(هوس الأيهم) بنات السيوفي الجزء الثاني

الخاتمة الجزء الثالث ❤️

بقلم مريم الشناوي
صلوا على النبي محمد صلى الله عليه وسلم ❤️☺️

*****************

في صباح اليوم التالي

في غرفة فهد وجيسيكا

كان فهد ينام بعمق علي الفراش وتنام فوقه سلطانة وأيهم بعمق أيضا خرجت جيسيكا من المرحاض وهي تجفف شعرها البرتقالي الطويل نظرت لهم جيسيكا وضحكت بخفوت علي شكلهم الأكثر من رائع

اتجهت جيسيكا الي المرآة وصففت شعرها الغزير وما أن انتهت اتجهت إلي الفراش لكي توقظ الثلاثة
جيسيكا بحنان: فهد إصحي يا روحي هتتأخر علي الشركة

كانت تتحدث وهي تربت علي يد فهد الموضوعة علي خصر أيهم الصغير يحتضنه بها فتح فهد عينيه بعد محاولات جيسيكا الكثيرة في إيقاظه

فهد بنعاس: صباح الورد يا أحلي جيسي

جيسيكا بحنان وإبتسامة: صباح العسل قوم يلا يا روحي هتتأخر وصحي القرود دول عشان ينزلوا يفطروا معانا

أيهم الصغير بنعاس دون أن يفتح عينيه: احنا مش قرود يا جيسيكا عيب دا احنا زي ولادك بردك

جيسيكا بإبتسامة: طيب يا لمض أفندي قوم من علي بابا خليه يقوم

فتح أيهم الصغير عينيه بضيق فظهرت سودواتيه التي تشبه عينين جدته سلطانة وبشدة قام أيهم من علي والده فهد ونام علي الفراش بملل

فهد بغيظ: دلوقتي عرفت ليه أيهم كان بيضايق لما حد فينا يروح ينام مع سلطانة في الجناح بتاعهم والله حقه انت يا زفت مش بتاخد أختك وتروحوا تناموا في أوضتكم ليه ايه الرخامة دي

استيقظت سلطانة الصغيرة علي صوت والدها العالي ففركت عينيها بنعاس وجلست علي بطن فهد وربعت قدميها ونظرت له بملل

سلطانة بملل: في ايه بتزعق ليه يا فهد علي الصبح

فهد بغيظ: أبدا يا عنيا في قردين محتلين أوضتي ومش عارف أخد راحتي

سلطانة بهدوء: تاخد راحتك ايه أكتر من كده وبعدين خلاص متزعلش هخلي سجا تطلع الإتنين برا

دفعها فهد بغضب فسقطت علي شقيقها أيهم وقام هو من علي الفراش بضيق وجيسيكا تحاول كبت ضحكاتها
فهد بغضب: هتشل يا عاااااااالم

أيهم بغضب: اااااه ايه ضهري يا جدعان مش لعبة
أنهي حديثه وأبعد سلطانة عنه ونظر لفهد بضيق وقال: دا هزار دا يا جدع مبراحة

فهد بصدمة: جدع! في طفل يقول لأبوه يا جدع

أيهم ببساطة: أيوة في انا أهو

ركضت جيسيكا الي فهد وأمسكته قبل أن ينقض علي ذلك الصغير المستفز
جيسيكا بخوف: عشان خاطري إهدي طفل مستفز عادي يا حبيبي بتحصل إهدي عشان خاطري