[Unicode]
အခန်း(၉၄):လောင်းကစား စားပွဲထက်က Mischief နှင့် တိုက်ဆိုင်မှုများ
နေ့ရက်တွေက တဖျပ်ဖျပ် ဖြတ်ကျော်လာပြီး နောက်ဆုံးတော့ ကာစီနိုကစားရမယ့်နေ့ရက်ကို ရောက်လာခဲ့ပါပြီ.......။
"မင်းကို အိမ်ပြန်လိုက်ပို့ပေးဖို့ တကယ်မလိုဘူးလား?" ချိုးကျီယန်သည် အိပ်ခန်းတံခါးဝတွင် ရပ်ကာ ထန်ရှောင်းယွီတစ်ယောက် အထုပ်တွေထုပ်နေသည်ကို ကြည့်နေသည်။
"အဆင်ပြေတယ်။ကျွန်တော် ရထားနဲ့ပဲစီးသွားလိုက်မယ်။မနက်ဖြန် အကိုကျီရန်ရဲ့ပွဲအတွက် အာရုံမစိုက်နေမှာကိုပဲ စိတ်ပူမိတယ်" ထန်ရှောင်းယွီသည် သူ့ခရီးဆောင်အိတ်ကို ဇစ်တပ်ပြီးနောက် မတ်တပ်ထရပ်လိုက်သည်။ "ဒါက သိပ်မဝေးပါဘူး။ကျွန်တော် နှစ်ရက်နေရင်ပြန်လာခဲ့မယ်။"
"ကောင်းပါပြီ၊မင်းသဘောပါပဲ" ချိုးကျီယန်သည် သူ့ရှေ့ရောက်လာပြီး သူ့ကို ပွေ့ဖက်လိုက်သည်။ "မင်းအဘိုးရှေ့မှာ ကိုယ့်ရဲ့ကောင်းသတင်းတွေကို ပြောပေးရမယ်နော်"
ထန်ရှောင်းယွီသည် ချိုးကျီယန်၏နှာခေါင်းကို အသာအယာဖိညစ်လိုက်ပြီး မပြုံးနိုင်ဘဲမနေနိုင်ပေ။
"မင်း ရေချိုးတော့မှာမလား?" ချိုးကျီယန်က သူ့ကို ကောက်ပွေ့လိုက်သည်။
"မချိုးဘူး!" ထန်ရှောင်းယွီသည် အငြင်းစကားလုံးဖြင့် ပြတ်ပြတ်သားသား ပြောလိုက်သည်။အတူတူရေချိုးလိုက်ရင် ဘာဖြစ်သွားမယ်ဆိုတာ ဘုရားသခင်ပဲသိလိမ့်မယ်။မနက်ဖြန်မှာ အဆင်ပြေရင် အားလုံးအဆင်ပြေနိုင်ပေမယ့် တိုက်ခိုက်ကြမယ့် အခွင့်အခါမျိုးရှိလာခဲ့ရင် ခါးနာပြီးခြေသလုံးတွေ နာကျင်ကိုက်ခဲနေတဲ့ သူအနေနဲ့ ဒုက္ခတွေဝေနေမယ့် မြင်ကွင်းတစ်ခု ဖြစ်လာမှာ အသေချာပါပဲ။
"ဘာလို့လဲ?" ချိုးကျီယန်သည် သူ့ကို လွယ်လွယ်နဲ့ လွှတ်ပေးလိုက်ဖို့ အစီအစဉ်မရှိပေ။
"ကျွန်တော် ပြန်လာတဲ့အထိစောင့်။" ထိုညကို ငြိမ်းချမ်းစွာ ဖြတ်သန်းရရေးအတွက် ထန်ရှောင်းယွီသည် ပူးပေါင်းဆောင်ရွက်မှုမျိုးကို ရရှိရန် မျှော်လင့်ချက်ဖြင့် ဖြစ်လာမည့်အရာများကို ဖော်ပြရန်မှတပါး တခြားရွေးချယ်စရာမရှိပေ။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
