[Unicode]
အခန်း(၇၈):စာပေပညာရှင် လူငယ်လေး နှင့် အရမ်း သတ္တိရှိတာပဲ
ဆေးရုံခန်းထဲမှာတော့ ကျုံးလီဖုန်းပိုင်သည် ကုတင်ပေါ်မှာ မှီထိုင်နေပြီး မုချိုးအတွက် သူ့ ဖုန်းထဲကနေ သတင်းတွေကို ဖတ်ပေးနေသည်။ ပုံစံလေးက အရမ်းထိမိစရာပဲ!အိုကေ!
"မင်း ကိုယ်နဲ့အတူတစ်ချိန်လုံး ရှိနေဖို့မလိုပါဘူး။
ကိုယ် နာစ်ရှိတာနဲ့ အဆင်ပြေပါတယ်" မုချိုးသည် သူ့လက်ကို ဆုပ်ကိုင်ထားသည်။
"ခင်ဗျားက ကျွန်တော် ဂရုစိုက်ပေးတာကို မလိုချင်တာလား!?" ကျုံးလီဖုန်းပိုင်သည် အနည်းငယ် ဒေါသထွက်သွားသည်။
ကျွန်တော်ကို ခင်ဗျားနဲ့!
စကားများရန်ဖြစ်ရအောင်!
မလုပ်နဲ့!
“ဘယ်ဟုတ်ပါ့မလဲ?” မုချိုးသည် ငိုရခက်ရယ်ရခက်ဖြင့် “ကိုယ်က မင်းရဲ့အလုပ် နှောင့်နှေးသွားမှာကို စိုးရိမ်လို့ပါ”
"ကျွန်တော် အလုပ်လုံးဝမလုပ်ချင်ဘူး!" ကျုံးလီဖုန်းပိုင်သည် လုံးဝအသေချာပင်။
“.....ဟုတ်ပါပြီ” မုချိုးသည် ကျုံးလီဖုန်းပိုင်၏မျက်နှာကို ဖျစ်ညှစ်ချင်သော်လည်း ရှင်းရှင်းလင်းလင်း မမြင်ရသောကြောင့် ဝမ်းနည်းကြေကွဲစရာကောင်းစွာ မျက်လုံးကို သွားထိုးမိခဲ့သည်။
“အာ့!” ဒါရိုက်တာကျုံး အော်ဟစ်လိုက်မိသည်။ဘာလို့လဲဆိုတော့ စာပေနှင့် အနုပညာရှင်လူငယ်လေးတွေက အထူးနူးညံ့ သိမ်မွေ့သောကြောင့်ပင်။
"မင်း အဆင်ပြေရဲ့လား?" မုချိုး ထိတ်လန့်သွားသည်။
"ရပါတယ်!" ကျုံးလီဖုန်းပိုင်သည် မုချိုး၏လက်ကိုဆွဲကိုင်လိုက်ပြီး သူ့မျက်နှာပေါ်သို့ ဖြန်းခနဲ့ရိုက်တင်ပေးလိုက်သည်။
မုချိုး: "……"
"အသီးစားမလား?" ကျုံးလီဖုန်းပိုင် မေးလိုက်သည်။
မုချိုး ခေါင်းခါလိုက်ပြီး သူ့လက်မသည် ကျုံးလီဖုန်းပိုင်၏မျက်နှာကို ညင်သာစွာ ပွတ်သပ်လိုက်၏။ သူ့အမူအရာက အရမ်းနူးညံ့လွန်းတာပဲ!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
