(هوس الأيهم) بنات السيوفي الجزء الثاني

الخاتمة الجزء الأول💔

بقلم مريم الشناوي ✨
صلوا على النبي محمد صلى الله عليه وسلم 🌚❤️
****************
الخاتمة 💔
في قسم الشرطة

يقف فهد في منتصف غرفة الضابط وينظر أمامه ببرود شديد وكأنه لم يحدث أي شئ ويجلس علي الكرسي خلف المكتب ضابط الشرطة الذي ينظر له بضيق وغضب
الضابط بضيق: ما تنطق يا بني أدم واعترف بقا وتخلصنا مش دا سلاحك ودا الطلق الي انت بتستخدمه وهما نفس السلاح والطلق إلي لاقيناه جنب الجثة القضية دي لبساك لبساك فتعالي معايا وبلاش السكة دي وإخلص وإعترف

كان كما هو لم يتحرك أنش واحد فقط ينظر لذلك الضابط ببرود شديد يكاد يصيب ذلك الضابط بسكتة قلبية
قبل أن يتفوه الضابط بأي كلمة أخري دلف إلي المكتب أيهم وخلفه نيزك ومدحت وساران وأرسلان وسيف وألبرت وإيفان وزين وأسد وخلفهم المحامي اتجه الرجال إلي فهد ووقفوا بجانبه أما المحامي اتجه إلي الضابط الغاضب

المحامي بهدوء: انا المحامي الحاضر مع فهد بيه الدمنهوري

الضابط بغضب: ايه الهمجية إلي انتوا فيها دي إطلعوا برا

نظروا له الرجال ببرود شديد وكأنه لا يقول أي شئ
أيهم ببرود: انا العميد أيهم الدمنهوري عميد في المخابرات المصرية ودا إبني فهد أيهم الدمنهوري ممكن أفهم انت قابض علي ابني ليه

نظر له الضابط بخوف شديد فأيهم ليس بالرتبة الهينة فهو عميد وأيضا في المخابرات المصرية أي أن نفوذه وسلطاته كافية بجعل ذلك الضابط لا يعمل كضابط مرة أخري.... هب الضابط واقفا من علي مقعده ورحب ترحيب حااار بالعميد أيهم الدمنهوري الذي قابل ترحيبه بإبتسامة باردة مجاملة ليست أكثر من ذلك

الضابط بخوف وترحيب: اتفضل اتفضل يا أيهم باشا انت واقف ليه

اتجه أيهم إلي أحد المقاعد وجلس ببرود ووضع ساق فوق الأخري بغرور وكبرياء لا يليق سوي به
الضابط بترحيب: تشرب ايه يا باشا

أيهم ببرود: انا مش جاي أضايف يا حضرة الضابط انا جاي هنا عشان أعرف انت معتقل إبني ليه

الضابط بجدية: ابن حضرتك يا باشا متهم في قضية قتل وكل الأدلة ضده

زين بضيق: أدلة ايه الي ضده دا مخرجش من القصر

الضابط بجدية: لقينا السلاح الخاص بالمتهم بجنب الجثة وعليه بصمات الأستاذ دا غير رسايل التهديد إلي فهد بيه كان بيبعتها للمجني عليها ومعظمهم رسايل صوتية والصوت إلي في الرسايل دي هو نفس صوت أستاذ فهد

نظر الجميع لبعضهم بحيرة فحقا تلك القضية ليست بالهينة فمع وجود الأدلة الجنائية التي تثبت التهمة علي فهد أصبح موقوفه أكثر صعوبة

الضابط بجدية: فهد باشا هيتحول علي النيابة بكرة الصبح ومن هنا للبكرة انا هخليه في مكتبي بس في حاجة كنت عايز أقول لحضرتك عليها يا أيهم بيه