(هوس الأيهم) بنات السيوفي الجزء الثاني

البارت الثالث

صلوا على النبي محمد صلى الله عليه وسلم ❤️
بارت طويل أهو كتعويض عن يوم الخميس عشان خاطر متابعيني القمر
أسفة على التأخير بس واتباد في مشاكل وعلق معايا
****************************
البارت الثالث
أيهم بغضب: هقتلك
ضحك المجهول بإستهزاء ونظر له بخبث وقال: براحة شوية على نفسك لتفرقع......كاد أن يذهب أيهم الي ذلك السمج ويقتله ولكن سلطانة منعته
سلطانة ببرود: عايز ايه يا حسام
حسان بخبث: عايزك.....هجم أيهم عليه باللكمات العنيفة والصفع والركل كان يضربه بغضب وعنف كيف لذلك الوقح أن يقول ذلك في وجهه ولمن لحبيبته وزوجته وأم أطفاله...لم يتدخل أحد بل تركوا أيهم يفرغ شحنة غضبه في ذلك السمج جاء معتز وحسين وماجد وحاولوا ضرب أيهم ولكن تدخل أسد وساران ومدحت وضربوهم بقوة وعنف حتى جاء مدير المستشفى والأمن....
مدير المستشفى بغضب: ايه الي بيحصل هنا....إرموا الهمج دول برا ودلوقتي حالا.....ذهبت له سلطانة ببرود وتحدث بهمس
سلطانة ببرود: لو خايف على مكانتك وشكلك قدام الي موجودين إخلع انت منها
المدير بخوف أخفاه: انتي مين
سلطانة ببرود: انا الي انت شغال عندها...الي لحم كتافك من خيرها...انا سلطانة السيوفي.....نظر لها مدير المستشفى بخوف وإرتباك هل هذه هي صاحبة المستشفى فهو أول مرة يراها هو دائما يتعامل مع مدير أعمالها ألبرت أو إيفان ولم يراهم أبدا كان التعامل بينهم عن طريق الإتصالات لا أكثر
المدير بإرتباك: اااااا احم... انا أسف جدا ليكي يا فندم بس... بس هما كده خالفوا قوانين المستشفى
سلطانة ببرود: وانا صاحبة المستشفى ودول عيلتي الأربع شباب المضروبين دول يترموا برا المستشفى وميدخلوش المستشفى خالص انت فاهم يلا نفذ....ثم تركته ودخلت غرفة صغيرها ولم تستمع الي رده عليها وبالفعل نفذ المدير ما طلبته منه سلطانة بالحرف وإعتذر لأيهم وأسد وساران ومدحت عاد الجميع مرة أخرى الي غرفة رعد...
سلطانة ببرود: إسمعوني كلكم إحنا داخلين على مشاكل ملهاش أول من أخر الأربعة دول مش هيسكتوا
سحاب بهدوء: واحنا مبنخفش
أيهم بغضب: انتوا متجوزين رجالة مش نسوان احنا نعرف نحميكم من أي حد ومن أي حاجة
سجا ببرود: سلطانة في كلام كتير عايزة تقوليه ايه هو وياريت تبدأي بمين الي عمل كده في رعد
سلطانة ببرود: مش هنتكلم قدام الأولاد بعدين
فهد ببرود: احنا مش صغيرين
سفيان بقوة: احنا ولاد أيهم وسلطانة ومبنخفش
سراج ببرود: الي فهمته ان الي كانوا هنا عايزين سلطانة وانا على جثتي حد يقرب من أمي
جاسم ببرود: مش أمك لوحدك دي أمنا كلنا
مالك بجدية: ممكن تكونوا شايفين ان احنا صغيرين بس متنسوش احنا من يوم ما إتولدنا وانتوا بتعملونا كرجالة كبار وفاهمين مش مجرد أطفال
أدم بقوة: احنا الي عينه تيجي على حد من عليتنا نفقعله الإتنين
سالم ببرود: ما بالك بقا بالعين دي جت على سلطانة السيوفي
أركان بجدية: يبقى حكم على روحه بالموت
فراس بجدية: الموت بالنسبة له هيبقى رحمة من الي هيشوفه على إيدينا
أركان ببرود: فهمونا مطلوب مننا ايه بالظبط واحنا هنفذ
قيس بجدية: مش معنى اننا بنضحك ونهزر نبقى عيال تافهة لا بالعكس دا احنا وقت الجد رجالة أوي
غيث ببرود: إحنا مش عيال احنا جبابرة المستقبل وهنخلي العالم كله يحلف بإسمنا....وشوية النسوان الي كانوا هنا دول احنا هنربيهم
رعد بجدية: إحنا الي هنرعب العالم كله بقوتنا وهنبقي أبواب جحيم لأي حد يفكر يمس عليتنا بسوء....نظر الجميع لهم بصدمة من قوتهم وجديتهم في الحديث الا سلطانة كانت تنظر لهم بفخر وإبتسامة نصر تزين ثغرها فهي ترى صغارها أصبحوا رجال وهم في ذلك السن الصغير فما زرعته فيهم ينموا ويكبر يوم بعد يوم وهي سعيدة لذلك...
سلطانة بفخر: انتوا بس دلوقتي فعلا ولاد سلطانة....مش هنتكلم هنا لما نروح هنتكلم كلنا تمام....أومأ لها الأطفال وجاء الطبيب وفحص رعد وطلب منهم أن يظل أسبوع بالمستشفى تحت الملاحظة حتى لا يلتهب جرحه وتتدهور صحته...
*******************************
بعد مرور شهر كامل
تحسنت حالة رعد كثيرا وعاد الي القصر مرة أخرى هو وكل العائلة لم يخلي ذلك الشهر من مشاكسات سجا وسحاب وسامارا مع الجميع وخاصة سجا....مازالت ساندي لم تتحدث مع أسد الغاضب بشدة منها ومن تلك السلطانة التي تعاقبه ولكن بطريقتها الخاصة وهي البرود والتجاهل.......اما سلطانة لقد كبرت بطنها بشكل ملحوظ فهي حامل في الشهر الثالث وعلم الجميع انها حامل في توأم وأيهم في قمة سعادته بحملها ويهتم بها كثيرا...مازالت ضحى تلح على زين بأن يسافروا الي أي بلد بحيث يبتعدوا عن العائلة بسبب تلك المشاكل وهو يقابل محاولاتها بالرفض....أما نيزك فهو لا يعود إلى البيت الي قليلا ولا يتصل بنازلي ولا يهتم بطفلتيه ومازال باله مشغولة بتلك التي أتت له من حيث لا يعلم وطلبت منه طلب أو بالمعنى الصح هددته مقابل شئ ولكن ما هو لا نعلم.....اما الباقين فهم قضوا ذلك الشهر في حب وعشق ورومانسية ومشاكسات وجو عائلي رائع.....اما ماكس فمازال يخطط كيف يحصل على سلطانة ويقتل أولادها وزوجها ومازال يئذي ذلك الصغير أصيل وأمه ليلى وهم يعيشون في عذاب بسبب ذلك المريض المختل...
--------------------------------------------------
في إحدى الأيام صباحا
وتحديدا في غرفة رعد كان يجلس رعد على السرير وسلطانة تغير له جرحه وبجانبهم فهد وسفيان وسراج وحياة
حياة بتأثر: براحة يا سلطانة دي بتوجع أوي يا حرام متزعلش يا رعد
سلطانة بغيظ: ياختي براحة عليا انا لأفرقع
ضحك الجميع عليها وما لبث ان سمع الجميع صراخ أيهم فإنتفض الجميع أثر صراخه
أيهم بصراخ: سجاااااااا...هقتلك يا بنت سامارا....وغلاوة سلطانة عندي لأقتلك يا بوز الإخص
سلطانة بإستغراب: هي سجا عملت ايه فيه
فهد ببرود: تلاقي سجا عملت معاه الجلاشة
سلطانة ببرود: وحياة آمك
سراج بضحك: ههه شكل سجا روقته المرادي ههه
سلطانة بهدوء: عيب كده يا سراج......ثم نظرت لهم بحذير ونزلت الي أسفل ونظرت لهم فكان مدحت ممسك بأيهم يمنعه من الوصول إلى سجا التي تجلس أمامهم على الأريكة ببرود
أيهم بغضب: وغلاوة سلطانة عندي لأقتلك يا عملي الإسود دا انتي نحس يا بوز الإخص
سجا ببرود وهي تأكل فشار وكأنها تشاهد إحدى الأفلام: شوف مهما تقول قاعدة على قلبك
أيهم بغيظ: يا نحس يا بومة يا معفنة
سجا بشهقة ودلع: انا معفنة يا مدحتي
مدحت بتوهان: ها
أيهم بغيظ وقرف: مدحتي! يا عم ابعد جتك القرف انت ومراتك
سلطانة ببرود: في ايه
سجا بتصفيق حماسي: التلاجة حضرت....تجاهلتها سلطانة واتجه الي أيهم الذي إبتعد عنه مدحت وذهب وجلس بجانب سجا وأيهم ينظر لهم بغضب وغيظ
سلطانة بحنية: أيهم حبيبي في ايه بتزعق ليه
أيهم بغضب: عاجبك الي بومة دي بتعمله فيا
سلطانة بهدوء: عملت ايه المرادي
أيهم بغضب: أصحى من النوم وأدخل الحمام وببص في المراية ألاقي الهانم حاطه على شعري كيناكومب..ليه شعري عنده تسلخات يا روح أمك لا والبجحة كاتبة على وشي مع تحيات سجا السيوفي
سلطانة بإبتسامة: طب تعالي معايا
سجا ببرود: خديه وخليه ياخد دش ساقع عشان يهدي
أيهم بغيظ: وحياة أمك سامارا لأوريكي انتي والبغل الي جنبك.. قصدي مدحتي...قال جملته الأخيرة وهو يحرك كتفيه بدلع ثم جذب سلطانة من يدها وصعدوا الي غرفتهم...
مدحت بضحك: ههههه يخرب عقلك يا سجا انتي ايه مبتتهديش
سجا بضيق: الله مش هو الي قالي يا أم الرقاصة
مدحت بضحك: انتي نفسك معترفة ان بنتك رقاصة مضايقة ليه بقا وتعملي فيه كل ده كيناكومب يا مفترية
سجا ببرود: أهو كيفي كده
مدحت برفع حاجب: كيفك ايه احنا بنحشش إوعي....ثم تركها وذهب الي طفلتيه في الحديقة
سجا بعد خروجه: يا بني ان أضايق الناس دا مزاج عندي وخصوصا ضلفة الدولاب الي إسمه أيهم لما بشوفه متعصب برتاح نفسويا يا أبو جيلين هههه
*********************************
في غرفة أيهم وسلطانة
يقف أيهم وهو مغتاظ من تلك المتطفلة التي إقتحمت حياته مع حبيبته سلطانة ولا تجعله يفرح بها أبدا...
سلطانة بهدوء: ممكن تقعد وتهدي
أيهم بغيظ: متقوليش ليا إهدي انا نفسي أنزل أدشدش دماغها بنت سامارا
سلطانة بإبتسامة: طب عشان خاطري تعالي إقعد
تنهد أيهم وقال: انا عشان خاطرك أعمل أي حاجة...ثم ذهب لها وجلس بجانبها وحملها ووضعها على قدميه
أيهم بحب: مكانك دايما هنا في حضني
سلطانة بإبتسامة: أحلى حضن في الدنيا.....ثم إحتضنته بحب وهو أيضا إحتضنها ودفن وجه في رقبتها
أيهم بهمس: انتي هوسي...هوس الأيهم
سلطانة بحب: وانت حبيبي وتاج راسي...ربنا يديمك ليا ولأولادنا يا حبيبي...والقردتين الي جايين في الطريق
أيهم بإبتسامة: دول هيبقوا أميرات أيهم الدمنهوري...ثم تابع بضيق: بس مش عايزهم زي سامارا أو سجا لا انا الي هربيهم لو وصلت ان أخدكم وأسافر هعملها
سلطانة بضحك: ههههه لا مش هنوصل لكده وانا متأكدة إنهم هيبقوا ميكس غريب زي الولاد هههه
أيهم بضحك: اه من ولادك دول عايز أعلقهم واحد واحد وخصوصا الواد سراج الي مشفش دقيقتين تربية
سلطانة بضحك: هههه وجيلين هتسكت هههه
أيهم بغمزة: سيبك من الولاد والبومة وكل دول انتي وحشتيني أوي أوي
سلطانة بحب: وانت كمان وحشتني أوي...تعرف انا نفسي في ايه يا أيهم......
قبل أيهم يدها وقال بحب: سلطانتي نفسها في ايه
سلطانة بإبتسامة عاشقة: نفسي أروح انا وانتي الجزيرة بتاعتنا ونفضل فيها كتييييييير أوي لحد ما تزهق مني
أيهم بعشق: انا عمري ما أزهق منك أبدا في حد بيزهق من روحه
إحتضنته سلطانة بحب وعشق يزداد وتحول الي جنون وهوس وتملك شديد بينهم ويزداد مع مرور كل ثانية تمر عليهم وهم بجانب بعضهم......
************************************
في الأسفل تجمع الجميع على طاولة الطعام وكالعادة لم يأتي نيزك....نظرت نازلي لجميع الموجودين بحزن وبدون إرادتها غارت منهم فهي دائما وحيدة حتى بعد أن تزوجت لم تشعر بأي تغير في حياتها سوي بوجود طفلتيها التي تستطيع أن تفعل أي شئ حتى تراهم سعداء نظرت الي طفلتيها وجدتهم ينظرون الي جيلين وجيسكا وحور وحياة ومدحت وساران يطعموهم بحب أبوي خالص حزنت الفتاتين وأخفضوا رؤوسهم بحزن شديد
حزنت نازلي لحزن طفلتيها وأدمعت عينيها بحزن ووضعت يدها على قلبها تحاول أن تخمد تلك النيران المشتعلة في قلبها وتحطمه مسحت دموعها ولعلي تلك الدموع تشفي جراح الماضي ولكن ذلك الألم الموجود بقلبها يمزقه الي أشلاء ويجعلها ترغب في الموت في كل دقيقة تمر عليها.....
سجا بزهق: كل واحد محترم نفسه أقرف مين انا دلوقتي
جيلين بدلع: ايه يا مامي ما تسيبي الناس في حالها
سراج بغمزة: يسلمي الراسي...لك تؤبر قلبي
ضربته سجا على رقبته من الخلف وقالت: خف نحنحة يا روح أمك راعي الراجل الكُبرة الي قاعد جنبها يا عنيا
سراج بألم: في ايه يا سجا بس مركزة معايا ليه
سجا ببرود: فضي بعيد عنك.....هو أبوك وأمك فين
سراج بلامبالاة: تلاقي أيهم بيكشف نظر ولا حاجة
سجا بغيظ: غفلني وخدها من ورايا
مدحت بتحذير: سجا اتهدي وإياك تطلعي فوق انتي فاهمة
سجا بضيق: دا بيت محترم
مدحت بنفاذ صبر: هو شاقطها دي مراته اتهدي
أيهم ببرود: سيبها خليها محروقة كده يكش تولع وأرتاح
سجا بإستفزاز: أهلا يا جوز أختي....تجاهلها أيهم وجذب الكرسي لسلطانة لكي تجلس عليه ثم جلس بجانبها وأدهم يترأس الطاولة وعلي يساره سامارا وبجانبها الفتيات والأولاد جميعا وعلى يمينه سلطانة وبجانبها أيهم والشباب والفتيات
غمزت سلطانة لنيهان وعائشة وهم ابتسموا لها بسعادة وبرأءة وهي أيضا ابتسمت لهم بحب وحنية
أدهم بجدية: ألبرت عايزك تسافر إيطاليا تتابع الشغل هناك لإن في الفرع الي هناك شوية مشاكل
ألبرت بجدية: من غير ما تقول انا بلغتهم يجهزوا طيارة وهسافر كمان ساعة...
ضحي بجدية: بابا كنت عايزاك تنزل معايا الفرع الي هنا عشان فيه مشاكل
أدهم بإستغراب: مشاكل ايه دي
ضحى بهدوء: بقالنا شهور بنخسر صفقات ومدخلناش ولا مناقصة بقالنا أكتر من ٦ شهور
سلطانة ببرود: وحضرتك فين من كل ده
إيفان بجدية: من يوم ما انتي وسحاب سجا وسيلا وسولينا بطلتوا تنزلوا الشركات وشركات سمعتها بتسوء
سحاب بغضب: وليه محدش بلغنا من الأول
سجا بضيق: الخساير قد ايه
ضحى بتوتر: إحم الخساير معدية تلاتين مليون دولار
سيلا بغضب: وانتي جاية تبلغنا بعد ما خسرتيهم
سولينا بغضب: يعني ايه شركات بنات السيوفي تخسر مبلغ زي ده كنتي فين والشركة بتخسر سواء انتي أو أدهم وألبرت وإيفان كنتوا فين
ألبرت بجدية: سولينا انا وإيفان مسؤلين عن الشغل الي برا مصر وأدهم وضحى هم الي مسؤلين عن الشغل الي في مصر
سلطانة ببرود: خلصتوا ولا لسه.....نظر لها الجميع بإحراج وخجل
سلطانة ببرود: ضحى الإدارة هتتسحب منك وانسى انك تبقى مسؤلة عن أي شركة بعد كده
ضحى بغضب وصوت عالي: بس دي كانت غلطة ودي أزمة وهتعدي ومتنسيش ان دا ورثي من أبويا
سلطانة ببرود: دا عند أمك...أولا صوتك ميعلاش عليا ثانيا لو هنتكلم في ورثك من أبوكي فإنتي ملكيش حاجة ولا نسيتي ان أدهم سايب الشركات وهي مفلسة ثالثا أدهم انت كمان الإدارة هتتسحب منك انا في الشغل مفيش حاجة اسمها أبويا وأختي في مكسب وخسارة وانا عمري ما أقبل بالخسارة
أدهم بهدوء: حقك انا فعلا أهملت الشركة الفترة الي فاتت
سلطانة ببرود: ميخصنيش كل ده رابعا والأهم انا وسحاب وسجا وسيلا وسولينا هننزل ندير الشركات تاني ودا طبعا بعد إذن الرجالة
أيهم بإبتسامة: الي شيفاه صح إعمليه بس خلي بالك عشان انتي حامل
ساران بهدوء: انا معنديش مشكلة
مدحت بجدية: موافق بس الحراسة هتضاعف عليكوا ومفيش واحدة تقولي بتخنق منهم دول لحراستكم وانا هخترهم بنفسي من شركتي
أرسلان بجدية: موافق بس بيتك وولادك هم رقم واحد
سيف بتفكير: موافق انا اتجوزتها وعارف طبيعة شغلها
فرحت الفتيات لحديث أزواجهن وغضبت ضحى وجلست مكانها ولم تقدر على التحدث....ذهب كل شخص الي عمله وتركوا الأطفال مع سامارا ونازلي وساندي وضحى ومروة وملك....
ضحي بغضب: عجبك كده يا سامارا بقى تسحب مني الإدارة بالشكل ده
سامارا بهدوء: هقولك على حاجة سلطانة بنتي عندها الشغل رقم واحد في حياتها فكرة ان الي قعدت تبني فيه سنين ينهد قدام عينيها دي مضيقاها احمدي ربنا انتي لو كنتي بتكلمي سلطانة القديمة كان زمانك قابلتي وجه كريم
ضحى بضيق: عارفة اني فشلت بس مش لدرجة تسحب مني الإدارة
سامارا بجدية: يعني تسحب منك الإدارة ولا تسحب روحك
نظرت لها ضحى ولم تجاوب فهي تعلم جيدا ان ما تقوله سامارا صحيح فسلطانة عاشقة لعملها بشكل لا يصدق....
ملك بهدوء: بصراحة يا ضحى سلطانة عندها حق انتي كنتي بتقولي مش قادرة توفقي بين البيت والشركة هي كده خدمتك
مروة بجدية: وبغدين انتي أصلا مقدمة في الشركة على انك تبقى مهندسة هناك مش تمسكي الإدارة....تركتهم ضحي وخرجت الي الحديقة وهي غاضبة بشدة لم تعترف بخطئها وترى ان عقاب سلطانة لها أكبر من خطئها....
****************************************
في الشركة بنات السيوفي
تجلس سلطانة في مكتبها وأمامها مدارء الأقسام ينظرون لها بخوف ورعب فهي منذ ٦ سنوات لم يراها أحد ولم تنزل الي الشركات
سلطانة ببرود: عايزة تقارير مفصلة لكل قسم من سنة لغاية دلوقتي وكمان عايزة حسابات الشركة في أخر سنة والصفقات الي خسرناها.....اومأ لها المدراء بخوف وخرجوا من المكتب يسرعون في تنفيذ ما طلبته وبعد مرور ساعة جلب لها المدراء كل ما طلبت منهم وأخذت تراجع كل تلك الأوراق بدقة عالية ونفخت بضيق فعدد الصفقات التي خسروها كثيرة جدا
دلفت سيلا الي مكتبها
سيلا بجدية: سلطانة في إجتماع كمان نص ساعة مع رجل أعمال كان متعاقد معانا وشغله متمش
سلطانة ببرود: تمام اجمعيلي كل المعلومات عن رجل الأعمال ده
دلفت سولينا وسمعت سلطانة وقالت: حصل يا سلطانة وكل المعلومات جاهزة
سلطانة ببرود: قولي
سولينا بجدية: فتحي الشبكي رجل أعمال كبير في مصر متجوز وعنده ولدين الراجل دا بقا سكري وفلاتي وبتاع ستات ومتجوز على مراته تلاتة الراجل دا بقا هو الي بياخد الصفقات كلها لحسابه وبعد كده يوزعها على رجال أعمال تانين زي ما يكون قاصد منخدش ولا صفقة مش عارفة ليه بيعمل كده مع ان احنا دي أول مرة نتعامل معاه....دلفت سحاب وسجا الي مكتب سلطانة..
سحاب بجدية: الراجل ده خبيث ومش سهل
سجا بنرفزة: على نفسه وحياة أمه لو فتح بوقه لأنفخه
سلطانة ببرود: هشش اسكتوا شوية...الراجل دا تبع ماكس
سجا بتفكير: ماكس مين
سلطانة ببرود: الي خطفك قبل ما أخدك
سجا بغضب: ابن**** عرفته ابن المقشفة
سيلا وسولينا وسحاب: حد يفهمنا
سجا بغضب: دا واحد مريض بيحب سلطانة وسلطانة منفضاله
سيلا بجدية: انتي عرفتي منين ان هو تبع ماكس
سلطانة ببرود: نفس الأسلوب في الشغل فتحي الشبكي مش أكتر من مجرد أله بيحركها ماكس عشان يوصلي
سولينا بغضب: وطبعا كان سهل عليه يضرنا في الشغل عشان الي كانت بتدير الشغل مش منتبهة هي بتتعامل مع مين
سحاب بجدية: سلطانة هو دا الي مسئول عن الإنفجار الي حصل قدام القصر وهو كمان الي مسئول عن ضرب رعد بالنار
سلطانة ببرود: هو مفيش غيره الشغل القذر دا بتاعه
سجا بغضب: ايه الي فكروا بينا دا احنا بقالنا سنين منعرفش عنه حاجة دا انا نسيته
سلطانة ببرود: بس هو منسناش أبدا....سولينا عايزة كل المعلومات عن ماكس وأهمهم هو موجود فين دلوقتي
سولينا بجدية: ساعتين بالكتير وكل الي انتي عايزاه هيبقى على مكتبك.....اومأت لها سلطانة وشردت في ذلك الماكس الذي لن يتركها أبدا ولن تنتهي هذه اللعبة سوي بموت أحدهم هي لاتخاف من الموت هي خائفة على صغارها و...وحبيبها أيهم فهي اذا ظلت معهم سوف يموتون واذا تركتهم سوف يتعذبون ماذا تفعل فهي في موقف لا تحسد عليه لا تعرف ماذا تفعل ولأول مرة تقف سلطانة أمام معادلة ولا تستطيع حلها تعلم جيدا انها في كلتا الحالتين سوف تخسر وتلك الخسارة لن تكون هينة أبدا
أمسكت سلطانة هاتفها وابتعد عن الفتيات واتصلت على البيت فسمعت صوت صغيرها
سفيان ببرود: ألو
سلطانة بحنية: حبيب مامي
سفيان بإبتسامة: سلطانة حبيبتي انتي فين انتي وحشتيني حاسس ان القصر فاضي
أخذ سراج منه الهاتف وقال: القصر عامل زي الأوضة الضلمة الي مفيش فيها نور تعالي بقا يا نوري
أخذ فهد الهاتف وقال: سلطانتي هترجعي إمته أول مرة أحس اني وحيد
أخذ رعد الهاتف وقال: يا سلطانة العقل والروح أين انتي يا حبيبتي...وحشتيني موووووووت يا قلب قلبي
أدمعت عيني سلطانة من تلك الكلمات التي نزلت على مسامعها كالموسيقي العذبة وأطلقت تنهيدة حارة وكأنها تخرج ما بقلبها في تلك التنهيدة...
سلطانة بدموع: انتوا كمان وحشتوني أوي يا حبايبي
رعد بخوف: مامي ماله صوتك
سفيان بقلق: سلطانة انتي بتعيطي
سلطانة بدموع: لقد أدمعت العين من أجل ذلك القلب المشتاق وتلك الروح المعذبة من ألاعيب القدر
رعد بإبتسامة: هتنفسيني ولا ايه يا سلطانة
ضحكت سلطانة بخفوت وقالت: مين الي علمك الشعر يا واد
رعد بتأثر: قلبي يا سلطانتي
سلطانة بضحك: وحياة أمك
فهد بضحك: ههه يا عنيف انت
سراج بإبتسامة: متتأخريش يا سلطانة
سلطانة بحب: من عيوني مش هتأخر ماشي يا حبايبي
سفيان بإبتسامة: سلطانة خلي بالك من نفسك
سلطانة بإبتسامة: حاضر يا حبيبي....يلا باي
فهد وسفيان وسراج ورعد: باي سلطانتي
************************************
عند سلطانة
سحاب بجدية: يلا يا سلطانة عشان الإجتماع......مسحت سلطانة دموعها وقد عادت سلطانة الباردة مرة أخرى
سلطانة ببرود: تمام يلا
خرجت الفتيات من مكتب سلطانة بكبرياء وشموخ وذهبوا الي غرفة الإجتماعات إعجبوا الموظفين من كتلة الشموخ والكبرياء والجمال الممثلة في هؤلاء الخمسة دلفت سلطانة الي غرفة الإجتماعات وخلفها الفتيات ترأست سلطانة الطاولة وعلى يمينها الفتيات الأربعة والسكرتيرة الخاصة بها وعلى يسارها فتحي الشبكي الذي تفحصهم بوقاحة علمها الفتيات.....بعد أن جلست الفتيات نظروا ببرود الي فتحي الشبكي ولم يتحدثوا ابدا...نظر لهم فتحي بإستغراب وقرر هو كسر ذلك الصمت
فتحي بخبث: أهلا بالقمرات انا مكنتش أتوقع أن أقابل خمس شوكولاتات جلاكسي
سحاب بحدة: احترم نفسك واعرف انك في شركة محترمة مش مكان من الأماكن المشبوهة الي بروحها
فتحي بخبث: أحبك وانتي شرسة كده
سجا بغضب: شكلك كده ناقص تربية
فتحي بإستفزاز: دا انا متربتش أساسا
سيلا بجدية: طلباتك ايه أنجز
فتحي بخبث: المشروع الي طلبته هيتم أمته يا مزة
صدمت الفتيات من وقاحته ماعدا سلطانة التي كانت تتابع الموقف ببرود ودقة...
سولينا بغضب: إنت لو محترمتش نفسك انا هنادي الأمن يرموك برا انت فاهم..
فتحي بخبث وهو يضع قدم فوق الأخري: متنسيش الشرط الجزائي الي في العقد دول عشرة مليون دولار
سكتت الفتيات هذا شرط جزائي كبير سبوا ضحى في سرهم بسبب إهمالها وعدم تركيزها في تلك العقود
سلطانة ببرود: خلصت
فتحي بخبث: خلصت يا بنبوناية
سلطانة ببرود: طب برا
فتحي بإستغراب: انتي سمعتيني
سلطانة ببرود: اه سمعتك وبقولك برا
فتحي بغضب: انا هوريكم انا هخليكم تشحتوا
سلطانة ببرود: اسمعي يلا قول للمشغلك سلطانة السيوفي هتفضل وقفالك زي اللقمة في الزور
فتحي بتوتر: مين الي مشغلني
سلطانة ببرود واستفزاز: سيدك الي لحم كتافك من خيره ماكس
فتحي بتوتر: ماكس مين....وبعدين انا مش في ماكس انا هسجنكم بالشرط الجزائي
ضحكت سلطانة بقوة ثم تحدثت ببرود وقوة: متخلقش الي يقف في وش سلطانة السيوفي يا روح أمك وبالنسبة لقلة أدبك انا ربيتك بالورق الي مضيت عليه
فتحي بإستغراب: ورق ايه دا
سلطانة بخبث: الورق الي مضيت عليه أول ما دخلت هنا
فتحي بخوف وهو يبتلع ريقه بصعوبة: ورق ايه ده
سلطانة بخبث: دا ورق تنازل منك عن كل الصفقات الي ماضيتها وأخدتها مننا من ٦ شهور وكمان تنازل منك عن الشرط الجزائي الي في العقد وكمان عقد بيع وشراء منك ليا بالفيلا الي في الساحل أصل الجو حر والعيال عايزة تصيف...(وانا وربنا😂)
فتحي بصدمة وهو يكاد يصاب بجلطة: انتي ايه انتي إزاي كده
سلطانة ببرود: ملكش فيه يالا سمعنا جمال خطوتك يااااا بنبوناية.....ضحكت الفتيات عليه أما هو خرج من تلك الشركة وهو يشعر ببوادر شلل نصفي من تلك السلطانة التي لا يستهان بها أبدا...
عند سلطانة
سحاب بذهول: يا بنت الجنية عملتيها إزاي دي
سلطانة ببرود: عيب عليكي إحنا بنلعب ولا ايه
أطلقت سجا صفيرة عالية وقالت: تحية حايرة طايرة للمعلمة سلطانة وسمع هوووووووووووص ههههههه
سلطانة بضحك ومرح: ههههه الله يخليك يا أبو سامية ههههه
ضحكت الفتيات بمرح واحتضنوا سلطانة بحب وهم يضحكون بمرح بعد دقائق ابتعدت سلطانة عنهم
سلطانة بجدية: انا عندي مشوار مهم هروحه وانتوا تابعوا كل الشغل مفهوم
سيلا بمرح: مفهوم يا إمبراطورة....ثم أرسلت قبلة في الهواء لسلطانة فضحكت سلطانة وخرجت من غرفة الإجتماعات بل من الشركة بأكملها وذهبت إلى وجهتها
سولينا بضحك: بنت القرود دا شوية والراجل كان هيقلع هدومه يا عيني هههه
سحاب بضحك: دا كان هيتشل وهو واقف ههه
سجا بهدوء: أحسن يستاهل دا معفن يخربيت وقاحته
سيلا بإبتسامة: طب ايه
سولينا بإستغراب: ايه ايه
سيلا بمرح: نعمل حفلة شوي بكرة ايه رأيكوا
سجا بهدوء: موافقين طبعا بس سولينا لما تجيبي معلومات عن ماكس قوليلي
سولينا بإبتسامة: حاضر
******************************************
في فيلا ماكس
ماكس بغضب: ماذا تعني بحديثك هذا يا لعين
فتحي بخوف: لم أعرف كيف حدث ذلك
ماكس بغضب وزعيق: اصمت يا لعين لقد حطمت كل شئ أخطط له يا***** سو أريك عذاب الجحيم يا ملعون
فتحي لخوف: سيد ماكس لم أع..... أغلق ماكس الهاتف في وجهه وهو في قمة غضبه كيف إكتشفت سلطانة أن ذلك الغبي يعمل لحسابه فهو لم يتوقع ان تنزل سلطانة الشركات مرة أخرى
ماكس بغضب: ماذا أفعل في تلك الجنية التي تهدم كل شئ أفعله من أجل الحصول عليها لا أستطيع أذيتها وفي نفس الوقت لا أستطيع انا أتركها فهي لي ولن أتخلى عنها......جاءت تلك المسكينة ليلى ووجهها مشوه من كثرة الضرب التي تعرضت له على يد ذلك المجنون
ليلى بخوف: ماكس....التفت لها ماكس ونظر لها بغضب وإشمئزاز
ماكس بغضب: ماذا تريدين
ليلى بدموع: أرجوك أخرج أصيل من تلك الغرفة فهو يمكث بها منذ شهر أخرجه وانا لن أدعه يتحدث أبدا
ماكس بغضب: سليط اللسان ذلك لن يخرج من تلك الغرفة أبدا
ليلى ببكاء: أرجوك ماكس سوف يموت...أخرجه من أجل تلك التي تعشقها أرجوك أخرجه
ماكس بإبتسامة مجنونة: هي غالية عندي للغاية لذلك أخرجيه هذا المفتاح.....ألقي المفتاح في وجهها وتركها وصعد الي غرفته أما هي فذهبت فإلتقطت المفتاح بسرعة وركضت الي تلك الغرفة وفتحتها ووجدت ما مزق قلبها فصغيرها يجلس في أحد أركان الغرفة ويضم قدميه الي صدره بخوف وثيابه مبللة
ليلى ببكاء: أصيل صغيري
أصيل بخوف: أمي لقد لقد إبتلت ثيابي لم أجد حماما بهذه الغرفة أمي أنا أشعر بالبرد يأكل عظامي
ركضت له ليلى وإحتضنته بقوة وهي تبكي على حالها وحال صغيرها من ذلك معدوم الإحساس حملته ليلى وأخذته الي غرفتها وحممته وأبدلت ثيابه بملابس نظيفة وأطعمته وظلت بجانبه حتى نام بعمق وهو ممسك بها بقوة وكأنها سوف تهرب منه تسطحت بجانبه وإحتضنته بحب وهي تبكي ماذا تفعل فصغيرها سوف يكبر وهو مدمر نفسيا بسبب ذلك المختل ماذا تفعل فهي قليلة الحيلة
ليلى ببكاء: يا رحيم إرحم عبدتك وذلك الصغير يا الله إبعدني انا وصغيري عن ذلك المريض....وأخذت تردد دعائها وتبكي بعنف حتى تعبت وذهبت في سبات عميق....اما ذلك المجنون يجلس في غرفته يفكر كيف يحصل على تلك السلطانة ويبعد بها عن العالم أجمعه......
**********************************************
عند سلطانة في السيارة
رن هاتفها فإلتقطته ونظرت الي الشاشة وابتسمت بحب فهو حبيبها أيهم
أيهم بحب: إحم...القمر معايا
سلطانة بضحك: هههه لا سلطانة الي معاك تنفع
أيهم بخبث: تنفع جدا يا قلبي
سلطانة بإبتسامة: الولاد أكيد كلموك
أيهم بإبتسامة: اه كلموني وقالولي سلطانة كانت بتعيط صغيرتي مالها
سلطانة بتنهيدة: تعبت من كل حاجة كل المشاكل الي إحنا فيها دي بسببي
أيهم بإبتسامة: تؤتؤ...مش بسببك ذمبك ايه يا روحي هو الي مريض نفسي وعايز يتعالج
سلطانة بحب: أيهم
أيهم بحب: عيونه
سلطانة بعشق: إوعدني انك عمرك ما هتتخلي عني أبدا وهتفضل جنبي
أيهم بإبتسامة: عمري ما أتخلى عنك أبدا انتي هوسي
سلطانة بحب: وانتي جنون عشقي يا أيهم
أيهم بخبث: انا بقول أنفض لسيادة اللوا وأجي أخدك ونطلع على الجزيرة وهناك هقولك انا بحبك قد ايه
سلطانة بضحك: هههه مجنون يا أيهم وتعملها ههه
أيهم بحب: معنديش أغلى منك
سلطانة بحب: ولا انا عندي غيرك
أيهم بجدية: طب انتي فين دلوقتي في الشركة
سلطانة بهدوء: لا انا في مشوار كده
أيهم بإستغراب: مشوار ايه ده
سلطانة بهدوء: لما أرجع هحكيلك تمام
أيهم بتنهيدة: لو قعدت أسأل من هنا للصبح مش هطلع منك بمعلومة واحدة ماشي استنى اما ترجعي
سلطانة بإبتسامة: بحبك...باي يا عشقي
أيهم بإبتسامة: وانا كمان بحبك....باي هوسي
(ياااااااه على الفراغ العاطفي.....ممنوع لأصحاب القلوب الضعيفة 😂😂)
أغلقت سلطانة الهاتف مع أيهم وتوقف السيارة أمام شركة العامري جروب نزلت سلطانة من السيارة ودخلت الشركة بكل كبرياء واستقلت المصعد والصدفة كان بجانبها حسام
حسام بخبث: دا الشركة نورت
سلطانة ببرود: بوجودي اه بوجودك أشك
حسام بخبث: نورك يكفي يا قمر......تجاهلته سلطانة وضغطت على رقم الدور الذي ستصعد له وتحرك المصعد
حسام بخبث: سلطانة تعرفي انك حلوة أوي
سلطانة ببرود: المرة الي فاتت أيهم رماك من البلكونة المرادي انا الي هرميك من الدور ال٣٦ انت فاهم يا روح خالتك
حسام بسخرية: أيهم ايه دا الي انت متجوزاه دا ولا يملي عين أي واحدة
سلطانة ببرود: فعلا عشان كده انا اتجوزته لإن انا مش أي واحدة
حسام بجدية: سلطانة انا بحبك
سلطانة ببرود: طب ما انا كمان بحبني....ثم توقف المصعد وخرجت سلطانة منه بكل كبرياء اما حسام إغتاظ كثيرا من فعلتها تلك وذهب الي مكتب ساران
ذهبت سلطانة الي مكتب نيزك وطلبت من السكرتيرة ان تقابل نيزك وبالفعل أدخلتها السكرتيرة مكتب نيزك الذي تفاجئ نيزك بوجودها في شركته
سلطانة ببرود: إنت فين مختفي ليه
نيزك بهدوء: الشغل كتير
سلطانة ببرود: انا هتكلم معاك كأخت اسمع يا نيزك انا عارفة انت بعيد ليه عشان شوية صور هبلة بعتها المتخلف معتز
نيزك بجدية: سلطانة انتي متعرفيش حاجة
سلطانة بحدة: لا عارفة...عارفة انك واحد أهبل وهما ضحكوا عليك عشان شايفينك بريالة
نيزك بحدة: سلطانة انتي عارفة ان انا راجل
سلطانة ببرود: وانت لو راجل تصدق واحد متخلف زي ده
نيزك بعصبية: انا مصدقتوش غير لما وراني الصور
سلطانة ببرود: عادي انا ممكن أفبرك شوية صور ليك وابعتها لنازلي عادي جدا
نيزك بغضب: انتي عارفة ان انا بعدت عن كل حاجة غلط من يوم ما اتجوزتها صح
سلطانة بحدة: طب ما هي كمان اتغيرت عشانك وحبتك وخلفت منك واهتمت ببناتها صح ولا غلط
نيزك بغضب: طب ما انا كمان حبيتها وفي نار قايدة جوا قلبي انا حاسس اني هولع من كتر الغيرة كل ما أفتكر الصور أولع وابقى عايز أقتلها
سلطانة ببرود: أكدلك ان نازلي معملتش حاجة من الي انت شوفتها في الصور دي روح لأي فوتوغرافر واتأكد ان مراتك محدش عمل معاها حاجة غلط افهم يا نيزك ومتضيعش نفسك وبيتك وبناتك ومراتك الي انت بتقول ان انت بتحبها
نيزك بدموع: انا تعبان يا سلطانة تعبان وقلبي وجعني عايز ابقى معاها وقريب منها بس بفتكر الصور فببعد عشان مش أزعلها
سلطانة ببرود: نيزك راجع نفسك ومتسمعش لأي واحد من الأربعة دول.....معتز بيغير منك وعايز ياخد منك نازلي إفهم يا نيزك دي حبيبتك.....اومأ لها نيزك وهي تركته وخرجت وذهبت إلى مكتب أسد ودلفت دون انا تخبط علي الباب
رفع أسد نظره بغضب ولكنه هدأ عندما رأها
أسد بضيق: هو الباب ده معمول ليه
سلطانة ببرود: مزعل ساندي ليه يا ولا
أسد بضيق: حاجة بيني وبين مراتي
سلطانة بسخرية: لا يا واد بجد صدقتك انا كده
أسد بغضب: انا مشغول دايما وهي مش مقدرة كده وكل يوم نكد وانا اتخنقت من كل ده
سلطانة ببرود: إنت ليه محسسني ان انت الوحيد الي ماسك الشركات يا أسد انا عارفة ان انت بتحب شغلك زيادة بس مش معنى كده ان انت تهمل بيتك وولادك
أسد بعند: وانا عمري ما أهملت شغلي عشان خاطر حد
سلطانة ببرود: إنت بتشتغل ليه يا أسد
أسد بهدوء: عشان خاطر ساندي والولاد وأوفر ليهم عيشة وكويسة
سلطانة ببرود: تفيد بإيه الفلوس وانت بعيد عنهم يا أسد....أسد ساندي والولاد محتاجينك جنبهم إهتم بيهم وحسسهم بوجودك يا أسد فهمت.....نظر لها أسد وهو يفكر في حديثها فهي محقة تمام...تركته سلطانة وخرجت من الشركة وذهبت إلى الشركة مرة أخرى...
********************************
في مقر المخابرات
وتحديدا في مكتب اللواء محسن
دق أيهم الباب وفتحه ودلف الي مكتب اللواء
أيهم بجدية: طلبتني يا فندم...
نظر له اللوا محسن وتحدث بجدية: أيهم في مهمة جديدة عايزك فيها وانت مطلوب فيها من الوزير شخصيا
أيهم بجدية: تحت أمرك يا فندم
اللوا محسن بجدية: في رجل أعمال عالمي راجل فاسد وشغال في كل حاجة شمال
أيهم بجدية: تمام يا فندم حضرتكم عارفين كده ليه مقبضتوش عليه واحنا نتعامل
اللوا محسن بجدية: عشان مفيش أدلة ضده محتاجين الورق الي يثبت الكلام الي انا بقوله
أيهم بإبتسامة: واحنا محتاجين أدلة بردو يا فندم احنا نجيبه هنا ونروقه وهو هيعترف على كل حاجة
اللوا محسن بإبتسامة: لا يا أيهم احنا مش كده وبعدين دا رجل أعمال عالمي وكمان معاه الجنسية الروسية منقدرش نعمله حاجة
أيهم بجدية: اسمه ايه يا فندم
اللوا محسن بجدية: اسمه...ماكسين كاسبر وشهير بماكس
أيهم لنفسه: الله يحرقه
اللوا محسن بجدية: اه صحيح انت مش هتعمل المهمة دي لوحدك في واحدة هتبقى معاك في المهمة دي وكمان هي عنصر أساسي
أيهم بسخرية: وانا ايه في دكة الإحتياطي
اللوا محسن بحدة: أيهم دا شغل مش هزار
أيهم بجدية: مين الي هتبقى معايا
اللوا محسن بجدية: سيدة أعمال اسمها....سلطانة السيوفي
أيهم بغضب: نااااااااااعم....
************************************
في المساء في قصر سلطانة
حكت سجا كل ماحدث للعائلة وأعجب أدهم بذكاء طفلته وأيضا سامارا وشعرت ضحى بالحرج فهي من وضعتهم في ذلك المأزق دلفت سلطانة الي القصر ونظرت لهم بإبتسامة فركض إليها الأطفال جميعا وإحتضنوها بحب
جيسيكا بهمس: وووحششتيني
سلطانة بهمس: انتي أكتر...ثم قبلت رأسها بحب وسلمت على أولادها وعلى الجميع وصعدت إلى غرفتها وتحممت وارتدت ملابس مريحة ونامت بعمق بعد ثلاث ساعات شعرت بأيهم يجلس بجانبها ويمرر يده على وجهها فتحت عينيها ونظرت له بحب خالص وجلس نصف جلسة وإحتضنته بحب وقابلته من خده اما هو فكان ينظر لها نظرات غريبة
سلطانة بإستغراب: مالك يا أيهم في حاجة
أيهم بهدوء: سلطانة
سلطانة بحنية: ايه يا حبيبي
أيهم بجدية: انتي طالق
******************************
في فيلا ماكس
وتحديدا في غرفته كان ماكس نائم بعمق فشعر بأحد يخبط بيده على كتف ماكس ففتح عينيه ونظر لتلك التي تقف أمامه بشموخ
ماكس بصدمة: سلطانة
.........: لا سجا أنفع يا روح أمك
******************************
صلوا علي الحبيب المصطفى صلى الله عليه وسلم ❤️ 😊