفسي بعرف أكتب رواية على الأقل انا إتجرأت وقدرت أشير تأليفي عكس ناس كتير خايفة من خطوة زي دي فبلاش كلام ملوش لازمة زي ده
********* في بنت تالتة بتقولي( روايتك مش حلوة وكمان الأحداث وحشة أوي وطريقة سردك للأحداث تقرف)
طيب بصي يا قمر انتي رأيك ولا يفرق معايا تمام يكفي ان الرواية عجبت عيلتي وأصحابي ودول عندي أهم حاجة وخصوصا عيلتي يكفي ان روايتي عجبتهم بالنسبة للأحداث دي طريقة تفكيري ومقدرتش أكتبهم غير كده لو مش عجبتك كان ممكن وبسهولة بردو متكمليش قرأءة الرواية او حتى تعملي ليا بلوك وانا رواية مش هتظهر لحضرتك تاني مش عشان انتي بتكلميني على الخاص يبقى تقولي الي انتي عايزاه لا طبعا انا وانتي مش أصحاب عشان تتكلمي معايا زي ما انتي عايزة انا قولت ان انا بتقبل الرأي السلبي على روايتي بس لو بطريقة محترمة.....
**************************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
