[Unicode]
အခန်း(၉၃):ရှိန်လောက်သည့် Talent နှင့် ဆုံးရှုံးလိုက်ရသည့် ညလယ်စာ
"ငါ့အစ်ကိုကြီး လိမ်လည်တယ်ဆိုတဲ့ အထောက်အထားရှိလို့လား?"
ထိပ်ပြောင်လူသည် သူ့အကျီလက်ကို သူကိုယ်တိုင်မတင်ကာ ခန္ဓာကိုယ်ကို စစ်ဆေးရန် ထန်ရှောင်းယွီကို တိုက်တွန်းနေစဉ် တစ်ဖက်လူတွေက ဟားတိုက်ရယ်မောနေကြသည်။
လျှပ်စီးလိုအလျင်နှင့်အတူ ထန်ရှောင်းယွီသည် ထိုလူ၏အင်္ကျီကို ကော်လံမှတစ်ဆင့် ဖွင့်ဟလိုက်ရာ ကြမ်းပြင်ပေါ်သို့ ကြယ်သီးများ ပြန့်ကျဲသွားခဲ့သည်။
ဆုနိုသည် စူးရှစွာ ရှိုက်လိုက်မိသည်။အင်္ကျီတွေကို တစ်စစီ ဖြဲလိုက်တာ အရမ်းပြင်းထန်တာပဲ!
ထန်ရှောင်းယွီသည် သူ့အင်္ကျီအောက်မှ ဖဲချပ်တစ်ကတ်ကို ထုတ်ယူလိုက်ပြီး စားပွဲပေါ် ပစ်ချလိုက်သည်။
"မဆိုးပါဘူး။" ထိုလူက ပြုံးပြလိုက်ပြီး သူ့ဒေါသကလည်း ပြေသွားသည်။ “မထူးဆန်းပါဘူး။အစ်ကိုကြီးဟန်က ဒီလူငယ်နှစ်ယောက်ကို ဘာလို့ခေါ်လာတာလဲလို့ ငါ သိချင်နေတာ"
“ဆက်ရအောင်။” ထန်ရှောင်းယွီသည် ကတ်များဝေငှရန် ကတ်ဝေသူအား အချက်ပြပြီး သူ့ထိုင်ခုံသို့ ပြန်သွားခဲ့သည်။
သူ ကြောက်ရွံ့မှု တစ်စုံတစ်ရာတောင်မပြသွားဘူး! အရမ်းမိုက်တယ်!
ဆုရှောင်းနိုသည် ထန်ရှောင်းယွီကို စိတ်ထဲကနေ ချီးကျူးလိုက်၏။ ငါလည်း ဒီလိုဖြစ်ဖို့ သင်ယူသင့်တယ်!
"ဒီကတ်က သူ့ခါးကို ဘယ်လိုရောက်သွားလဲ မင်းမြင်လိုက်လား?" လော့လီသည် ခေါင်းကို ငုံ့ပြီး တိုးတိုးလေးပြောလိုက်သည်။
အမှန်အတိုင်းပြောရရင် ဆုနိုသည် ဒါကို လုံးဝသတိမထားမိပေ။ဒါပေမယ့် ဖုံးကွယ်ထားရမယ်! သူက အေးစက်စက်ဖြင့် ကိုယ်သိကိုယ်တတ်ကြောင်း အခိုင်အမာ ပြုံးကာ ပြောလိုက်သည်။
"ဒါပေါ့!”
ငါယုံကြည်မှုရှိရမယ်။ပြောရရင် ငါက ဂန်းစတားပဲ!
"ဆိုးလိုက်တာ။ ကိုယ် သတိမထားမိလိုက်ဘူး။အဲဒီအချိန်တုန်းက သူ ဒီလိုမျိုးလုပ်လိုက်တယ်ဆိုတာကို ဘာလို့ တိုးတိုးလေးကပ်မပြောတာလဲ?" လော့လီသည် သူ့အနားသို့ တိုးကပ်လာသည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
