[Unicode]
အခန်း(၈၈):ရိုးသားတဲ့ ဖွင့်ဟဝန်ခံချက်နှင့် ညဉ့်နက် ဝက်ဘ်ဆိုက်များ
“ကိုယ့်ကို ပြောပါ။” အိုးရန်လုံသည် သူ့ပါးလေးတွေကို ညစ်လိုက်ပြန်ကာ မရမနေ ဇွဲကောင်းကောင်းဖြင့် မေးနေ၏။
"... တစ်လခွဲလောက်ကြာပြီးမှ ပြောပြလို့ရမလား?" ဆုနိုသည် သတိကြီးကြီးနဲ့ မေးလိုက်သည်။ ချူဟန်နဲ့ကစားရမည့် ကစားဝိုင်းက တစ်လခွဲလောက်ကြာရင် ပြီးလောက်ပြီ။ သူ့ရဲ့ချောမောခန့်ညားတဲ့ မစ္စတာဒါရိုက်တာနဲ့ သူ့အစ်ကိုကြီးကို ပြောပြီး အဲဒီနှာဘူးကောင်ကို အပြစ်ပေးခိုင်းလိုက်မယ်။ အဲဒါက တကယ်ကို မိုက်မှာပဲ!
သို့သော် ဆုနို၏မေးခွန်းအတွက် မစ္စတာဒါရိုက်တာက အံ့အားသင့်စွာ လက်မခံကြောင်း ပြောခဲ့သည်။
"ဒါဆိုရင်လည်း ဒါရိုက်တာကြီးကို ပြောပြီးရင် သူ့ကို အပြစ်ပေးဖို့ အနည်းဆုံး တစ်လခွဲလောက် စောင့်ပေးလို့နိုင်မလား?" ဆုနိုသည် တစ်စက္ကန့်လောက် စကားကို နောက်ပြန်ဆုတ်လိုက်ပြီး “သူက ကျွန်တော်ကို တကယ်အခွင့်ကောင်းမယူပါဘူး။သူက ကျွန်တော့်ကို ညစ်ညစ်ညမ်းညမ်း စကားတွေပဲ ပြောနေတာ။"
"ကိုယ် စဉ်းစားကြည့်ပါ့မယ်။" မစ္စတာဒါရိုက်တာ ခေါင်းညိတ်ပြလိုက်သည်။
စဉ်းစားကြည့်မယ်ဆိုတာ ဘာကိုဆိုလိုတာလဲ!ဒါရိုက်တာကြီးဆီကနေ ဘာမှ ပြင်းပြင်းထန်ထန်မလုပ်ဘူးဆိုတဲ့ ရာနှုန်းပြည့်အာမခံချက်လိုတယ်။အဲ့တော့မှ ကျွန်တော် ပြောပြနိုင်မယ်! ဆုနို မျက်စောင်းထိုးကာ ကန့်ကွက်လိုက်သည်။
“ကောင်းပြီ။ ကောင်းပြီ။” အိုးရန်လုံသည် ဆုနို၏ခေါင်းလေးကို ပွတ်သပ်လိုက်ကာ "ကိုယ် ကတိပေးပါတယ်"
“ဒါရိုက်...ဒါရိုက်တာကြီး..ဒါကိုကျိန်ပြရမယ်။”
ဆုနိုသည် လွယ်လွယ်ကူကူ မလုပ်နိုင်ပေ။
ပြောရရင် အခြေအနေက ငါ့အချစ်ဆုံးအစ်ကိုကြီးနဲ့ သက်ဆိုင်နေတယ်။ငါပြောတာတွေကို အရမ်းသတိထားရမယ်!
အိုးရန်လုံသည် သူ့ညာဖက်လက်ကို မြှောက်လိုက်ပြီး "ကိုယ် ဘာနဲ့ကျိန်ပြရမလဲ?"
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
