[Unicode]
အမြန်ပုန်းလိုက်နှင့် ကိုယ်တိုက်ဆပ်ပြာကြော်ငြာ
"ကိုယ့်ကို အခွင့်အရေးလေး ပေးနိုင်မလား?"အိုးရန်လုံရဲ့ အသံက အရမ်းကို နူးညံ့နေသည်။
"........"
သူလိုလားတာပေါ့!ဒါပေမယ့်တစ်ဖက်လူက တခြားတစ်ယောက်နဲ့ တနေ့လုံး ချစ်ကြည်နူးတစ်တီတူးနေတာမဟုတ်ဘူးလား! အခု ညကြီးမိုးချုပ် အချိန်ရောက်တော့ သူ့ရဲ့အိပ်ယာပေါ်မှာ ရုတ်တရက်ကြီး လှဲချလိုက်တယ်!ဒါက အဓိပ္ပါယ်မရှိဘူးလေ!
ဆုနိုရဲ့ နှလုံးသားလေးက ရှုပ်ထွေးနေပြီး ကျိုးကြောင်းတွေးနိုင်ဖို့ကလည်း ပျောက်ဆုံးနေ၏။
"ကိုယ် မင်းကို ကောင်းကောင်းဆက်ဆံပေးမှာပါ "
အိုးရန်လုံရဲ့စကားများက အရမ်းကို ထိစရာပါပဲ။
တော်တော်ကြာတဲ့ အချိန်ကျမှ, ဆုနို မေးလိုက်သည်။
"ကျွန်တော့်ကို တကယ်ကြိုက်တာလား?"
"အင်း "အိုးရန်လုံ သူ့ကို တင်းတင်းကျပ်ကျပ်လေး ပွေ့ဖက်လိုက်သည်။
"ကျွန်တော်တစ်ယောက်တည်းကိုပဲ ကြိုက်တာလား?" ဆုနို အမြော်အမြင်ကြီးစွာဖြင့် မေးလိုက်၏။
သူ နောက်ပိုင်းမှာ သဝန်တိုနေရတဲ့ ဇနီးလေးမဖြစ်ချင်ဘူး !
"အင်း" အိုးရန်လုံ သူ့လည်ပင်းလေးကို နမ်းလိုက်သည်။ နည်းနည်းလေးတော့ ထိတ်လန့်စရာကောင်းတဲ့ ခံစားချက်ဆိုပေမယ့်လည်း ခံစားလို့ ကောင်းနေတယ်။ ဒါပေမယ့် သူ့ရဲ့ မေးခွန်းတွေကို အကုန်မဖြေရသေးတဲ့အတွက် သူ့ကို ရပ်ခိုင်းရမယ်!
ဆုနို စိတ်ထဲမှာ လက်သီးကိုကျစ်ကျစ်ပါအောင် ဆုပ်လိုက်ပြီး အားလေးနည်းနည်းသုံးကာ တစ်ဖက်လူကို တွန်းလိုက်သည်။ " ကျွန်တော်ကို ဘယ်အချိန်ကတည်းက စကြိုက်တာလဲ?"
လွန်ခဲ့တဲ့သုံးနာရီလောက်ကလို့တော့ မပြောနဲ့နော်!တကယ်လို့ လွန်ခဲ့တဲ့သုံးနာရီလောက်ကသာ သူ့ကို စကြိုက်ခဲ့တယ်ဆိုရင် သူက ထန်ရှောင်းယွီရဲ့ ငြင်းပယ်တာကို ခံလိုက်ရလို့ သူ့ကို အစားထိုးဖို့လာရှာတာပဲ ဖြစ်ရမယ်!
အဲ့လိုသာ ဖြစ်လာရင် သူကို ဆွဲရိုက်ပစ်မယ်!သူက တစ်ဖက်လူကို လက်တွေ့ကျကျမတိုက်နိုင်ဘူးဆိုရင်တောင် သူ့ရဲ့မျက်လုံးကိုတော့ နှိပ်စက်ပစ်လိုက်လို့ရသေးတယ်!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
